செல்லப் பிராணிகளுக்கான உணவு பழக்கம்!!!

செல்லப்பிராணிகளின் உணவு பழக்கம்

செல்லப்பிராணிகளின் உணவு பழக்கங்கள் அதன் இனத்தை பொறுத்து வேறுபடுவதில்லை, மாறாக அதன் உருவத்தை பொறுத்தே வேறுபடும். பொதுவாக குட்டி நாய்களின் உணவு பழக்கத்தை, வளர்ந்த நாய்களோடு ஒப்பிடுகையில் சற்று வேறுபாட்டுடன் இருக்கும். குட்டி நாய்களுக்கு திறன் அதிகமாக தேவைப்படாததால், அதற்கு குறைந்த அளவு சாப்பாடு போதுமானது.

உணவு திட்டம்

செல்லப்பிராணிகளுக்கு சமநிலையான உணவை வழங்க வேண்டும். சிக்கன் மற்றும் ஆட்டு இறைச்சி (நெஞ்சுக்கறி,தொடைக்கறி, கால் பகுதி என்று எல்லா பாகங்களையும் கொடுக்கலாம்), சாதம், சர்க்கரைவள்ளி கிழங்கு, பட்டாணி, முட்டை மற்றும் மீன் எண்ணெய் ஆகியவற்றை அதற்கு உணவாக கொடுக்கலாம். ஆனால் சோயா, சோளம் மற்றும் கோதுமையை தவிர்க்க வேண்டும்.

போதிய உணவு

அளவுக்கு அதிகமான உணவை உண்ண கொடுக்கக்கூடாது. வளர்ந்த நாய் ஒரு நாளைக்கு இரண்டு அல்லது மூன்று முறை சாப்பிடலாம். இதுவே குட்டி நாய் என்றால் ஒரு நாளைக்கு நான்கு அல்லது ஐந்து முறை சாப்பிட வேண்டும்.

வீட்டில் சமைத்த உணவு மற்றும் பழங்கள்?

நாய்களுக்கு பழங்கள் கொடுத்தால், செரிமானமாவதில் சிரமம் ஏற்படும். அதனால் வீட்டில் சமைத்த சாதத்துடன் கோழி/ஆட்டிறைச்சி அல்லது ஓட்ஸ் உடன் சேர்த்து கோழி கறியை கொடுக்கலாம். ஆனால் ஓட்ஸை மாட்டிறைச்சி அல்லது பன்றிக்கறி போன்ற இறைச்சியுடன் சேர்த்து கொடுக்கக்கூடாது. ஏனெனில் அது அவ்வளவு சுலபமாக செரிமானம் ஆவதில்லை. அதே போல் கோழி எலும்பையும் நாய்க்கு கொடுக்கக்கூடாது. அது அதன் தொண்டை குழியில் சிக்கி கொள்ளும்.

புரதச்சத்தின் முக்கியத்துவம்

நாயின் தசை வளர்ச்சி மற்றும் உடல் வளர்ச்சிக்கு தேவைப்படும் அமினோ அமிலம் புரதச் சத்தில் உள்ளது. மேலும் புரதம், தேவையான ஆற்றல் சக்தியை கொடுத்து செரிமானத்திற்கு உதவி புரியும். அதனால் அதன் உணவில் தேவையான அளவு புரத சத்து, வைட்டமின்கள் மற்றும் கால்சியம் இருந்தால் தான் நாய் சுறுசுறுப்பாகவும், ஆரோக்கியத்துடனும் இருக்கும். பொதுவாக கோழி, ஆட்டிறைச்சி மற்றும் மீன்களில் புரதச்சத்து நிறைந்து உள்ளது.

நோய்களும், செல்லப்பிராணியும்

பருவக்காலத்தில் நாய்களுக்கு கூடுதல் கவனிப்பு தேவை. குடிநீர் மாசுபடுவது இந்த காலத்தில் மிகவும் சகஜம். அப்படிப்பட்ட நீரை பருகுவதால் நாய்களுக்கு வயிற்றுப் போக்கு ஏற்படும். இதற்கு சிறந்த வழி நாய்க்கு சுத்தமான உணவையும் தண்ணீரையும் கொடுக்க வேண்டும்.

பருவக்கால சிறப்பு உணவு

கோடை காலத்திலும் பருவக்காலத்திலும் காற்றில் அதிக ஈரப்பதம் மற்றும் வெப்பம் இருப்பதால், நாய்கள் காய்ந்த உணவு வகைகளை விரும்புவதில்லை. வீட்டில் சமைத்த குழம்புத் தன்மையுள்ள உணவு வகைகள் தான் அதற்கு ஏற்றவை. இயற்கையான சமநிலை உணவை அதற்கு அளிக்க வேண்டும். அப்படிப்பட்ட உணவில் நிச்சயம் தேவையான அளவு கார்போஹைட்ரேட், நார்ச்சத்து, கால்சியம், கொழுப்பிணி மற்றும் வைட்டமின்கள் இருக்க வேண்டும்.

மெட்டபாலிசத்தை மேம்படுத்துதல்

அதிக நார்ச்சத்துள்ள உணவான சர்க்கரைவள்ளி கிழங்கு, கொழுப்பு நீக்கிய கோழிக்கறி, கைக்குத்தல் அரிசி மற்றும் பன்னீர் போன்றவை, நாயின் மெட்டபாலிசத்தை மேம்படுத்தவும், நல்ல உடல் ஆரோக்கியத்துடனும் இருக்க உதவி புரியும்.