மரணப் படுக்கையில் இருக்கும் நாயை பராமரிப்பது எப்படி?

வழி 1

கால்நடை மருத்துவரிடம், நாய்க்கு வந்திருக்கும் நோயின் தன்மை பற்றியும் அது எத்தனை நாள் எஞ்சியிருக்கும் என்பதையும் கேட்டறிந்துக் கொள்ளவும். உதாரணத்திற்கு, மருத்துவர், நாய் கடைசி நிலை புற்று நோயால் பாதிக்கப்பட்டு இன்னும் இரண்டிலிருந்து மூன்று வாரங்களில் இறந்து விடும் என்று சொல்கிறாரென்று வைத்துக் கொள்ளுங்கள். அது உயிர் வாழப் போகும் நாட்களை முன்கூட்டியே அறிவதால் அதற்கேற்ப மன நிலையை தயார்படுத்திக் கொள்ளவும். மேலும் அதன் கடைசி நாட்கள் சந்தோஷமாக கழியும் படியும் பார்த்துக் கொள்ள வேண்டும்.

வழி 2

கால்நடை மருத்துவரிடம் இருந்து தேவையான அளவு மருந்து மாத்திரைகளை வாங்கிக் கொள்ள வேண்டும். மேலும் மருந்து கொடுக்க வேண்டிய நேரத்தையும், இடைவெளியையும், அளவையும் மறக்காமல் நினைவில் வைத்துக் கொள்ள வேண்டும். அழற்சியை தடுக்கும் மருந்துகள், ஸ்டீராய்ட் மருந்துகள், மயக்க மருந்துகள் போன்ற மருந்துகளை இந்நேரத்தில் அதற்கு மருத்துவர்கள் பரிந்துரைப்பார்கள். மேலும் சாப்பிடும் அளவு குறைந்தாலோ, குமட்டல் எடுத்தாலோ, வாந்தி எடுத்தாலோ அல்லது வயிற்றுப் போக்கு ஏற்பட்டாலோ, அதற்கு உண்டான மருந்துகளை மருத்துவரிடம் இருந்து பெற்றுக் கொள்ள வேண்டும்.

வழி 3

நாயினத்தின் வலி அளவுகோலை பயன்படுத்தி நாயின் வலி அளவை மதிப்பிட வேண்டும். நாயால் தனக்கு எந்தளவுக்கு வலி இருக்கிறது என்பதை வாயை திறந்து பேச முடியாது, தன் வலியை தாங்கிக் கொண்டு உணர்ச்சியை கட்டுப்படுத்துவதைப் போல. அதன் வலி அளவை கணக்கிட அறிந்து கொள்ள வேண்டும். அதற்கேற்ப வலி மருந்துகளை கொடுக்கலாம் அல்லது கால்நடை மருத்துவரை உடனே அணுகலாம். ஆகவே அதன் வலி அளவை கண்டுபிடிக்கும் வழிமுறைகளை மருத்துவரிடம் கேட்டு தெரிந்துக் கொள்வதோடு, அதன் நடத்தையின் மாறுதல்கள், தசை இறுக்கங்கள் அல்லது அதன் உடம்பில் உள்ள பகுதிகளில் ஏற்படும் வெப்பம் போன்றவைக்கான அறிகுறிகளையும் காரணங்களையும் தெரிந்துக் கொள்ளவும்.

வழி 4

நாய்க்கு வசதியாகவும், அமைதியாகவும் இருக்கும் ஒரு படுக்கையை ஏற்பாடு செய்யவும். இது வெதுவெதுப்பாக, மனிதர்களிடம் இருந்தும் மற்ற வளர்ப்புப் பிராணிகளிடமிருந்தும் தள்ளியே இருக்க வேண்டும். வீட்டில் உள்ள மற்ற வளர்ப்புப் பிராணிகள் நாய்க்கு தொந்தரவு கொடுத்தால், அவைகளிடம் இருந்து நாயை எப்போதுமே விலக்கியே வைக்க வேண்டும். சில நேரம் நோய்வாய்பட்ட அல்லது வயதான நாய்களை மற்ற நாய்கள் தாக்க முற்படும், ஏன் சில நேரங்களில் கொன்றும் விடும்.

வழி 5

நாய்க்கு சீரான சாப்பிடும் அட்டவணையை தயாரித்துக் கொள்ளவும். நாய்க்கு குமட்டல் ஏற்பட்டால், சிறிய அளவிலான சாப்பாட்டை சில நேர இடைவெளியில் பல முறை கொடுக்க வேண்டும். லேசான சாப்பட்டை அதற்கு கொடுக்கவும். அதிலும் கலவை போன்ற உணவை கொடுக்கவும். உதாரணத்திற்கு, டப்பியில் அடைத்த உணவை கொடுத்தால், அதற்கு மெல்லவும் விழுங்கவும் சுலபமாக இருக்கும்.

வழி 6

நாய்க்கு பிடித்த செயல்களை தொடர வேண்டும். உதாரணத்திற்கு, அது நடை கொள்ளவோ அல்லது காரில் பயணம் செய்யவோ விரும்பும் என்றால் அதற்கு சலிப்பு தட்டும் வரை அதை நிறுத்த வேண்டாம். குறிப்பாக அது மேற்கொள்ளும் செயல், அதனை சோர்வடைய செய்து விடாமல் பார்த்துக் கொள்ள வேண்டும். இந்த நேரத்தில் நாயிடம் கனிவான முறையில் பேச வேண்டும். நாய்கள் மனித உணர்ச்சிக்கேற்ப உணர்ச்சிவசப் படக்கூடியது. எனவே நீங்கள் மிகவும் சோகத்தில் இருந்தாலோ அல்லது அழுதாலோ, நாய்க்கு உடல் மற்றும் மன உளைச்சல் ஏற்படும்.

வழி 7

மருத்துவர் பரிந்துரைத்த மருந்துகள் வலியை குறைக்கிறதா என்று கண்காணித்துக் கொள்ள வேண்டும். ஒரு வேலை அதற்கு வலி கூடி கொண்டே போய் அது மிகவும் துடிதுடித்துப் போனால், அதை கருணைக் கொலை செய்வதே அதற்கு நாம் ஆற்றும் பெரும் உதவியாக இருக்கும்.