உங்க உடலில் இரத்த சிவப்பணுக்களின் உற்பத்தியை வேகமாக அதிகரிக்க இந்த 5 உணவுகள் போதுமாம்...!

ஆரோக்கியமான வாழ்க்கை வாழ்வதற்கு ஆரோக்கியமான இரத்தத்தை பராமரிப்பது முக்கியம். அதற்கு நாம் உண்ணும் உணவு மற்றும் வாழ்க்கை முறை மிகவும் முக்கியமானது.

Published: Saturday, February 18, 2023, 18:53 [IST]

ஆரோக்கியமான வாழ்க்கை வாழ்வதற்கு ஆரோக்கியமான இரத்தத்தை பராமரிப்பது முக்கியம். அதற்கு நாம் உண்ணும் உணவு மற்றும் வாழ்க்கை முறை மிகவும் முக்கியமானது. இரும்பு, வைட்டமின் சி மற்றும் பிற அத்தியாவசிய ஊட்டச்சத்துக்கள் நிறைந்த உணவை உட்கொள்வது இரத்த சிவப்பணுக்களின் உற்பத்தியை அதிகரிக்கவும், உடல் முழுவதும் ஆக்ஸிஜன் ஓட்டத்தை மேம்படுத்தவும் உதவும்.

Foods That Can Help Increase Red Blood Cell Count in Tamil

இரத்த சிவப்பணுக்களின் முக்கிய செயல்பாடு நுரையீரலில் இருந்து உடலின் உயிரணுக்களுக்கு ஆக்ஸிஜனைக் கொண்டு செல்வதாகும். உயிரணுக்கள் நன்றாக செயல்படுவதை உறுதி செய்வதற்காக ஆக்ஸிஜனை எடுத்துச் செல்வதற்குப் பொறுப்பான ஹீமோகுளோபின் எனப்படும் புரதம் RBC களில் உள்ளது. நுரையீரலில் இருந்து இரத்தம் எடுத்துச் செல்லும் ஆக்ஸிஜனில் 97 சதவிகிதம் ஹீமோகுளோபின் மூலமாகவும், மற்ற மூன்று சதவிகிதம் பிளாஸ்மாவால் கரைக்கப்படுவதாகவும் கூறப்படுகிறது. சில உணவுகள் உங்களுக்கு ஆரோக்கியமான இரத்தத்தையும், இரத்த ஓட்டத்தையும் அளிக்கும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

வைட்டமின் சி உணவுகள்

இரும்பை உடலால் முழுமையாக உறிஞ்ச முடியாது, அதனால்தான் அதை நன்றாக உறிஞ்சுவதற்கு ஒரு ஊடகம் தேவைப்படுகிறது. வைட்டமின் சி அந்த சிறந்த ஊடகமாக இருக்கும். ஆரஞ்சு, எலுமிச்சை, குடை மிளகாய், தக்காளி, திராட்சைப்பழங்கள், பெர்ரி போன்றவற்றை அதிகம் சாப்பிடுங்கள், ஏனெனில் அவற்றில் வைட்டமின்-சி அதிகமாக உளள்து.

இரும்புச்சத்து உணவுகள்

இரும்புச்சத்து குறைபாடு இரத்த சோகைக்கு ஒரு பொதுவான காரணமாகும், இதை சமாளிக்க அதிக இரும்புச்சத்து நிறைந்த உணவுகள் அடங்கும். இந்த ஊட்டச்சத்து இரத்த சிவப்பணுக்களில் காணப்படும் ஹீமோகுளோபின் என்ற புரதத்தின் உற்பத்தியை அதிகரிக்க உதவுகிறது, இது இரத்த சிவப்பணுக்களின் எண்ணிக்கையை அதிகரிக்கிறது. சிவப்பு இறைச்சி, பருப்பு வகைகள், முட்டை, பீன்ஸ் மற்றும் உலர்ந்த பழங்கள் இரும்புச்சத்துக்கான பொதுவான சிறந்த உணவுகளாக இருக்கிறது.

போலேட்

ஃபோலேட் என்பது ஒரு வகை வைட்டமின் பி ஆகும், இது எலும்பு மஜ்ஜையில் சிவப்பு மற்றும் வெள்ளை இரத்த அணுக்களை உருவாக்கத் தேவைப்படுகிறது. ஃபோலேட்டின் துணை ஃபோலிக் அமிலம் என்று அழைக்கப்படுகிறது. ஹீமோகுளோபினின் இன்றியமையாத அங்கமான ஹீமை உற்பத்தி செய்ய நம் உடல் ஃபோலேட்டைப் பயன்படுத்துகிறது. இந்த ஊட்டச்சத்து இல்லாததால் இரத்த சிவப்பணுக்கள் முதிர்ச்சியடைவதைத் தடுக்கலாம். கீரை, பட்டாணி மற்றும் பருப்பு போன்ற இலை பச்சை காய்கறிகள் ஃபோலேட்டின் சில சிறந்த ஆதாரங்கள்.

வைட்டமின் பி-12

வைட்டமின் B-12 RBC உருவாவதில் முக்கிய பங்கு வகிக்கிறது. இந்த ஊட்டச்சத்தின் குறைபாடு இரத்த சிவப்பணுவின் அசாதாரண செயல்பாட்டுக்கு வழிவகுக்கும் மற்றும் அவற்றின் வளர்ச்சியைத் தடுக்கலாம், இது மெகாலோபிளாஸ்டிக் அனீமியா என்று அழைக்கப்படுகிறது. இந்த ஊட்டச்சத்து முதன்மையாக பால் பொருட்கள் மற்றும் சிவப்பு இறைச்சி, மீன் மற்றும் மட்டி போன்ற உணவுகளின் விலங்கு அடிப்படையிலான ஆதாரங்களில் உருவாகிறது. கூடுதலாக, காலை உணவாக எடுத்துக் கொள்ளப்படும் தானியங்கள் வைட்டமின் பி 12 உடன் செறிவூட்டப்பட்டுள்ளன.

தாமிரம்

தாமிரம் நேரடியாக இரத்த உற்பத்திக்கு உதவாது, ஆனால் அது RBC க்கு இரும்பை அணுக உதவுகிறது. தாமிரத்தை குறைவாக உட்கொள்வது முழு செயல்முறையையும் கடினமாக்கும். செர்ரி மற்றும் மீன் போன்ற செம்பு நிறைந்த உணவுகளை உண்பதால்,சிவப்பு இரத்த அணுக்களின் உற்பத்தியை எளிதாக்கலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்