உங்க வீட்ல எலித்தொல்லை தாங்க முடியலையா? இந்த ஈஸியான வழிகள் எலிகளை நிரந்தரமா விரட்டுமாம்... ட்ரை பண்ணுங்க...!

ஒரு வீட்டின் நிம்மதியைக் கெடுப்பதில் எலிகளுக்கு முக்கியப்பங்கு உண்டு, ஏனெனில் எலிகள் இருக்கும் வீட்டில் உள்ள உணவுப்பொருட்களுக்கோ, துணிகளுக்கோ எந்த பாதுகாப்பும் இல்லை. இந்த கொறித்துண்ணிகள் வீட்டின் பல்வேறு மூலைகளில் ஒளிந்து கொண்டு நம் வீட்டில் இருக்கும் பொருட்களை கொஞ்சம் கொஞ்சமாக அழிக்கக்கூடும்.

எலிகளை விரட்டுவது என்பது அவ்வளவு எளிதான காரியமல்ல, அதேசமயம் முடியாத காரியமும் அல்ல. எலிகளை விரட்ட சில சாதனங்கள் இருந்தாலும், செலவே இல்லாமல் எலிகளை விரட்டும் சில வீட்டு வைத்தியங்களும் உள்ளன. இந்த பதிவில் எலிகளை வீட்டை விட்டு விரட்டும் சில எளிய வீட்டு வைத்தியங்களைப் பற்றி தெரிந்து கொள்ளலாம்.

புதினா எண்ணெய்

புதினா வாசனை எலிகளுக்குப் பிடிக்காது. சிறிய பருத்தித் துணியில் சிறிது புதினா எண்ணெயை வைத்து, அவற்றை வீட்டின் நுழைவுப் புள்ளிகள் மற்றும் பிற மூலைகளில் வைக்கலாம், இந்த சிறிய உயிரினங்கள் உங்கள் வீட்டிற்குள் நுழைவதைத் தடுக்க சில நாட்கள் இடைவெளியில் அதை மீண்டும் மீண்டும் செய்யவும் மற்றும் இதிலுள்ள கூடுதல் நன்மை என்னவென்றால், உங்கள் வீடு எப்போதும் புதிய வாசனையுடன் இருக்கும்.

உருளைக்கிழங்கு

எலிகள் அடிக்கடி வரக்கூடும் என்று நீங்கள் நினைக்கும் எல்லா இடங்களிலும் உடனடி உருளைக்கிழங்கு பொடியைத் தெளிக்கவும். எலிகள் இந்த பொடியை உண்ணும், ஆனால் உருளைக்கிழங்கு செதில்கள் கொறித்துண்ணிகளின் குடலில் வீங்கி, இறுதியில் அவற்றைக் கொன்றுவிடும்.

வெங்காயம்

வெங்காயத்தின் கடுமையான வாசனை மனிதர்களுக்க மட்டுமல்ல, எலிகளுக்கும் வெறுப்பை உண்டாக்கும். ஆனால் இந்த வழியில் ஒரு சிக்கல் உள்ளது, ஏனெனில் வெங்காயம் விரைவில் அழுகக்கூடும் என்பதால் இது வீட்டில் துர்நாற்றத்தை ஏற்படுத்தும் மற்றும் வீட்டில் உள்ள செல்லப்பிராணிகளுக்கு நச்சுத்தன்மையை ஏற்படுத்தும். ஒவ்வொரு இரண்டாவது நாளிலும் வெங்காயத்தை புதியதாக மாற்ற வேண்டும்.

கோகோ பவுடருடன் பிளாஸ்டர் ஆஃப் பாரிஸ் கலவை

இந்த வழியில் நீங்கள் எலியை விரட்ட உலர்ந்த பிளாஸ்டர் ஆஃப் பாரிஸ் பவுடரை கோகோ அல்லது சாக்லேட் பவுடருடன் கலந்து எலிகள் இருக்கும் இடத்தில் அடிக்கடி பரப்ப வேண்டும். அவை கலவையை சாப்பிட்டவுடன், அவர்கள் உங்கள் வீட்டை விட்டு வெளியேறி அதிகளவு தண்ணீர் குடித்து இறந்துவிடுவார்கள்.

மிளகாய் விதைகள்

உங்கள் வீட்டில் பூச்சிகளை வெளியேற்ற இது மிகவும் எளிய மற்றும் மலிவான வழி. மிளகாய் விதைகள் தூவுதல் என்பது விலங்குகளை தாவரங்களிலிருந்து விலக்கி வைப்பதற்கான பழமையான வழியாகும். நுழைவாயில் மற்றும் பிற மூலைகளிலும் மிளகாய் விதைகளை பரப்பி, எலிகளை வீட்டை விட்டு விரட்டலாம்.

பூண்டு

நறுக்கிய பூண்டை தண்ணீரில் கலந்து உங்கள் வீட்டிலேயே எளிதாக எலி எதிர்ப்பு கலவையை உருவாக்கலாம். உங்கள் வீட்டின் எலிகளின் நுழைவுப் புள்ளிகளிள் பூண்டுப் பற்களை வைப்பதும் எலிகளை விரட்டும்.

கிராம்பு

கிராம்பின் கடுமையான வாசனை எலிகளுக்குப் பிடிக்காது. ஒரு துணியில் சிறிது கிராம்பு விதைகளை போட்டு அதனை வீட்டின் மூலைகளில் வைப்பது எலிகள் வீட்டிற்குள் நுழைவதைத் தடுக்கும்.