சமையலறை கத்தியை சுத்தப்படுத்துவதற்கான சில எளிய வழிகள்!!!

டிஷ் வாஷ்

பாத்திரம் கழுவும் டிஷ் வாஷ் நீர்மத்தைக் கொண்டு கத்தியை நன்கு தேய்த்து, சுடுநீரில் கழுவினால், கத்தியில் உள்ள கறைகள் மற்றும் கிருமிகள் அழிந்துவிடும்.

கொதிக்கும் நீர்

கத்தியில் பிளாஸ்டிக் கைப்பிடி இல்லாவிட்டால், கத்தியை பயன்படுத்திய பின், அதனை கொதிக்கும் நீரில் போட்டு ஊற வைத்து எடுத்தால், கத்தியில் உள்ள எண்ணெய் பசை, வெங்காயம், பூண்டு போன்றவற்றின் வாசனை ஏதும் இல்லாமல், கத்தியில் உள்ள கிருமிகளும் அழிந்துவிடும். குறிப்பாக, சுடுநீரில் ஊற வைத்தப் பின், குளிர்ந்த நீரில் அதனை கழுவ வேண்டாம். இதனால் கத்தியின் கூர்மை பாதிக்கப்படும்.

எலுமிச்சை

ஒரு துண்டு எலுமிச்சையைக் கொண்டு கத்தியை தேய்த்தால், கத்தியில் உள்ள கறைகள் எளிதில் நீங்குவதோடு, கத்தியும் நன்கு நறுமணத்துடன் இருக்கும். முக்கியமாக எலுமிச்சை கொண்டு கத்தியை தேய்த்த பின்னர், உடனே நீரில் கழுவாமல், 1 மணிநேரமாவது ஊற வைத்து பின் குளிர்ந்த நீரில் கழுவ வேண்டும்.

வினிகர்

கத்தியை சுத்தமாக வைத்துக் கொள்ள வேண்டுமானால், கொதிக்கும் நீரில் சிறிது வினிகரை சேர்த்து, அந்த கலவையில் கத்தியை ஊற வைத்து, பின் பழைய டூத் பேஸ்ட் கொண்டு நன்கு முனைகளில் எல்லாம் தேய்த்து, வெதுவெதுப்பான நீரிலேயே கழுவி உலர வைக்க வேண்டும்.

பேக்கிங் சோடா

பேக்கிங் சோடா கூட சுத்தப்படுத்த உதவும் பொருட்களுள் சிறந்தது. மேலும் இது கத்தியில் துரு இருந்தால் எளிதில் போக்கக்கூடியது. இதற்கு பேக்கிங் சோடா மற்றும் சோப்பைக் கொண்டு நன்கு தேய்த்து, பின் சுடுநீரில் கழுவ வேண்டும்.

குறிப்பு

மேற்கூறியவற்றையெல்லாம் முயற்சி செய்த பின்னர், கத்தியை நன்கு உலர வைத்து, இறுதியில் சமையல் எண்ணெய் கொண்டு கோட்டிங் கொடுத்து, பின் டிஷ்யூ பேப்பர் கொண்டு துடைத்து எடுக்க வேண்டும். இதனால் கத்தியானது புதிது போன்று மின்னும்.