நீங்க நடக்கும்போது ஏதும் வித்தியாசம் தெரியுதா? அப்ப அது ஆபத்தான நோயோட அறிகுறியா இருக்கலாமாம்!

கொழுப்பு கல்லீரல் நோய் என்றால் என்ன?

கல்லீரல் நமது உடலிலுள்ள மிகப்பெரிய உள் உறுப்பு ஆகும். கொழுப்பு கல்லீரல் நோய் என்பது பல்வேறு காரணங்களால் கல்லீரலில் அதிக கொழுப்பு படியும் ஒரு சுகாதார நிலை ஆகும். கொழுப்பு கல்லீரல் நோயின் இரண்டு முக்கிய வகைகள்: மது அல்லாத கொழுப்பு கல்லீரல் நோய் (NAFLD), ஆல்கஹால் கொழுப்பு கல்லீரல் நோய் ஆகும். மது அல்லாத கொழுப்பு கல்லீரல் நோய் (NAFLD) என்பது அதிக ஆல்கஹால் பயன்பாட்டிற்கு தொடர்பில்லாத ஒரு வகை கொழுப்பு கல்லீரல் நோயாகும். ஆல்கஹால் கொழுப்பு கல்லீரல் நோய், ஆல்கஹாலிக் ஸ்டீட்டோஹெபடைடிஸ் என்றும் அழைக்கப்படுகிறது, இது அதிக அளவில் மது அருந்தும்போது ஏற்படுகிறது.

பொதுவான அறிகுறிகள்

கொழுப்பு கல்லீரல் நோய் பல அறிகுறிகளை உங்களுக்கு ஏற்படுத்தலாம். வயிற்று வலி, குமட்டல், பசியின்மை, அதிகரித்த எடை இழப்பு, மஞ்சள் நிற தோல் மற்றும் கண்களின் வெண்மை, வயிறு மற்றும் கால்களில் வீக்கம், சோர்வு மற்றும் மன குழப்பம், உடல் பலவீனம் ஆகியவை கொழுப்பு கல்லீரல் நோயின் அறிகுறியாகும்.

உங்கள் நடைப்பயணத்தை எவ்வாறு பாதிக்கிறது?

இரண்டு வகையான கொழுப்பு கல்லீரல் நோய்களில், நரம்பியல் நோய்களுக்கான புதிய வாஸ்குலர் ஆபத்து காரணிகளில் ஒன்றாக ஆல்கஹால் அல்லாத கொழுப்பு கல்லீரல் நோய் இருப்பதாக கூறப்படுகிறது, தன் செயல்பாடுகளை செய்வதற்கு போராடும் ஆரோக்கியமற்ற கல்லீரல் பல்வேறு உடல் செயல்பாடுகளை பாதிக்கும். உங்கள் நடத்தையில் மாற்றம், மனநிலையில் மாற்றம், பேச்சு, தூக்கம் மற்றும் ஒரு நபர் நகரும் விதம் ஆகியவற்றில் மாற்றங்களை ஏற்படுத்துகிறது. நடைப்பயிற்சி முறையில் ஏற்படும் மாற்றங்கள் கொழுப்பு கல்லீரல் நோயைக் குறிக்கலாம்.

கவனிக்க வேண்டிய அறிகுறிகள்

ஒரு ஆய்வின் படி, கொழுப்பு கல்லீரல் நோயால் பாதிக்கப்பட்ட நோயாளிகளின் நடையில் மிகவும் பொதுவான இரண்டு மாற்றங்கள் காணப்படுவதாகக் கூறப்படுகிறது. அவை, சமநிலை இல்லாத நடை மற்றும் விழும் போக்கு ஆகும். ஒழுங்கற்ற நடை பொதுவாக ஒரு அடாக்ஸிக் நடை என்று விவரிக்கப்படுகிறது. அதாவது அந்த நடை எப்போதும்போல சமநிலையில் இல்லாமல் இருக்கலாம். இந்த அறிகுறி கொழுப்பு கல்லீரல் நோய்க்கும் பார்கின்சன் நோய்க்கும் ஒரே மாதிரியாக இருக்கலாம். இருப்பினும், நரம்பியல் பரிசோதனை அறிக்கையின்படி, பார்கின்சன் நோயைப் போலல்லாமல், இது விரைவான முன்னேற்றம், ஆரம்பகால தோரணை மற்றும் நடை சிக்கல்களால் வகைப்படுத்தப்படுகிறது.

உங்கள் ஆபத்தை எவ்வாறு குறைப்பது?

கொழுப்பு கல்லீரல் நோயின் அபாயத்தைக் குறைக்க, பழங்கள், காய்கறிகள், முழு தானியங்கள் மற்றும் ஆரோக்கியமான கொழுப்புகளை உள்ளடக்கிய ஆரோக்கியமான உணவை எடுத்துக்கொள்ள வேண்டும். ஆரோக்கியமான உணவு ஆரோக்கியமான உடல் செயல்பாடுகளை உங்களுக்கு வழங்கும். உங்கள் உடல் ஆரோக்கியத்திற்கு முன்னுரிமை அளிக்க வேண்டும்.

இறுதிக்குறிப்பு

ஆரோக்கியமான எடையை பராமரித்தல், வழக்கமான உடற்பயிற்சி மற்றும் ஆரோக்கியமான உணவு ஆகியவை கொழுப்பு கல்லீரலை உருவாக்கும் அபாயத்தைக் குறைக்க உதவும் சிறந்த வழிகள். மேலும், மது அருந்துதல், புகைபிடித்தல் போன்ற ஆரோக்கியமற்ற பழக்கங்களைக் குறைப்பது முக்கியம்.