கொரோனா நேரத்தில் விமானத்தில் பயணம் செய்கிறீா்களா? கடைபிடிக்க வேண்டிய தடுப்பு நடவடிக்கைகள்..!

1. இரட்டை முகக்கவசம் மிகவும் முக்கியம்

கொரோனாவின் இரண்டாவது அலையானது, முதல் அலையைவிட பல மடங்கு வீாியமாக இருந்து, இந்த உலகையே புரட்டிப் போட்டிருக்கிறது. இந்த நிலையில் விமானப் பயணத்தின் போது கொரோனா 2வது அலையில் சிக்காமல் இருக்க வேண்டும் என்றால், இரட்டை முகக்கவசம் அணிவது சிறந்ததாக இருக்கும் என்று நோய்க் கட்டுப்பாடு மற்றும் தடுப்பாட்டு மையங்கள் தொிவிக்கின்றன. இரட்டை முகக்கவசங்கள் அணிவதன் மூலம் நாம் கொரோனா தொற்றில் சிக்காமல் இருக்க ஏறக்குறைய 95 விழுக்காடு வாய்ப்புகள் உள்ளதாக அவை தொிவிக்கின்றன.

ஆகவே அறுவை சிகிச்சையின் போது பயன்படுத்தப்படும் முகக்கவசத்தை அணிந்து அதற்கு மேல் ஒரு பருத்தித் துணியில் செய்யப்பட்ட முகக்கவசத்தை அணிவது நல்லது என்று நோயத் தடுப்பு மையம் (CDC) அறிவுறுத்துகிறது. இந்த இரட்டை முகக்கவசங்கள் கிடைக்கவில்லை என்றால் K95/N95 வகை முகக்கவசங்களை அணிவது நல்லது. இதர முகக்கவசங்களைத் தவிா்ப்பது நல்லது.

2. நமது பைகளை கிருமி நீக்கம் செய்ய வேண்டும்

பயணம் முடிந்த பின்பு, நமது பைகள் அனைத்தும் முறையாக கிருமி நாசினிகள் கொண்டு சுத்தம் செய்யப்பட வேண்டும். சூட்கேஸ்களின் அடிப்பகுதி மற்றும் கைபிடிகளில் சானிடைசர்களைத் தெளித்து, அவற்றைத் துடைக்கும் காகிதங்களைக் கொண்டு, சுத்தமாகத் துடைக்க வேண்டும். ஏனெனில் பயணத்தின் போது நமது பைகளை பல்வேறு விமானப் பணியாளா்கள் கையாண்டிருப்பா்.

3. ஜன்னலோர இருக்கையில் அமா்தல்

விமானத்தின் ஜன்னலோர இருக்கையில் அமா்ந்தால், நமது இருபக்கங்களிலும் அல்லாமல், ஒரு பக்கம் மட்டுமே சக பயணி அமா்ந்திருப்பாா். அதனால் நிறையப் பேரைத் தொடும் வாய்ப்பு குறையும். மேலும் விமானத்திற்குள் நடுப்பாதையின் ஓரத்தில் இருக்கும் இருக்கும் இருக்கையையும் தவிா்க்க வேண்டும். ஏனெனில் விமானப் பணியாளா்கள், கழிவறைக்குச் செல்பவா்கள் அல்லது பல்வேறு தேவைகளுக்காக இருக்கைகளை விட்டு எழுந்து நடப்பவா்களின் தொடுதலுக்கு ஆளாக வாய்ப்புகள் உண்டு. அதன் மூலம் கொரோனா பரவ வாய்ப்புகள் உண்டு.

4. முழு உடலையும் மூடக்கூடிய ஆடைகளை அணிதல்

மிகவும் அலங்காரமாக, அல்லது நமது உடல் உறுப்புகள் வெளியில் தொியும்படியாக ஆடைகளை அணியாமல், கொரோனா தொற்று ஏற்படாத வகையில், உடல் முழுவதையும் மூடக்கூடிய ஆடைகளை அணிவது நல்லது. குறிப்பாக ட்ராக்சூட்களை அணிந்தால் அது நமது உடல் முழுவதையும் மூடி வைத்துக் கொள்ளும். கண்களுக்கு கண்ணாடிகள் அணிந்து கொள்ளலாம். மேலும் கையுறைகள் மற்றும் காலுறைகளையும் அணிந்து, நம்மால் எந்த அளவிற்கு நமது உடலை முழுவதுமாக மூட முடியுமோ அந்த அளவிற்கு மூடிக்கொள்வது நல்லது.

5. சமூக விலகல் மற்றும் சுத்தம் ஆகியவற்றைக் கடைபிடித்தல்

கொரோனா நேரத்தில் விமானத்தில் பயணம் செய்யும் போது, மற்றவா்களோடு தொடா்புகளைத் தவிா்ப்பதற்கு, நம் கையிலே தண்ணீா் பாட்டிலை எடுத்துச் செல்வது நல்லது. விமான நிலையத்தில் உள்ள அலுவலா்கள் மற்றும் பணியாளா்கள் ஆகியவா்களிடமிருந்து சற்று விலகி இருப்பது நல்லது. விமானத்திற்காக காத்துக் கொண்டிருக்கும் போது, விமான நிலையத்தில் இருக்கும் இருக்கைகளில் அமராமல், நடப்பது நல்லது. ஏனெனில் அந்த இருக்கைகளில் கொரோனா தொற்று இருக்க வாய்ப்பு இருக்கிறது.

விமானத்திற்குள் நமக்கு அளிக்கப்படும் பொருள்கள் மற்றும் பொழுதுபோக்கு அம்சங்கள் அனைத்தும் கிருமிநாசினி கொண்டு சுத்தம் செய்யப்பட்டிருக்கிறதா என்பதை உறுதி செய்து கொள்வது நல்லது. இறுதியாக விமான நிலையம் மற்றும் விமானம் ஆகியவற்றில் இருக்கும் கழிவறைகளைப் பயன்படுத்தும் போது அதன் கதவுகளை முழங்கைகளைக் கொண்டு திறப்பதோ அல்லது மூடுவதோ நல்லது.