தீவிரமான மூட்டு அழற்சியால் அவஸ்தைப்படுறீங்களா? அப்ப இந்த டயட்டை ஃபாலோ பண்ணுங்க...

தவிர்க்க வேண்டிய உணவுகள்

அழற்சி இருப்பவர்கள் ஒருசில உணவுகளை எடுத்துக் கொள்ளக்கூடாது. அவையாவன: பதப்படுத்தப்பட்ட இறைச்சி, சர்க்கரை கலந்த உணவுகள் மற்றும் பானங்கள், வறுத்த வெள்ளை ரொட்டி, வெள்ளை பாஸ்தா, வெஜிடேபிள் எண்ணெய், சோயாபீன் எண்ணெய், க்ளூட்டன் வகை உணவுகள், பதப்படுத்தப்பட்ட சிப்ஸ், எண்ணெய் பலகாரங்கள், அதிகமான ஆல்கஹால், அதே மாதிரி கார்போஹைட்ரேட் உணவுகள் போன்றவைகளை தவிர்க்க வேண்டும்.

அழற்சி எதிர்ப்பு டயட் எப்படி வேலை செய்கிறது?

அழற்சி எதிர்ப்பு டயட் நமது உடலில் உள்ள ஆன்டி ஆக்ஸிடன்ட்டுகளை அதிகரித்து செல்கள் பாதிப்படைவதை தடுக்கிறது. இந்த செல்கள் தான் நோய் அபாயத்தை உண்டாக்குகிறது. எனவே அழற்சி எதிர்ப்பு டயட் உங்களுக்கு இந்த விதத்தில் பலனளிக்கக்கூடியது.

அழற்சி எதிர்ப்பு டயட் பயன்கள்

அழற்சி எதிர்ப்பு டயட் மூலம் நாள்பட்ட அழற்சியை கூட போக்க முடியும் என்கிறார்கள் மருத்துவர்கள். மேலும் அழற்சி எதிர்ப்பு டயட் முடக்கு வாதம், தோல் தடிப்பு, அழற்சி, ஆஸ்துமா, பெருங்குடல் அழற்சி, நீரிழிவு நோய், உடல் பருமன், இதய நோய், லூபஸ், வளர்சிதை மாற்றம், ஹாசிமோடோ நோய் போன்ற நோய்கள் வராமல் தடுக்கிறது.

அழற்சி எதிர்ப்பு டயட் உணவுகள்

அழற்சி எதிர்ப்பு டயட்டில் கீரைகள், ப்ளூபெர்ரி, ப்ளாக்பெர்ரி, செர்ரி, கருப்பு திராட்சை பழம், ப்ராக்கோலி, காலிஃப்ளவர், பீன்ஸ், பருப்பு வகைகள், க்ரீன் டீ, ரெட் ஒயின், அவகேடோ, ஆலிவ் ஆயில், தேங்காய், வால்நட்ஸ், பாதாம் பருப்பு, பைன் நட்ஸ், பிஸ்தா, மஞ்சள், பட்டை, டார்க் சாக்லேட், சால்மன், மத்தி மீன் உட்பட ஏகப்பட்ட உணவுகள் இதில் அடங்கும்.

வெஜிட்டேரியன் டயட் மற்றும் வீக்கம்

சைவ உணவுகளை சாப்பிடுபவர்களுக்கு அதிகளவில் பிளாஸ்மா ஏஏ உள்ளது என்று ஆய்வுகள் காட்டுகின்றன. இது ஒட்டுமொத்த ஆரோக்கியத்தின் அடையாளமாகவும், குறைந்த அளவு வீக்கத்துடனும் இதய நோய்களை தடுப்பதுடன் அமைகிறது. நீங்கள் சைவ உணவை சாப்பிடும் போது வீக்கங்கள் குறைகின்றன என்கிறது ஆய்வு. மேலும் இந்த மாதிரி அழற்சி எதிர்ப்பு டயட்டில் இருக்கும் போது பல உடல் நல பிரச்சனைகளை தவிர்க்க முடியும்.