ஆரோக்கியமான ஆணுறுப்பின் அறிகுறிகள் இதுதானாம்... உங்க ஆணுறுப்பில் இந்த அறிகுறிகள் இருக்கா? செக் பண்ணிக்கோங்க!

ஆரோக்கியமான ஆணுறுப்பில் கட்டிகள் இருக்காது

ஆண்குறியில் உள்ள கட்டிகள் பல்வேறு வகைகளான கட்டிகளாக இருக்கலாம். அவற்றில் பெரும்பாலானவை பாதிப்பில்லாதவையாக இருக்கும். இருப்பினும், எந்த வகையான ஆணுறுப்பைச் சுற்றியிருக்கும் கட்டிகளும் ஆரோக்கியமற்ற ஆணுறுப்பைக் குறிக்கலாம். அதற்கான முதன்மையான காரணங்களில் ஒன்று செபாசியஸ் சுரப்பியில் அடைப்பு ஏற்படுவதுதான், இது நீர்க்கட்டிகள், சீழ் அல்லது திரவத்தால் நிரப்பப்பட்ட திசுப் பையை உருவாக்க வழிவகுக்கும். பெரும்பாலான நீர்க்கட்டிகள் தாங்களாகவே போய்விடும், ஆனால் சில கட்டிகள் வலியை ஏற்படுத்தும்.

அசாதாரண வெளியேற்றம், புண்கள் மற்றும் மருக்கள் இருக்காது

ஆரோக்கியமான ஆணுறுப்பில் காயங்கள், மருக்கள் மற்றும் அசாதாரண வெளியேற்றம் இல்லாமல் இருக்கும். ஆரோக்கியமான ஆணுறுப்பை சுற்றி நீர்க்கட்டி அல்லது பருக்களால் ஏற்படும் புடைப்புகள் உட்பட எதுவும் இருக்காது. பொதுவாக ஆரோக்கியமற்ற ஆண்குறியின் தலைப்பகுதியில் சிறிய, தோல் நிற புடைப்புகள் ஏற்படும் இவை ஹிர்சுடோயிட் பாப்பிலோமாக்கள் என்றும் அழைக்கப்படுகின்றன.

வீக்கம் இருக்காது

எரிச்சல் நிறைந்த ஆணுறுப்பு ஆரோக்கியமற்ற ஆண்குறியின் அடையாளமாக இருக்கலாம். பாலனிடிஸ் என்பது ஆண்குறியின் தலையின் வீக்கத்தால் வகைப்படுத்தப்படும் ஒரு பொதுவான நிலை. இந்த நிலை பாக்டீரியா அல்லது பூஞ்சை தொற்றுகளால் ஏற்படலாம் அல்லது இரசாயனங்கள், வைரஸ்கள் அல்லது ஒவ்வாமைகளால் ஏற்படலாம். மேலும் ஒருவர் ஆணுறுப்பின் முன்தோலின் உட்புறத்தை சுத்தமாக வைத்திருக்கத் தவறினால் பாலனிடிஸ் ஏற்படலாம்.

ஆணுறுப்பின் நிறம்

ஆணுறுப்பின் நிறத்தைப் பரிசோதிப்பது உங்கள் ஆணுறுப்பு ஆரோக்கியமாக உள்ளதா இல்லையா என்பதைக் கண்டறியும் வழிகளில் ஒன்று. ஆணுறுப்பின் நிறமானது கருமையாகவோ அல்லது இலகுவாகவோ இருந்தாலும், தோராயமாக ஆணுறுப்பை சுற்றியுள்ள தோலின் நிறத்தில் இருக்க வேண்டும். மேலும், சிறுநீர் கழிக்கும்போதோ அல்லது பாலுறவில் ஈடுபடும்போதோ ஒருவருக்கு ஆணுறுப்பில் வலி ஏற்படாமல் இருப்பதே ஆரோக்கியமான ஆணுறுப்பின் முக்கிய அறிகுறியாகும்.

பெய்ரோனி நோய்

குறைந்தபட்ச ஆண்குறி வளைவு ஆரோக்கியமான ஆணுறுப்பின் அறிகுறியாகும், இல்லையெனில் அது பெய்ரோனி நோயைக் குறிக்கலாம். பெய்ரோனி நோய் என்பது புற்றுநோயற்ற நிலையாகும், இது ஆண்குறியில் உருவாகி வளைந்த, வலிமிகுந்த விறைப்புத்தன்மையை ஏற்படுத்தும் நார்ச்சத்து வடு திசுக்களின் விளைவாகும். இது ஒரு அரிதான நிலை என்றாலும், இது கவலைக்குரிய நிலையாகும், ஏனெனில் இது ஒரு நபரின் மன ஆரோக்கியத்தை கடுமையாக பாதிக்கும். இந்த நோயால் பாதிக்கப்பட்டவர்களிடையே நடத்தப்பட்ட ஆய்வில், பெய்ரோனியால் பாதிக்கப்பட்டவர்களில் பாதி பேர் மன அழுத்தத்துடன் போராடுகிறார்கள், ஏனெனில் இது மக்கள் உடலுறவு கொள்வதைத் தடுக்கலாம் அல்லது விறைப்புத்தன்மையைப் பெறுவது அல்லது பராமரிப்பதை கடினமாக்கும்.