உங்க மிக்ஸியில் இந்த பொருட்களை தெரியாம கூட அரைச்சுராதீங்க... இல்லனா உங்க மிக்ஸிய குப்பையிலதான் போடணும்...!

சமையலறையில் இருக்கும் சாதனங்கள் சமையலையும், வாழ்க்கையையும் எளிதாக்குவது உண்மைதான். ஆனால் அனைத்தையும் இந்த சாதனங்களை வைத்தே செய்து விடலாம் என்று நினைத்தால் அது தவறாகும். உலோக பிளேடுகள் மற்றும் சக்திவாய்ந்த மோட்டார் மூலம், நீங்கள் போடும் எந்த உணவையும் அரைக்கும் சக்தி ப்ளெண்டருக்கு அல்லது மிக்ஸர் கிரைண்டருக்கு இருக்கும் என்று நீங்கள் நினைக்கலாம். ஆனால் உங்களின் எண்ணம் தவறானதாகும்.

தற்போது மிக்சிக்கு பதில் ஜூஸ், ஸ்மூத்தி போன்றவை தயாரிக்க பிளெண்டர் பயன்படுத்தப்பட்டு வருகிறது. மிக்சி மற்றும் ப்ளெண்டரில் சக்திவாய்ந்த இயந்திரங்களும், உலோகங்களும் இருந்தாலும், அவற்றுக்கு முற்றிலும் பொருந்தாத உணவுகள் சில உள்ளன. அவை என்னவென்று இந்த பதிவில் தெரிந்து கொள்ளலாம்.

அதிக சூடான பொருட்கள் மற்றும் திரவங்கள்

மிகவும் சூடான உணவுகள் அல்லது திரவங்களை பிளெண்டர் அல்லது மிக்சியில் கண்டிப்பாக அரைக்க முயற்சிக்கக் கூடாது. ஏனென்றால், சூடான திரவம் அல்லது உணவுகள் பிளெண்டரில் அழுத்தத்தை உருவாக்கலாம், இது வெடிப்புகளுக்கு வழிவகுக்கும். எனவே எந்த அசம்பாவிதமும் ஏற்படாமல் இருக்க, சூடான உணவு அல்லது திரவங்களைஅரைப்பதற்கு முன் நன்கு குளிர வைப்பது நல்லது.

கடினமான தண்டுகள் கொண்ட நார்ச்சத்துள்ள காய்கறிகள்

முட்டைக்கோஸ் அல்லது ப்ரோக்கோலி தண்டுகள் போன்ற கடினமான தண்டுகள் அல்லது நார்களைக் கொண்ட காய்கறிகள் நன்றாக அரைக்கப்படாமல் போகலாம் மற்றும் நறநறவென்ற அமைப்பை ஏற்படுத்தலாம். இது போன்ற காய்கறிகளை அரைக்கும் முன் கடினமான பகுதிகளை அகற்றவும் அல்லது சிறிய துண்டுகளாக நறுக்கவும்.

காய்ந்த பொருட்களை தனியாக அரைக்கக் கூடாது

வெறும் ஜாரில் மாவு அல்லது தூள் சர்க்கரை போன்ற உலர்ந்த பொருட்களை அரைப்பது பிளெண்டரை இயக்கும்போது மெல்லிய துகள்கள் சேர்வதற்கு வழிவகுக்கும். இதைத் தடுக்க உலர்ந்த பொடிகளைச் சேர்ப்பதற்கு முன் எப்போதும் திரவம் அல்லது பிற பொருட்களைச் சேர்க்கவும்.

பெரிய பொருட்கள் மற்றும் எலும்புகள்

சூப்களை தயாரிக்கும்போது பெரிய இறைச்சி எலும்புகளை கலப்பதைத் தவிர்க்கவும், ஏனெனில் அவை பிளெண்டர் பிளேடுகள் மற்றும் மோட்டார்களை சேதப்படுத்தும். அவற்றை அகற்றிவிட்டு பின்னர் சூப்களை கலக்கவும்.

கடினமான நட்ஸ்

கடினமான விதைகள் அல்லது நட்ஸ்களை பிளெண்டரில் அரைக்க முயற்சிப்பது பிளெண்டர் பிளேடுகள் அல்லது மோட்டார்களை சேதப்படுத்தும். இவற்றை அரைப்பதற்கு முன் நன்றாக உடைக்கவும்.

கார்பனேற்றப்பட்ட பானங்கள்

கார்பனேற்றப்பட்ட பானங்களை அதிக வேகத்தில் மிக்சரில் அரைப்பது நுரை மற்றும் பிளெண்டருக்குள் அழுத்தத்தை உருவாக்கலாம், இதனால் திரவம் மற்றும் நுரை நிரம்பி வழியலாம் மற்றும் அழுத்தம் காரணமாக அதிக வேகத்தில் கலக்கும்போது வெடிப்பு ஏற்படலாம். கார்பனேற்றப்பட்ட பானங்களை பிளெண்டரில் அரைப்பதைத் தவிர்ப்பது நல்லது.

பெரிய ஐஸ் கட்டிகள்

பெரும்பாலான பிளெண்டர்கள் ஐஸ்கட்டியை உடைக்க முடியும் என்றாலும், பெரிய ஐஸ் கட்டிகள் மோட்டாரை பலவீனமாக்கலாம் அல்லது பிளேடுகளை சேதப்படுத்தலாம். எனவே பிளெண்டரில் நொறுக்கப்பட்ட ஐஸ் அல்லது சிறிய ஐஸ் க்யூப்ஸைப் பயன்படுத்துவது நல்லது.

உருளைக்கிழங்கு

உருளைக்கிழங்கு போன்ற மாவுச்சத்து நிறைந்த காய்கறிகளை மிக்ஸியில் எப்போதும் பயன்படுத்தக்கூடாது. உருளைக்கிழங்கை அரைக்கும் போது மிக்ஸியின் பிளேடுகள், அதிகப்படியான மாவுச்சத்தை வெளியிடுகின்றன. அதிகப்படியான மாவுச்சத்து உருளைக்கிழங்கில் இருக்கும் திரவத்துடன் கலக்கிறது, இது உருளைக்கிழங்கை மென்மையாக மாற்றுவதற்குப் பதிலாக பசை போன்ற பொருளாக மாற்றுகிறது. இது மிக்ஸியின் பிளேடுகளையும் பாதிக்கும்