கண்ணாடியை பளிச்சென்று மின்னச் செய்ய சில டிப்ஸ்....

செய்தித்தாள்

கண்ணாடிகள் நன்கு பளிச்சென்று மின்னுவதற்கு, சிறிது தண்ணீரை கண்ணாடியில் தெளித்து, செய்தித்தாள் கொண்டு துடைக்க வேண்டும். அதிலும் துடைக்கும் போது சற்று அழுத்தி துடைக்க வேண்டும். மேலும் இந்த நேரத்தில் கைவிரல்களை கண்ணாடியில் உடனே வைக்கக்கூடாது.

வெள்ளை வினிகர்

வெதுவெதுப்பான நீரில் சிறிது வெள்ளை வினிகரை சேர்த்து கலந்து, கண்ணாடியின் மீது தெளித்து, பேப்பர் கொண்டு துடைத்தால், முகம் பார்க்கும் கண்ணாடியானது மின்னும்.

எலுமிச்சை சாறு

எலுமிச்சை சாறு முகத்தை மட்டுமின்றி, கண்ணடியையும் தான் பளிச்சென்று வைத்துக் கொள்ள உதவும். அதற்கு எலுமிச்சை சாற்றை தண்ணீரில் கலந்து, கண்ணாடியில் தெளித்து காகிதம் கொண்டு துடைக்க வேண்டும். இதனால் நல்ல நறுமணமும் வீசும்.

ஆல்கஹால்

ஆல்கஹாலை நீரில் கலந்து, கறை உள்ள கண்ணாடியின் மீது தெளித்து, சுத்தமான பேப்பரால் துடைத்தால், கறைகள் நீங்கிவிடும்.

போராக்ஸ்

கண்ணாடியை சுத்தப்படுத்த மற்றொரு முறை, போராக்ஸ் பொடியை வெள்ளை வினிகருடன் சேர்த்து கலந்து, அந்த கலவையை கண்ணாடியில் தெளித்து துடைக்க வேண்டும்.

மென்மையான காட்டன் துணி

கண்ணாடியை சுத்தப்படுத்த மென்மையான காட்டன் துணியைப் பயன்படுத்த வேண்டும். இதனால் கண்ணாடியில் உள்ள கறைகள் மற்றும் அழுக்குகள் அனைத்தும் வெளியேறிவிடும்.