கிறிஸ்துமஸ் பண்டிகைக்கு கிறிஸ்துமஸ் குடில் வைக்க போறீங்களா? அப்ப இந்த மாதிரி ட்ரை பண்ணுங்க...

தாமரை குடில்

இந்த வருடம் வித்தியாசமான முறையில் குடிலை செய்ய நினைத்தால், படத்தில் காட்டப்பட்டவாறு தாமரை கிறிஸ்துமஸ் குடிலை முயற்சி செய்யுங்கள். இது நிச்சயம் வித்தியாசமானதாக இருக்கும்.

பல்புகள்

சாதாரணமாக வேண்டுமானால், தரையில் புற்களை பரப்பி, குடில் அமைத்து, அதில் பலவண்ண பல்புகளை பயன்படுத்தி அலங்கரிக்கலாம்.

செடிகளுக்கு நடுவே

வீட்டில் நிறைய தொட்டிச் செடிகள் இருந்தால், அவற்றை ஒன்றாக வைத்து, அதன் மேல் குடில் போன்று அமைக்கலாம். இது உண்மையில் வித்தியாசமாக இருக்கும்.

மண்

எளிமையான முறையில் குடில் அமைக்க நினைத்தால், மண் கொண்டு செய்யலாம்.

வைக்கோல்

இன்னும் வித்தியாசமாக செய்ய நினைத்தால், வைக்கோல் பரப்பி, தென்னங்கீற்றை கூரையாக வைத்து குடில் அமைக்கலாம்.

களிமண்

இருப்பதிலேயே மிகவும் சூப்பரான ஒரு வழி என்றால், அது களிமண் பயன்படுத்தி குடில் அமைப்பது தான். இப்படி செய்வதால், அதிகம் செலவு ஆகாமல் இருப்பதோடு, இயற்கையான தோற்றத்தையும் கொடுக்கும்.

காகித குடில்

குடில் அமைக்க இடம் இல்லாவிட்டால், உங்களுக்கு ஓவியத்தில் ஆர்வம் இருந்தால், சார்ட் பேப்பரில் அழகாக குடில் இருப்பது போன்று ஓவியம் வரைந்து வைத்து, அதில் குட்டியான பலவண்ண பல்புகளால் அலங்கரிக்கலாம்.

ஐஸ் க்ரீம் குச்சி

இன்னும் வித்தியாசமாக செய்ய நினைத்தால், ஐஸ் க்ரீம் குச்சிகளைப் பயன்படுத்தி குடில் அமைக்கலாம்.

வைக்கோல் மற்றும் குச்சி

இந்த முறையில் வைக்கோல் மற்றும் குச்சி இருந்தால் போதும். இதனைக் கொண்டு அருமையான முறையில் கிறிஸ்துமஸ் குடில் அமைக்கலாம்.

மரக்குடில்

லேட்டஸ்ட் ட்ரெண்ட் என்றால், அது மரக்குடில் தான். அதற்கு மரத்துண்டுகளால் குடில் அமைத்து, அதில் புற்கள், வைக்கோல் மற்றும் பல்புகளை கொண்டு அலங்கரிக்க வேண்டும்.