புரண்டு புரண்டு படுத்தாலும் தூக்கமே வரலையா?... இத செய்ங்க... நிம்மதியா தூங்குவீங்க...

உங்களுக்கான நேரம்

மாலை நேரத்தை உங்களுக்காக செலவிட தயாராக இருங்கள். உங்கள் எண்ணங்களை ஒரு பேப்பரில் எழுதி வைத்து செயல்படுங்கள். இது உங்கள் இரவு நேரத்தை சரியாக கழிக்க உதவும். புத்தகம் படித்தல், இரவு நேர குளியல் போன்றவை உங்கள் மனதை ரிலாக்ஸ் செய்து நிம்மதியான உறக்கத்தை தரும்.

ஸ்விட்ச் ஆப்

இரவில் தூங்க செல்லுவதற்கு 60-90 நிமிடங்களுக்கு முன்பாகவே உங்கள் எலக்ட்ரானிக் பொருட்களை எல்லாம் ஸ்விட்ச் ஆப் செய்து விடுங்கள். ஏனெனில் மொபைல், டிவி போன்ற எலக்ட்ரானிக் பொருட்களில் இருந்து வரும் நீல நிற ஒளிக்கதிர்கள் மூளையை தூண்டி தூக்கத்தை தொந்தரவு செய்யும். அதே மாதிரி இந்த பொருட்களை உங்கள் படுக்கையறையில் வைப்பதை தவிருங்கள்.இல்லையென்றால் உங்களை உபயோகிக்க தூண்டும்.

காஃபைன் தவிருங்கள்

நீங்கள் தூங்குவதற்கு ஆறு மணி நேரத்திற்கு முன்பு காஃபைன் குடித்து இருந்தால் அதுவும் உங்கள் தூக்கத்தை கெடுத்து விடும். காலையில் காபி குடித்து விட்டு மதியம் மற்றும் மாலை வேளைகளில் தாமதமாக காபி பருகுவதை தவிருங்கள். அதே மாதிரி காஃபைன் கலந்த பானங்கள் போன்றவற்றை தவிர்த்து மூலிகை தேநீர், கெமோமில் டீ போன்றவற்றை பருகுங்கள். இவை சுவைக்காக மட்டுமல்லாமல் உங்களுக்கு நிம்மதியான உறக்கத்தை தரும்.

குறைவான இரவு உணவு

புரோட்டீன் அதிகமான உணவுகளை இரவில் தவிர்ப்பது நல்லது. இவை செரிமான பிரச்சினையை உண்டாக்கி தூக்கத்தை கெடுக்கும். எனவே லேசான கார்போஹைட்ரேட் உணவுகளை எடுக்கும் போது இன்சுலின் சுரப்பு உண்டாகி இவை தூக்க ஹார்மோன் ஆன டிரிப்டோபனை மூளையில் தூண்டுகிறது.

நீர் ஆகாரம்

நிறைய தண்ணீர் குடித்தால் அடிக்கடி சிறுநீர் கழிக்க நேரிடும். இதுவும் உங்கள் தூக்கத்தை கெடுத்து விடும். எனவே படுக்கைக்கு போவதற்கு 90 நிமிடங்களுக்கு முன் நீரை அருந்திக் கொள்ளுங்கள்.

சருமம்

இரவில் தூங்குவதற்கு முன்பு நைட் க்ரீம்களை உங்கள் முகம், தாடை மற்றும் கழுத்து பகுதிகளில் தடவிக் கொள்ளுங்கள். இவை இரவில் உங்கள் சருமத்தை புதுப்பித்து சருமம் வயதாகுவதை தடுக்கும். சுருக்கங்கள், சரும கோடுகள், தொய்வு போன்றவை ஏற்படாமல் தடுக்கும். எனவே எழுந்திருக்கும் போது பொலிவான முகத்துடன் அந்த நாள் முழுவதும் உற்சாகமாக இருப்பீர்கள்.