பாத்திரத்தில் இருந்து வெளிவரும் முட்டை துர்நாற்றத்தைத் தடுக்க சில டிப்ஸ்...

கடலை மாவு முறை

முட்டையை சமைத்து சாப்பிட்ட பின்னர், பாத்திரத்தில் கடலை மாவைத் தூவி சிறிது நேரம் தேய்த்து ஊற வைத்து, பின் மீண்டும் தேய்த்தால், பாத்திரத்தில் இருந்து வெளிவரும் துர்நாற்றத்தைத் தடுக்கலாம்.

எலுமிச்சை சாறு

பாத்திரத்தில் இருந்து வெளிவரும் முட்டையின் துர்நாற்றத்தைப் போக்க எலுமிச்சை சாறு மிகவும் பயனுள்ளதாக இருக்கும். அதற்கு ஒரு துணியை எலுமிச்சை சாற்றில் நனைத்து, அதனை நாற்றமடிக்கும் பாத்திரத்தில் நன்கு தேய்த்து சிறிது நேரம் கழித்து கழுவி, பின் சோப்பு போட்டு தேய்த்தால், முட்டை துர்நாற்றத்தைப் போக்கலாம்.

வினிகர் ஸ்ப்ரே

பிளாஸ்டிக் பொருட்களில் முட்டையின் நாற்றம் இருந்தால் அது அவ்வளவு எளிதில் போகாது. ஆகவே பிளாஸ்டிக் தட்டில் முட்டையை வைத்து சாப்பிட்ட பின்னர், அதில் வினிகர் ஸ்ப்ரேவை தெளித்து, சிறிது நேரம் ஊற வைத்து, பின் சோப்பு பயன்படுத்தி சுத்தமாக கழுவினால் போதும், துர்நாற்றம் மறைந்துவிடும்.

வினிகர் சிகிச்சை

பாத்திரத்தில் உள்ள முட்டையின் துர்நாற்றத்தைப் போக்க நினைத்தால், முதலில் சோப்பு பயன்படுத்தி பாத்திரத்தை கழுவி விட்டு, பின் ஒரு டீஸ்பூன் வினிகரை பாத்திரத்தின் மீது தெளித்து ஊற வைத்து, பிறகு நீரில் அலசி வைத்தால், பாத்திரம் நன்கு மணத்துடன் இருக்கும்.

பேக்கிங் சோடா

பேக்கிங் சோடா கூட வாந்தி வரச் செய்யும் முட்டை துர்நாற்றத்தைப் போக்கும். அதற்கு பேக்கிங் சோடாவை நீரில் போட்டு, அந்த நீரில் முட்டை சமைத்த பாத்திரத்தை பபோட்டு சிறிது நேரம் ஊற வைத்து, பின் சோப்பு பயன்படுத்தி கழுவினால், துர்நாற்றம் போய்விடும்.