பித்தப்பை கற்கள் மாயமா மறையணுமா? அப்ப தினமும் இத குடிங்க...

ஆப்பிள் ஜூஸ்

ஆப்பிள் ஜூஸ் ஒட்டுமொத்த உடல் ஆரோக்கியத்திற்கும் சிறப்பான ஒரு பானம். அதிலும் ஒரு டேபிள் ஸ்பூன் ஆப்பிள் சீடர் வினிகரை ஒரு டம்ளர் நற்பதமான ஆப்பிள் ஜூஸ் உடன் சேர்த்து கலந்து, தினமும் காலையில் குடிக்க வேண்டும். இப்படி செய்தால், ஆப்பிள் ஜூஸில் உள்ள மாலிக் அமிலம், பித்தக்கற்களை மென்மையாக்கும் மற்றும் வினிகர் பித்தப்பையில் உள்ள அதிகப்படியான கொலஸ்ட்ராலைக் குறைக்கும். இந்த இரண்டு பொருட்களும் தொடர்ந்து பித்தப்பைக்குள் செல்லும் போது, பித்தக்கற்கள் மெதுவாக கரைய ஆரம்பித்துவிடும்.

டான்டேலியன் மற்றும் மில்க் திஸ்டல்

டான்டேலியன் தாவரத்தின் இலைகள் பித்தப்பையில் பித்தநீரின் சுரப்பைத் தூண்டும் மற்றும் மில்க் திஸ்டல் கல்லீரலால் அடர்த்தி குறைவான பித்தநீரை உற்பத்தி செய்ய உதவும். இந்த இரண்டு பொருட்களுமே பித்தக்கற்களைக் கரைக்க உதவக்கூடியவை. ஒரு கப் டான்டேலியன் இலைகளை மிக்ஸியில் போட்டு அரைத்து, அத்துடன் 1/4 கப் மில்க் திஸ்டன் இலைகளை சேர்த்து நன்கு அரைத்துக் கொள்ள வேண்டும். பின் அதை ஒரு டம்ளரில் ஊற்றி, சுவைக்கு தேன் சேர்த்துக் கொள்ளலாம். இந்த பானத்தைக் குடித்தால் பித்தக்கற்களை விரைவில் கரையும்.

எப்சம் உப்பு ஜூஸ்

பித்தநீர் குழாய் வழியாக பித்தப்பைகளை எளிதில் நகர்த்துவதற்கு எப்சம் உப்புகள் காரணமாகின்றன. காலையில் எழுந்ததும் ஒரு டீஸ்பூன் எப்சம் உப்பை நீரில் போட்டு அறை வெப்பநிலையில் வைத்து, தினமும் மாலையில் குடிக்க வேண்டும். இப்படி ஒரு வாரம் தொடர்ந்து குடிக்க வேண்டும். வேண்டுமானால் இரண்டு மணிநேரத்திற்கு ஒருமுறை கூட எப்சம் உப்பு நீரைக் குடிக்கலாம். ஆனால் சிலருக்கு எப்சம் உப்பு நீரை அதிகம் குடித்த பின் தீவிரமான வயிற்றுப்போக்கு ஏற்பட்டதாக ரிபோர்ட்டுகள் கூறுகின்றன.

எலுமிச்சை ஜூஸ்

நற்பதமான 4 எலுமிச்சை பழங்களைப் பிழிந்து ஜூஸ் போட்டு, தினமும் காலையில் வெறும் வயிற்றில் குடியுங்கள். இப்படி ஒரு வாரம் தொடர்ந்து செய்து வந்தால், வலியின்றி பித்தக்கற்கள் வெளியேறிவிடும். மேலும் பித்தக்கற்கள் உடலில் இருந்து முழுமையாக வெளியேற வேண்டுமானால், அதிகளவு நீரைப் பருக வேண்டியது அவசியம்.

பேரிக்காய் ஜூஸ்

1/2 டம்ளர் சுடுநீரில் 1 டேபிள் ஸ்பூன் தேன் சேர்த்து, எஞ்சிய பாதியில் பேரிக்காய் ஜூஸ் சேர்த்து கலந்து குடிக்க வேண்டும். இதனால் பேரிக்காயில் உள்ள பெக்டின், பித்தக்கற்களை இயற்கையாக கரைத்துவிடும்.

புதினா டீ

புதினா பித்த நீர் மற்றும் டெர்பீனின் ஓட்டத்தைத் தூண்டுவதற்கு பொறுப்பாகும். இது பித்தக்கற்களையும் கரைக்க உதவும். ஒரு டம்ளர் நற்பதமான புதினா டீ தயாரிப்பதற்கு, சில புதினா இலைகளை சுடுநீரில் போட்டு நன்கு கொதிக்க வைத்து, இறக்கி வடிகட்டி குடிக்க வேண்டும். இப்படி ஒரு நாளைக்கு பலமுறை குடித்தால், பித்தக்கற்கள் கரைத்துவிடும்.

ஹெர்பல் டீ

மூலிகை சாறுகள் பித்தக்கற்களைக் கரைக்கும் பணியை சிறப்பாக செய்யக்கூடியவை. எனவே ஒரு நாளைக்கு இரண்டு முறை ஹெர்பல் டீயைக் குடிப்பதன் மூலம், பித்தக்கல் பிரச்சனையில் இருந்து விடுபடலாம். இந்த டீ தயாரிப்பதற்கு, 4-5 விருப்பமான ஏதேனும் மூலிகை இலையை கொதிக்கும் நீரில் போட்டு நன்கு கொதிக்க வைத்து இறக்கி வடிகட்டி பருக வேண்டும்.