இந்தியாவில் இந்த ஊட்டச்சத்து குறைப்பாட்டால் தான் அதிகமானோர் அவதிப்படுகிறார்கள் தெரியுமா?

வைட்டமின் டி

சூரிய வெளிச்சத்தில் நின்றால் வைட்டமின் டி கிடைத்து விடும் என்று பலர் கருதுகின்றனர். அது உண்மை என்றால், இந்தியாவில் பெரும்பாலானோர் வைட்டமின் டி குறைபாட்டினால் பாதிக்கப்பட்டுள்ளனர் என்பது தான் உண்மை. நமது சருமம் மீது சூரிய ஒளி படும் போது, உடலில் உள்ள கொழுப்புகள் வைட்டமின் டி-ஐ உருவாக்கின்றன. உடலில் கால்சியம் சத்தை உறிஞ்சுவதற்கு இந்த வைட்டமின் டி மிகவும் தேவையான ஊட்டச்சத்தாகும். இவை, பற்கள், எலும்புகள் போன்றவற்றை பாதுகாத்திட உதவும். சில இயற்கை பொருட்களில் மட்டுமே வைட்டமின் டி கிடைக்கிறது. அதுவும், மிக மிக குறைந்து அளவில் தான் உள்ளது. வெண்டைக்காய், பால் பொருட்கள் மற்றும் காளான் போன்றவற்றில் சிறிது வைட்டமின் டி காணப்படுகிறது. வைட்டமின் டி இன் ஆர்.டி.ஐ 70 வயதிற்குட்பட்டவர்களுக்கு 600 IU, 70 வயதுக்கு மேற்பட்டவர்களுக்கு 800 IU ஆகும்.

வைட்டமின் பி12

இந்தியாவில் அதிகப்படியான மக்கள் சைவ பிரியர்களாக உள்ளனர். அதனால், அவர்களுக்கு தேவையான வைட்டமின் பி12 கிடைக்கப்பெறுவதில்லை. இந்த வைட்டமின் பி12 ஊட்டச்சத்தானது, நரம்புகள், மூளை இயக்கம் மற்றும் இரத்த சிவப்பு அணுக்களின் உற்பத்தி ஆகியவற்றிற்கு மிகவும் தேவையான ஒன்றாகும். ஆனால், இந்த வைட்டமின் பி12 ஊட்டச்சத்தானது, பொதுவாக அசைவ உணவுகளில் தான் அதிகம் காணப்படுகிறது. அதாவது, ஆட்டிறைச்சி, கோழி இறைச்சி, முட்டை மற்றும் கிளிஞ்சல் போன்றவற்றில் வைட்டமின் பி12 அதிகம் உள்ளது. அதுதவிர, பால் பொருட்கள் மற்றும் வலுவூட்டப்பட்ட உணவுகளிலும் வைட்டமின் பி12 சிறிதளவு காணப்படுகிறது. வைட்டமின் பி 12 க்கான ஆர்.டி.ஐ 2.4 எம்.சி.ஜி.

ஃபோலேட்

வைட்டமின் பி9 ஊட்டச்சத்தில் இருந்து இயற்கையாக உருவாகக்கூடிய ஒன்று தான் ஃபோலேட். பச்சை இலை காய்கறிகள், சிட்ரஸ் பழங்கள், கிட்னி பீன்ஸ், முட்டை மற்றும் பயறு வகைகளில் இவை அதிக அளவில் காணப்படுகின்றன. டி.என்.ஏ., ஆர்.என்.ஏ. மற்றும் இரத்த செல்களின் கட்டுமானத்திற்கு ஃபோலேட் இன்றியமையாதது. இது கர்ப்பிணிப் பெண்களுக்கு மிகவும் முக்கியமானது. வயிற்றில் இருக்கும் குழந்தைகளை ஸ்பைனா பிஃபிடா போன்ற பிறப்பு குறைபாடுகள் ஏற்படாமல் தடுக்க உதவும். ஃபோலேட்டுக்கான ஆர்.டி.ஐ பெரியவர்களுக்கு 400 எம்.சி.ஜி, கர்ப்பிணிப் பெண்கள் 600 எம்.சி.ஜி. ஆகும்.

இரும்புச்சத்து

இரும்புச்சத்து குறைபாடு அல்லது இரத்த சோகை இந்தியாவில் மட்டுமல்ல, உலகம் முழுவதும் மிகவும் பொதுவானது ஊட்டச்சத்து குறைபாடுகளில் ஒன்றாகும். இந்த குறைபாடு கர்ப்பிணி பெண்கள் மற்றும் மாதவிடாய் காலத்தில் பெண்களுக்கு ஏற்படும் அதிகப்படியான இரத்தப்போக்கினால் ஏற்படக்கூடியவை. இரத்தத்தில் ஹீமோகுளோபின் உருவாக இரும்பு சத்து தான் பொறுப்பு. இந்த ஊட்டச்சத்தின் குறைபாடு பலவீனம் மற்றும் வெளிறிய தோல் ஆகிறவற்றிற்கு வழிவகுக்கும். இரும்பு சத்துக்கான ஆர்.டி.ஐ 50 வயதுக்கு மேற்பட்ட ஆண்கள் மற்றும் பெண்களுக்கு ஒரு நாளைக்கு 8.7 மி.கி. அளவும் மற்றும் 19 முதல் 50 வயது வரையிலான பெண்களுக்கு நாளொன்றிற்கு 14.8 மி.கி. அளவுமாகும். கீரை, டார்க் சாக்லேட், மாதுளைப்பழம், மீன், இறைச்சி போன்றவை இரும்புச்சத்துக்கான சில பொதுவான ஆதாரங்களாகும்.