உங்க வீட்டில் செல்வம் அதிகம் சேர வேண்டுமா? அப்ப இந்த பொருட்களை வாங்கி வீட்டுல வையுங்க...

உலோக யானை

வாஸ்துப்படி, பித்தளை அல்லது வெள்ளை யானையை வீட்டில் வைத்திருப்பது நல்லது. இந்து மதத்தில் யானை விநாயகராக வணங்கப்படுகிறது. மேலும் யானை செழிப்பின் அடையாளமாகவும் கருதப்படுகிறது. எனவே வீட்டில் செல்வம் பெருக வேண்டுமானால், உலோகத்தால் ஆன யானை சிலையை வாங்கி வையுங்கள்.

உலோக ஆமை

லட்சுமி தேவி ஆமையில் வசிப்பதாக சாஸ்திரம் கூறுகிறது. அதனால் தான் உலோக ஆமைகளை வீட்டில் வைப்பது நல்லது. அதுவும் அந்த ஆமையானது வீட்டினுள் நுழைவது போன்று இருக்க வேண்டும். இப்படி வைப்பதன் மூலம் வீட்டினுள் நேர்மறை ஆற்றல் அதிகம் நுழைவ்தோடு, வீட்டின் செல்வ நிலையும் மேம்படும்.

குதிரை லாடம்

குதிரை லாடத்தை வீட்டில் வைத்திருப்பது எதிர்மறை ஆற்றலை வெளியேற்றும். அதனால் தான் குதிரை லாடத்தை வீட்டின் முன் வைக்க வேண்டுமென்று சொல்கிறார்கள். மேலும் இந்த குதிரை காலணியை பணம் வைக்கும் இடத்திலும் வைக்கலாம்.

சிரிக்கும் புத்தர்

வாஸ்துப்படி, சிரிக்கும் புத்தரை வீட்டில் வைத்திருப்பது நல்லதாக கருதப்படுகிறது. அதுவும் வடகிழக்கு திசையை நோக்கி வைப்பது மங்களகரமானதாக கருதப்படுகிறது. இப்படி வைப்பதன் மூலம் வீட்டில் செல்வத்திற்கும், தானியத்திற்கும் பஞ்சம் ஏற்படாது. இந்த சிரிக்கும் புத்தரை ஒருவருக்கு பரிசாகவும் வழங்கலாம். இப்படி செய்வதன் மூலம் வாழ்க்கையில் மகிழ்ச்சி நிரம்பியிருக்கும்.

வலம்புரி சங்கு

வாஸ்துப்படி, வலம்புரி சங்கு லட்சுமி தேவியுடன் தொடர்புடையதாக கருதப்படுகிறது. அதுவும் இந்த சங்கை புதன்கிழமைகளில் வீட்டில் பூஜை செய்து பணம் வைக்கும் பெட்டியில் வைக்க வேண்டும். இதனால் அந்த வீட்டின் பொருளாதார நிலையில் முன்னேற்றம் ஏற்படும், வாழ்வில் மகிழ்ச்சி பெருகும் மற்றும் லட்சுமி தேவியின் ஆசீர்வாதம் கிடைத்து, அந்த வீடு செல்வ செழிப்போடு இருக்கும்.