எரிச்சலூட்டும் எண்ணெய் கறைகளைப் போக்க... இத படிங்க...

பாத்திரங்கள்

பாத்திரங்களில் படியும் எண்ணெய் பசைகளை போக்குவதற்கு, முதலில் அதனை ஓடும் நீரில் காண்பித்து அலசி, பின் எலுமிச்சை துண்டுகளை, கோலப்பொடியில் தொட்டு தேய்த்து, பின் பாத்திரம் கழுவும் சோப்புக்களைப் பயன்படுத்தி தேய்த்து கழுவினால், எண்ணெய் பசை எளிதில் போய்விடும்.

ஆடைகள்

ஆடைகளில் எண்ணெய் கறைகள் படிந்தால், அதனை உடனே நீரில் அலசாமல், டிஷ் வாஷ் நீர்மம் கொண்டு தேய்த்து, பின் சாதாரணமாக துவைப்பது போல் துவைத்தால், எண்ணெய் பசையானது நீங்கிவிடும்.

பாத்திரம் கழுவும் தொட்டி

வீடுகளில் பாத்திரம் கழுவும் தொட்டிகளிலும் எண்ணெய் பசை கறைகள் படியும். எனவே அத்தகைய எண்ணெய் பசையை வினிகர், பேக்கிங் சோடா போட்டு தேய்த்து, 10 நிமிடம் ஊற வைத்து பின் கழுவினால், தொட்டியானது மின்னும்.

கைகள்

கைகளிலும் எண்ணெய் பிசுக்குகள் இருக்கும். அப்போது அதனை போக்க சர்க்கரையை வினிகரில் கலந்து, கைகளில் 2-3 நிமிடம் தேய்த்து, பின் வெதுவெதுப்பான நீரில் கழுவினால், கைகளில் உள்ள எண்ணெய் பிசுக்குகள் நீங்கிவிடும்.

சுவர்கள்

சமையலறை சுவர்களில் எண்ணெய் படிந்ததால் முதலில் செய்ய வேண்டியது, டிஸ்யூ பேப்பரைக் கொண்டு துடைக்க வேண்டும். பின்னர் ஒரு ஸ்பாஞ்சில் வினிகரை ஊற்றி, எண்ணெய் பசை உள்ள இடத்தில் லேசாக டிஷ் வாஷ் பவுடரை தூவி தேய்த்து கழுவ வேண்டும்.

தரைகள்

தரைகளில் எண்ணெய் பசைகள் இருந்தால், உயிருக்கே ஆபத்து ஏற்படும். ஆகவே வீட்டின் தரையை சுத்தமாக வைத்துக் கொள்வது அவசியமான ஒன்றாகும். அதிலும் எண்ணெய் பசைகளைப் போக்குவதற்கு பேக்கிங் சோடா மற்றும் வினிகரை கலந்து, எண்ணெய் பசையுள்ள இடத்தில் ஊற்றி தேய்த்து, 5 நிமிடம் ஊற வைத்து, பின் மாப்பை வெதுவெதுப்பான நீரில் நனைத்து, துடைத்து எடுக்க வேண்டும்.

கண்ணாடி

2 டேபிள் ஸ்பூன் பேக்கிங் சோடாவை, 1/2 கப் தண்ணீரில் கெட்டியாக கலந்து, அதனை எண்ணெய் பசையுள்ள கண்ணாடியில் தடவி, வெதுவெதுப்பான நீரில் ஸ்பாஞ்ச்சை நனைத்து, துடைக்க வேண்டும். இதனால் கண்ணாடி எண்ணெய் பசையின்றி மின்னும்.