உங்களின் முடியை வைத்தே நீங்கள் எப்படிப்பட்டவர் என்பதை கண்டறிய முடியும்..!

சிறிய முடியா..?

உங்களின் முடி சிறிதான அளவில் இருந்தால் அதற்கென்று ஒரு தனித்துவமான அர்த்தம் உள்ளதாம். இது போன்று பெண்கள் வைத்திருந்தால் அதிக கற்பனை திறன் கொண்டவராகவும், அவரின் முடியே அவரை மற்றவரிடம் இருந்து தனித்துவமாக காட்டும் என்பதையும் இது உணர்த்துகிறது. இவை ஆண்களுக்கு வேறுபடும்.

நீண்ட முடியா..?

ஆண்களுக்கு நீளமான முடி வைத்திருந்தால் மேற்சொன்ன காரணிகள் ஒத்து போகும். அதாவது, இவர்கள் அதிக படைப்பாற்றல் கொண்டவராகவும், மிகுந்த தனித்துவம் கொண்டவராகவும் இருப்பார்களாம். அத்துடன் இந்த நீண்ட முடி அவரின் ஆரோக்கியத்தையும் சேர்த்தே குறிக்கிறது.

முடி வளர்ச்சி எப்படி..?

ஒரு சிலருக்கு முடி வளர்ச்சி மிகவும் குறைவாக இருக்கும். இது போன்ற நிலை அவரது முடி எத்தகைய பாதிப்பில் உள்ளது என்பதை குறிக்கிறதாம். முடியின் வளர்ச்சி குறைந்து இருந்தால் புரதசத்து குறைபாடு உள்ளது என அர்த்தம். இவை முடியை மட்டும் பாதிக்காமல் பற்கள், உடல் நிலை, மன நிலை போன்றவற்றையும் சேர்த்தே பாதிக்கிறதாம்.

இவ்ளோ முடியா..?

சிலருக்கு முடி அதிகமாக கொட்டுவது போன்று தோன்றும். ஆனால், உண்மை என்னவென்றால் பொதுவாகவே நமக்கு 80 முதல் 100 முடிகள் உதிருமாம். இது இயல்பான ஒன்று. ஆனால், இதற்கும் அதிகமாக உதிர்ந்தால் தான் நமக்கு பிரச்சினை. இது மன அழுத்தம், உடல் நிலை கோளாறு, கர்ப்பம் ஆகிய காரணத்தால் முடி அதிக அளவில் உதிர கூடும்.

பிறப்பு கட்டுப்பாடு மாத்திரைகள்

ஒரு சிலருக்கு திடீரென்று முடி அதிக அளவில் கொட்ட தொடங்கும். அத்துடன் முடியின் பொலிவும், ஆரோக்கியமும் குறைந்தது போன்று இருக்கும். இதற்கு முக்கிய காரணம் நாம் சாப்பிட கூடிய பிறப்பு கட்டுப்பாட்டு மாத்திரைகள் தான். இவை ஹார்மோன் மாற்றத்தை தந்து இப்படிப்பட்ட நிலைக்கு நம்மை தள்ளுகிறது.

தைராய்டு பிரச்சினை

இந்த நிலை ஆண்களுக்கும் பெண்களுக்கும் ஏற்பட அதிக வாய்ப்புகள் உள்ளதாம். அதாவது, முடியின் வளர்ச்சியை பாதித்து, முடியை அதிக அளவில் கொட்ட செய்யுமாம். இவற்றிற்கு முக்கிய காரணமே இந்த தைராய்டு சுரப்பி என மருத்துவர்கள் கூறுகின்றனர். இவை முடியை மிகவும் மெல்லிதாக மாற்ற கூடும்.

வெள்ளை முடியா..?

ஒரு சிலருக்கு இளம் வயதிலே முடி வெள்ளையாக மாற கூடும். இந்த நிலைக்கு பலவித காரணிகள் உள்ளன. அதில் முக்கியமானது உங்களது மன அழுத்தம் தான். மன அழுத்தம் கூட உங்களின் கருமை முடியை வெள்ளையாக மாற்றும். சிலருக்கு மரபணு ரீதியாகவும் இந்த பிரச்சினை இருக்க கூடும்.

முடி வெடிப்பா..?

பலருக்கு முடி அதிகம் வெடித்து காணப் படும். இதற்கு காரணம் உயர் ரத்த அழுத்தம், பசியின்மை, முதுகு வலி, ஆகியவை தான். மேலும், நமது உடலில் சுரக்க கூடிய கார்டிசோல் அதிகமானால் முடியில் வெடிப்பும் அதிகமாகுமாம்.