இதுல உங்க உதடு எந்த நிறத்தில் இருக்குன்னு சொல்லுங்க... உங்க உடம்புல இருக்குற பிரச்சனைய சொல்றோம்...

வெளிரிய பிங்க் நிற உதடுகள்

உங்கள் உதடுகள் வெளிரிய பிங்க் நிறத்தில் இருந்தால், அது இரத்த சோகைக்கான அறிகுறிகள் ஆகும். உடலில் ஹீமோகுளோபின் மற்றும் இரத்த சிவப்பணுக்கள் குறைவாக இருப்பதால் தான் உதடுகள் வெளுத்துப் போயுள்ளது.

சாப்பிட வேண்டிய உணவுகள்

வெளிரிய பிங்க் நிற உதடுகளைக் கொண்டவர்கள், இரும்புச்சத்து மற்றும் வைட்டமின் சி அதிகம் நிறைந்த உணவுப் பொருட்களான ப்ராக்கோலி, மாட்டிறைச்சி மற்றும் பேரிச்சம் பழம் போன்றவற்றை அதிகம் உட்கொள்ள வேண்டும்.

சிவப்பு நிற உதடுகள்

ஒருவரது உதடுகள் வழக்கத்திற்கு மாறாக மிகவும் சிவப்பு நிறத்தில் காணப்பட்டால், அவர்களுக்கு உடல் வெப்பம் அளவுக்கு அதிகமாக உள்ளது என்று அர்த்தம். அதுமட்டுமின்றி, இம்மாதிரியான நிறத்தில் உதடுகளைக் கொண்டவர்களின் கல்லீரல் மற்றும் மண்ணீரல் அளவுக்கு அதிகமாக வேலை செய்கிறது என்பதையும் குறிக்கிறது.

சாப்பிட வேண்டிய உணவுகள்

சிவப்பு நிற உதடுகளைக் கொண்டவர்கள் கிரிஸான்தமம் தேநீரை போதுமான அளவு குடியுங்கள். அதுமட்டுமின்றி, பாகற்காய், செலரி போன்றவற்றை அதிகம் சாப்பிடுங்கள். மேலும் உடலின் உட்புறத்தை சமன் செய்வதற்கு தேன் நன்மை பயக்கும். முக்கியமாக இத்தகையவர்கள் விரைவில் இரவு நேரத்தில் சீக்கிரம் உறங்க வேண்டும் மற்றும் அதிகம் மன அழுத்தம் கொள்ளக்கூடாது.

ஊதா-பச்சை நிற உதடுகள்

பெரும்பாலும் இம்மாதிரியான உதடுகள் குளிர்காலங்களில் தான் ஏற்படும். ஆனால் உங்கள் உதடுகள் தொடர்ந்து ஊதா-பச்சை நிறத்தில் இருந்தால், உடலில் ஏதோ பிரச்சனை உள்ளது என்று அர்த்தம். குறிப்பாக இது இதய பிரச்சனைகள் அல்லது சுவாச பிரச்சனைகளைக் குறிக்கிறது. ஆகவே உங்கள் உதடுகள் இந்த நிறத்தில் இருந்தால் உடனே மருத்துவரைக் காணுங்கள்.

கருப்பு நிற உதடுகள்

எப்போது ஒருவரது உதடுகள் அடர் சிவப்பில் இருந்து கருப்பு நிறத்தில் காட்சியளிக்கிறதோ, அத்தகையவர்களுக்கு செரிமான மண்டலத்தில் பிரச்சனை உள்ளது என்று அர்த்தம். அதாவது இத்தகையவர்கள் மலச்சிக்கல், அஜீரண கோளாறு, வயிற்று உப்புசம், வாய்வுத் தொல்லை போன்ற பல பிரச்சனைகளால் அதிகம் அவஸ்தைப்படுவார்கள்.

சாப்பிட வேண்டிய உணவுகள்

கருப்பு நிறத்தில் உதடுகளைக் கொண்டவர்கள் பதப்படுத்தப்பட்ட உணவுகளைத் தவிர்க்க வேண்டும். நார்ச்சத்து நிறைந்த உணவுகளை அதிகம் உட்கொள்ள வேண்டும். ஏனெனில் நார்ச்சத்துள்ள உணவுகள் எளிதில் செரிமானமாகும். ஆகவே நார்ச்சத்து நிறைந்த உணவுப் பொருட்களான அடர் பச்சை நிற காய்கறிகள், கீரைகள், பருப்பு வகைகள், நட்ஸ், தானியங்கள், பழங்களான வாழைப்பழம், ஆப்பிள், ஆரஞ்சு, மாம்பழம், ஸ்ட்ராபெர்ரி போன்றவற்றை அதிகம் சாப்பிடுங்கள்.

உதடுகளைச் சுற்றி கருப்பு நிற கோடு

உங்கள் உதடுகளைச் சுற்றி ஏதோ கருப்பு நிற கோடு புதிதாக காணப்படுகிறதா? அப்படியானால் உங்கள் உடல் சமநிலையில் இல்லை என்று அர்த்தம். அதாவது ஒரே நேரத்தில் மிகுந்த குளிராக மற்றும் மிகுந்த வெப்பத்தை உணரக்கூடும். என்ன புரியவில்லையா? அப்படித் தான் என்னவென்று சரியாக சொல்லத் தெரியாதது போன்ற உணர்வை உணரக்கூடும்.

செய்ய வேண்டியவைகள்

உதடுகளைச் சுற்றி அவுட்லைன் கொடுத்தது போன்று கருப்பு கோடு கொண்டவர்கள், மிகவும் காரமான மற்றும் பதப்படுத்தப்பட்ட உணவுகளைத் தவிர்க்க வேண்டும். மேலும் போதுமான ஓய்வு எடுக்க வேண்டும். நல்ல ஆரோக்கியமான உணவுகளைத் தேர்ந்தெடுத்து உண்ண வேண்டும்.