15000 கோடி முகேஷ் அம்பானி வீட்டை விட பெரிய வீடு இந்தியாவிலுள்ள இந்த வீடுதானாம் - இந்த வீடு யாருடையது தெரியுமா?

இந்தியாவின் ஆடம்பர வீடு எதுவென்றால் அனைவரும் அது முகேஷ் அம்பானியின் 15000 கோடி மதிப்புள்ள ஆன்டிலியா என்று கூறுவார்கள். ஆனால் உண்மையில் இந்தியாவின் மிகப்பெரிய வீடு முகேஷ் அம்பானியின் வீடு அல்ல என்பதே நம்ப முடியாத உண்மை. ஆன்டிலியா உலகின் மிக விலையுயர்ந்த தனியார் வீடுகளில் ஒன்றாகும். ஆனால், உலகின் மிகப்பெரிய தனியார் வீடும் இந்தியாவிலேயே அமைந்துள்ளது என்பது உங்களுக்குத் தெரியுமா?

இந்த வீட்டின் பிரம்மாண்டத்துடன் ஒப்பிடும் போது முகேஷ் அம்பானியின் மாளிகை மட்டுமல்ல, பக்கிங்ஹாம் அரண்மனை கூட மிகச் சிறியதாகவே தோன்றும். அது எந்த மாளிகை, அந்த வீட்டின் உரிமையாளர் யார் மற்றும் அந்த வீட்டில் என்னென்ன வசதிகள் உள்ளது என்று இந்த பதிவில் தெரிந்து கொள்ளலாம்.

இந்தியாவின் மிகப்பெரிய வீடு

இந்தியாவின் மிகப்பெரிய மற்றும் ஆடம்பரமான மாளிகை எதுவென்றால் குஜராத்தின் வதோதராவில் அமைந்துள்ள 'லக்ஷ்மி விலாஸ் அரண்மனை' ஆகும். வதோதராவில் 500 ஏக்கருக்கும் அதிகமான பரப்பளவில் அமைந்துள்ள லட்சுமி விலாஸ் அரண்மனை, உலகின் மிகப்பெரிய இல்லங்களில் ஒன்றாகக் கருதப்படுகிறது; இது இந்தியாய் அரச குடும்பங்களின் செல்வம் மற்றும் பொறியியல் நுணுக்கத்தின் அடையாளமாகத் திகழ்கிறது. அதேசமயம் முகேஷ் அம்பானியின் ஆன்டிலியா வெறும் 1.12 ஏக்கர் பரப்பளவில் மட்டுமே உள்ளது. இந்த அரண்மனை பரந்து விரிந்த தோட்டங்கள் முதல் பிரம்மாண்டமான கூடங்கள், அருங்காட்சியகங்கள் மற்றும் கோல்ஃப் மைதானம் வரை பல ஆடம்பர வசதிகளைக் கொண்டுள்ளது.

இது எப்போது கட்டப்பட்டது?

இந்த ஆடம்பர அரண்மனை 19-ஆம் நூற்றாண்டின் பிற்பகுதியில் கெய்க்வாட் அரச குடும்பத்திற்காகக் கட்டப்பட்ட இது, இந்திய மரபு மற்றும் ஐரோப்பியக் கட்டிடக்கலை பாணியின் தனித்துவமான கலவையை வெளிப்படுத்துகிறது. இதன் பிரம்மாண்டமான சுவர்கள் மற்றும் கலைநயத்துடன் அலங்கரிக்கப்பட்ட அறைகளில் உலா வரும்போது, ​​இங்கு வாழ்ந்த அரச குடும்பத்தினரின் வாழ்க்கை முறை, லட்சியம் மற்றும் கலாச்சாரம் ஆகியவற்றை பார்வையாளர்கள் உணர முடியும்.

இந்த அரண்மனைக்குள் என்னென்ன உள்ளது?

வதோதரா ஒரு சாதாரண இந்திய நகரமாகத் தோன்றலாம், ஆனால் இந்த அரண்மனை அதற்கு ஒரு தனித்துவமான அடையாளத்தை வழங்குகிறது. சுமார் 1890-ல் கட்டப்பட்ட இது, பரோடா மாநிலத்தை ஆண்ட கெய்க்வாட் குடும்பத்தின் இல்லமாக இருந்தது. இது வதோதரா நகரத்தின் தனித்துவமான அடையாளமாக விளங்குகிறது, மேலும் இதை பார்க்கும் அனைவரும் ஆச்சரியப்படுவது உறுதி.

இந்த அரண்மனை ஏன் உலகின் மிகப்பெரிய தனிநபர் இல்லமாகக் கருதப்படுகிறது?

லக்ஷ்மி விலாஸ் அரண்மனை மராட்டிய வம்சத்தைச் சேர்ந்த கெய்க்வாட் குடும்பத்தினரின் இல்லமாகும். 18-ஆம் நூற்றாண்டின் தொடக்கம் முதல் 1947-ஆம் ஆண்டு வரை பரோடா சமஸ்தானத்தை ஆண்ட குடும்பம் இதுவாகும். நான்கு கெய்க்வாட் மன்னர்களின் முடிசூட்டு விழாக்கள் இந்த அரண்மனையில் நடந்துள்ளது. இவர்களில் கடைசியாக 2012-இல் முடிசூட்டிக்கொண்டவர் மகாராஜா சமர்ஜித் சிங் ரஞ்சித் சிங் கெய்க்வாட் ஆவார். இவரது மனைவியான ராதிகாராஜே கெய்க்வாட், பெண்கள் மேம்பாடு மற்றும் இந்தியாவின் பாரம்பரியக் கலைப்பொருட்களை ஊக்குவித்தல் ஆகிய பணிகளில் ஈடுபட்டு வரும் ஒரு சமூக ஆர்வலர் ஆவார். பொதுமக்களுக்கு இந்த அரண்மனையை அணுகக்கூடிய இடமாக மாற்றியதில் இந்த தம்பதிகளுக்கு முக்கிய இடம் உள்ளது.

அரண்மனையில் ஒளிந்துள்ள அதிசயங்கள்

லட்சுமி விலாஸ் அரண்மனை சுமார் 500 ஏக்கர் (கிட்டத்தட்ட 3,04,92,000 சதுர அடி) பரப்பளவில் அமைந்துள்ளது. இதில் 170-க்கும் மேற்பட்ட அறைகள் உள்ளன; அவற்றில் பலவற்றின் சுவர்கள் உண்மையான தங்கத்தால் ஆனவை. இந்த பிரம்மாண்டமான அரண்மனையில் ஒரு பெரிய தோட்டம், குதிரைகளுக்கான பெரிய லாயம், நீச்சல் குளம் மற்றும் ஒரு தனிப்பட்ட கோல்ஃப் மைதானம் ஆகியவை உள்ளன. இந்த அரண்மனையின் ஒரு பகுதியில் கெய்க்வாட் அரச குடும்பத்தினர் வசிக்கின்றனர், மீதமுள்ள பகுதி அருங்காட்சியகமாக மாற்றப்பட்டுள்ளது, இது ஆண்டுதோறும் லட்சக்கணக்கான பார்வையாளர்களை ஈர்க்கிறது.