யாரெல்லாம் எலுமிச்சையை தங்கள் உணவில் சேர்க்கக்கூடாது தெரியுமா?

மிகவும் குறைவான இரத்தம்

உடலில் இரத்தம் குறைவாக இருப்பவர்களுக்கு இரும்புச்சத்து மாத்திரைகளை மருத்துவர்கள் பரிந்துரைப்பார்கள். குறிப்பாக கர்ப்பிணிகள், கர்ப்ப காலத்தில் இரும்புச்சத்து மாத்திரைகளை எடுக்க வேண்டியிருக்கும். இப்படி இரும்புச்சத்து மாத்திரைகளை எடுப்பவர்கள் எலுமிச்சையை எடுக்காதீர்கள். ஏனெனில் இது இம்மாத்திரைகளின் விளைவை நடுநிலையாக்கிவிடும்.

வயிற்றுப்புண்

அல்சர் அல்லது வயிற்றில் புண் இருப்பவர்கள், எக்காரணம் கொண்டும் எலுமிச்சையை உட்கொள்ளக்கூடாது. ஏனெனில் எலுமிச்சையில் உள்ள சிட்ரிக் அமிலம், வயிற்றில் உள்ள புண்ணை மேலும் பெரிதாக்கி, நிலைமையை மோசமாக்கிவிடும்.

பல் கூச்சம்

உங்களுக்கு பல் கூச்சம் இருந்தால், எலுமிச்சையை எடுக்காதீர்கள். ஏனென்றால் எலுமிச்சையில் உள்ள சிட்ரிக் அமிலம், பற்களின் எனாமலை சேதப்படுத்திவிடும். அதேப்போல் பற்களைத் துலக்கியதும் எலுமிச்சை நீரை அருந்தாதீர்கள். இல்லாவிட்டால், அது பற்களை பலவீனமாக்கும்.

வெறும் வயிற்றில் கூடாது

உடல் எடையைக் குறைக்க அல்லது உடலில் உள்ள நச்சுக்களை நீக்க, பலரும் காலையில் எழுந்ததும் வெறும் வயிற்றில் எலுமிச்சை நீரைக் குடிப்பார்கள். ஆனால் இது அசிடிட்டி பிரச்சனையை ஏற்படுத்தும். ஒருவேளை உங்களுக்கு அசிடிட்டி ஏற்கனவே இருந்து, எலுமிச்சை நீரைக் குடித்தால், அது வயிற்று காயத்தை தீவிரமாக்கிவிடும். எனவே இம்மாதிரியான சூழ்நிலையில் வெறும் வயிற்றில் எலுமிச்சை நீரை அருந்தாதீர்கள்.

வாய்ப்புண்

வாய்ப்புண் இருப்பவர்கள் அமிலத்தன்மை அதிகம் கொண்ட எலுமிச்சையை உட்கொள்ளக்கூடாது. ஏனெனில் இது வாய்ப்புண்ணை பெரிதாக்குவதோடு, எரிச்சலையும் உண்டாக்கும். உங்களுக்கு வாய்ப்புண் விரைவில் குணமாக வேண்டுமானால், எலுமிச்சை உட்கொள்வதை நிறுத்துங்கள்.

நெஞ்செரிச்சல்/அசிடிட்டி

நெஞ்செரிச்சல் அல்லது அசிடிட்டி பிரச்சனையைக் கொண்டவர்கள் எலுமிச்சையை உட்கொள்ளக்கூடாது. ஒருவேளை உட்கொண்டால், அது அவர்களின் நிலைமையை மேலும் மோசமாக்கிவிடும்.

சென்சிடிவ் சருமத்தினர்

எலுமிச்சை சருமத்தில் மாயங்களைப் புரியக்கூடியவை. ஆனால் எப்போதும் இதன் சாற்றினை நேரடியாக சருமத்தில் பயன்படுத்தக்கூடாது. குறிப்பாக சென்சிடிவ் சருமத்தினர் ஒருபோதும் பயன்படுத்தக்கூடாது. இல்லாவிட்டால், இதில் உள்ள சிட்ரிக் அமிலம், சருமத்தில் எரிச்சல், அரிப்பு மற்றும் பருக்களை உண்டாக்கும்.

குறிப்பு

எக்காரணம் கொண்டும் எலுமிச்சையை பால், பப்பாளி, இறைச்சி, தயிர், தக்காளி, பால் பொருட்களுடன் சேர்த்து உட்கொள்ளக்கூடாது. ஏனெனில் எலுமிச்சையில் உள்ள சிட்ரிக் அமிலம் இந்த உணவுகளுடன் சேர்ந்தால், அது வாய்வுத் தொல்லை, அசிடிட்டி, செரிமான பிரச்சனைகள் போன்றவற்றை ஏற்படுத்திவிடும்.