பாகிஸ்தானையும், ஆப்கானிஸ்தானையும் வரதட்சணையாக வாங்கிய சக்திவாய்ந்த இந்திய அரசர் யார் தெரியுமா?

இந்திய வரலாறு மிகவும் தனித்துவமானது. கி.மு 326 இல், பாதி உலகை கட்டி ஆண்ட அலெக்சாண்டர் இந்தியா மீது படையெடுத்தபோது, ​​அவரால் வியாஸ் நதியைக் கடக்க முடியவில்லை. ஆனால் அவரது தளபதிகளில் ஒருவரான செலூகஸ் நிகேட்டர், நதியைக் கடந்து மகதத்திற்குள் நுழைய முயன்றார். அந்த நேரத்தில் மகதத்தை சந்திரகுப்த மௌரியர் ஆட்சி செய்தார்.

அவர் அலெக்சாண்டரின் படையைத் தடுத்து நிறுத்தி, தனது தலைமை ஆலோசகர் சாணக்கியரின் உதவியுடன் அவரைத் திரும்பும்படி கட்டளையிட்டார் பின்னர், சந்திரகுப்த மௌரியருக்கு எதிரான போரிலும் நிகேட்டர் தோல்வியை சந்தித்தார். சந்திரகுப்த மௌரியரிடம் பெரும் தோல்வியைச் சந்தித்த பிறகு, நிகேட்டர் இந்திய மன்னருடன் சமரசம் செய்து தனது மகள் ஹெலனை சந்திரகுப்தருக்கு திருமணம் செய்து தர முடிவு செய்தார்.

திருமணப் பரிசாக பாகிஸ்தான் மற்றும் ஆப்கானிஸ்தானின் பெரும்பகுதியை வரதட்சணையாக வழங்கினார். இந்த நிகழ்வுகள் அனைத்தும் பீகாரின் தலைநகரான தற்போது பாட்னா என்று அழைக்கப்படும் பாடலிபுத்திரத்தில் நடந்தன.

எப்போது தொடங்கியது?

அலெக்சாண்டரே வியாஸ் நதியை கடக்க முடியாத போது அவரது தளபதி செலூகஸ் நிகேட்டர் நதியைக் கடந்து இந்தியாவிற்குள் நுழைந்தார். அப்போது மகதத்தை ஆட்சி செய்த சந்திரகுப்த மௌரியரிடம் ஒரு பெரிய யானைப் படை இருந்தது. இது செலூகஸுக்குத் தெரிந்ததும், அவருடன் போரிட யானைப் படையையும் அழைத்து வந்தார்.

சாணக்கியரின் ஆலோசனை

யானைகளை எதிர்த்து குதிரைப் படையை அனுப்புமாறு சாணக்கியர் சந்திரகுப்தருக்கு அறிவுறுத்தினார். மழைக்காலத்திற்காகக் காத்திருந்து, தண்ணீர் தேங்கி நிற்கும் இடத்தில் போரைத் தொடங்கினார். தண்ணீர் தேங்கியதால், யானைகள் நடக்க சிரமப்படத் தொடங்கின. இதனால் குதிரைகள் யானைகளை எளிதில் வெல்ல முடிந்தது. சேற்றில் சிக்கிய தேர்களுடன் சண்டையிட செலூகஸ் வந்தார். சந்திரகுப்தரின் படையில் சக்திவாய்ந்த குதிரைகள் இருந்தன.

தனது தோல்வியை உணர்ந்த செலூகஸ், தனது மகள் ஹெலனை சந்திரகுப்த மௌரியருக்கு மணமுடிக்க முடிவு செய்தார். அவர் ஆரியா (ஹெராத்), அரச்சோசியா (காந்தஹார்), கெட்ரோசியா (பலூசிஸ்தான்) மற்றும் பரோபெசிடே (காபூல்) ஆகியவற்றை வரதட்சணையாகக் கொடுத்தார். இப்படித்தான், முழு பாகிஸ்தானும் ஆப்கானிஸ்தானும் சந்திரகுப்த மௌரியருக்கு வரதட்சணையாகக் கொடுக்கப்பட்டது.

பீகார் உருவாக்கப்பட்ட நாள்

புத்தரின் பூமி என்று அழைக்கப்படும் பீகார், கடந்த மார்ச் 22 அன்று அதன் 113 வது ஆண்டு நிறைவைக் கொண்டாடியது. பிரிட்டிஷ் ஆட்சியின் கீழ் வங்காள மாகாணத்திலிருந்து தனி அமைப்பாக 1912 இல் உருவாக்கப்பட்ட பீகார் தினம், மாநிலத்தின் வரலாற்று முக்கியத்துவத்தையும் அதன் பன்முக கலாச்சார, சமூக மற்றும் அரசியல் வளர்ச்சியையும் நினைவுகூர்கிறது. ஆரம்பத்தில் இன்றைய பீகார், ஜார்க்கண்ட் மற்றும் ஒடிசாவின் சில பகுதிகளை உள்ளடக்கியயாதாக இருந்தது, இந்த பகுதி இந்தியாவின் சுதந்திர இயக்கத்தில் முக்கிய பங்கு வகித்தது, ஏராளமான முக்கிய புரட்சியாளர்கள் மற்றும் சுதந்திரப் போராளிகளை உருவாக்கியது.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)