ஜீன்ஸ் கண்டுபிடிக்கப்பட்டதற்கு பின்னால் உள்ள வரலாறு தெரியுமா? உலகின் முதல் ஜீன்ஸ் பிராண்ட் எது தெரியுமா?

இன்று அனைத்து இளைஞர்களின் அலமாரியிலும் நிச்சயம் நீல நிற ஜீன்ஸ் பேண்ட் நிச்சயம் இருக்கும். 1860 முதல் தற்போது வரை ஜீன்ஸ் பேண்டை நீண்ட வரலாற்றைக் கொண்டுள்ளது. சுரங்கத் தொழிலாளர்களிடையே தொடங்கி ஜீன்ஸ் என்பது தற்போது உலகெங்கிலும் உள்ள அனைத்து வயதினரும் ஆண்கள், பெண்கள் மற்றும் குழந்தைகள் அணியும் உலகளாவிய ஆடையாக உருமாறியுள்ளது. ஜீன்ஸ் பேண்ட்டின் வரலாறு பற்றி இந்த பதிவில் தெரிந்து கொள்ளலாம்.

முதல் ஜீன்ஸ் பேண்ட்டை உருவாக்கியவர் யார்?

1860-களின் பிற்பகுதியில், லெவி ஸ்ட்ராஸ் முதல் ஜீன்ஸ் பேண்ட்டை உருவாக்கினார். லெவி ஸ்ட்ராஸ் மற்றும் ஜேக்கப் டேவிஸ் 1873 ஆம் ஆண்டில் முதல் தற்போதைய நீல நிற ஜீன்ஸை வடிவமைத்தனர். காப்புரிமை # 139,121 காப்புரிமை மற்றும் வர்த்தக முத்திரை அலுவலகத்தால் வழங்கப்பட்டது, அதில் காப்பர் ரிவெட்டுகள் மற்றும் பலப்படுத்தப்பட்ட பாக்கெட்டுகள் இருந்தது.

நவீன ஜீன்ஸ் எப்போது தோன்றியது?

1873 ஆம் ஆண்டில், லெவி ஸ்ட்ராஸ் மற்றும் ஜேக்கப் டேவிஸ் நவீன ஜீனஸின் வளர்ச்சிக்காக காப்புரிமைப் பெற்றார்கள். அதற்கு முன் தடிமனான டெனிம் லேபர் பேண்ட்கள் இருந்தன, ஆனால் இன்று நாம் அணியும் காப்பர் ரிவெட்டுகள் மற்றும் பாக்கெட்டுகள் அவற்றில் அந்த காலத்தில் இல்லை.

ஜீன்ஸ் எந்த பொருட்களில் தயாரிக்கப்படுகிறது?

டெனிம் என்பது ஜீன்ஸ் தயாரிக்கப் பயன்படும் ட்வில் பருத்தி துணி. இது பிரெஞ்சு நகரமான நிம்ஸில் கண்டுபிடிக்கப்பட்டதால், டெனிம் முன்பு செர்ஜ் டி நிம்ஸ் என்று அழைக்கப்பட்டது.

லெவி ஸ்ட்ராஸ் "ப்ளூ ஜீன்ஸின் தந்தை"

லெவி ஸ்ட்ராஸ் பவேரியாவிலிருந்து வட அமெரிக்காவிற்கு குடிபெயர்ந்தார், அந்த நேரத்தில் பல குடியேறியவர்களைப் போலவே, கண்டம் முழுவதும் மேற்கு நோக்கி பயணித்து பல பொருட்களை விற்பனை செய்தார். அவர் 1850 களில் கலிபோர்னியாவிற்கு சுரங்க வேலைக்குச் சென்றார். மேலும் சுரங்கத் தொழிலாளர்கள் மற்றும் அவர்களின் குடும்பத்திற்குத் தேவையான அத்தியாவசிய பொருட்களை விற்பனை செய்தார்.

அப்போது ஒருநாள் சுரங்கத் தொழிலாளி ஒருவர் ஸ்ட்ராஸிடம் தங்கச் சுரங்கத்தின் கடுமையை எதிர்க்கக்கூடிய உறுதியான வேலைக் காலுறைகளை உருவாக்க முடியுமா என்று கேட்டார், ஏனெனில் அவர்களின் கடுமையான உழைப்புப்பைத் தாங்க கூடிய பொருத்தமான உபகரணங்கள் அவர்களுக்குத் தேவைப்பட்டன. ஸ்ட்ராஸ் ஒரு தையல்காரருடன் இணைந்து, கூடாரம் கட்டுவதற்கு கனரக கேன்வாஸ் ஒர்க் பேண்ட்களை உருவாக்கினார்.

1860 களின் பிற்பகுதியில், அவர் அதே துணியில் கால்சட்டைகளை உருவாக்கத் தொடங்கினார. "நீல ஜீன்ஸ்" என்பது இண்டிகோ-சாயம் பூசப்பட்ட ஜீன்ஸைக் குறிக்கிறது. அசல் 501 வடிவமைப்பு ஒரு ஜெனோயிஸ் மாலுமியிடம் இருந்து ஈர்க்கப்பட்டது, அவர் கடினமான வேலைக்குப் பொருந்தும் வகையில் விரிந்த கால்கள் கொண்ட பேக்கி கால்சட்டை அணிந்திருந்தார்.

ஸ்ட்ராஸின் ஆரம்பகாலத்தில் உருவாக்கிய கால்சட்டைகள் தடிமனான கேன்வாஸால் செய்யப்பட்டன, ஆனால் செர்ஜ் டி நிம்ஸ் எனப்படும் உறுதியான துணிக்கு மேம்படுத்தப்பட்ட பிறகு, அவை டெனிம் என்று அழைக்கப்பட்டன. ஸ்ட்ராஸ் கண்டுபிடித்தபோது டெனிம் ஏற்கனவே பிரான்சில் பயன்பாட்டில் இருந்தது.

இந்த புதிய ஜீன்ஸ் அனைவராலும் ஏற்றுக்கொள்ளப்பட்டது, ஆனால் 1870 களில் சுரங்கம் போன்ற உடல் உழைப்பின் கடுமையை அவற்றால் தாங்க முடியவில்லை. ஜீன்ஸின் பலவீனமான பகுதிகள் பாக்கெட்டுகளின் மூலைகளாகவும், பட்டன் பிளாக்கெட்டின் அடிப்பகுதியாகவும் இருந்தன. சுரங்கத் தொழிலாளர்களுக்கு அதிக அளவு தங்கம் இருக்கக்கூடிய பெரிய பாக்கெட்டுகள் கொண்ட பேன்ட்கள் தேவைப்பட்டன, மேலும் அவர்களின் பாக்கெட்டுகளின் அடிப்பகுதியில் உள்ள சீம்கள் அடிக்கடி சேதமடைந்தன.

இதனைத் தடுக்க பாக்கெட்டுகளின் பலவீனமான புள்ளிகளை வலுப்படுத்த காப்பர் ரிவெட்டுகளைப் பயன்படுத்த லெவி தொடங்கினார். அதன்பின் அடுத்தடுத்த ஆண்டுகளில் ஜீன்ஸ் பல்வேறு மாற்றங்களுக்கு உட்படுத்தப்பட்டு தற்போதைய நவீன ஜீன்ஸ் உருவானது.

Levi's ஜீன்ஸின் ஆதிக்கம்

1890 முதல் 1950 வரை, லெவி ஸ்ட்ராஸ் தயாரிப்பில் தனிக்காட்டு ராஜாவாக விளங்கிநார், ஆரம்பகால ஜீன்ஸ் சந்தையில் ஆதிக்கம் செலுத்தியதால் அவர் மற்ற போட்டியாளர்களை விட அதிக லாபம் பெற்றார்.

சுரங்கத் தொழிலாளர்கள், மரம் வெட்டுபவர்கள், கவ்பாய்ஸ், பண்ணையாளர்கள், விவசாயிகள், தொழில்துறை ஊழியர்கள் மற்றும் தொழிலாளர்கள் அனைவரும் Levi's ஜீன்ஸ் அணிவதற்கு அங்கீகாரம் பெற்றவர்கள், அவை நீடித்து உழைக்கக் கூடியதாக இருந்தது, வசதியானதாகவும் மற்றும் பராமரிப்பு செலவு குறைவானதாகவும் இருந்தது. இப்போதும் இந்த காரணங்களுக்காகவே ஜீன்ஸ் பேண்ட் அனைவராலும் விரும்பப்படுகிறது.