ரத்தத்தை பற்றி நீங்கள் அறிந்திராத தகவல்கள்!

உணவுப்பழக்கம் :

ஏ ரத்த வகையை சேர்ந்தவர்கள் பெரும்பாலும் சைவ உணவு சாப்பிடுபவர்களாக இருப்பார்கள். அதிக காரமுள்ள உணவுகளை தவிர்ப்பது நலம்.

பி ரத்தவகையை சேர்ந்தவர்களுக்கு பால் மற்றும் பால் சார்ந்த பொருட்களில் அதிக ஈடுபாடு இருக்கும். அசைவ உணவுகளை விரும்பிச் சாப்பிடுவர் . மதுப்பழக்கம் இருந்தால் அதனை விட வேண்டும், உணவுகளில் செயற்கையான சுவையூட்டிகளை சேர்ப்பதை தவிர்க்க வேண்டும்.

அடுத்த இரண்டு வகை :

ஓ வகை ரத்தம் இருப்பவர்கள் உணவு விஷயத்தில் கொஞ்சம் ஜாக்கிரதையாக இருக்க வேண்டும். பேக் செய்யப்பட்ட உணவுகளை அறவே தவிர்ப்பது நலம். இவ்வகை ரத்தம் இருப்பவர்கள் பெரும்பாலும் அதீத உணவு உட்கொள்ளும் பழக்கமுடையவர்களாக இருப்பார்கள் என்பதால் இதில் கொஞ்சம் முன்னெச்சரிக்கையுடன் இருக்க வேண்டும்.

ஏபி வகையினர் எவ்வகை உணவையும் உட்கொள்ளலாம். உணவு விஷயத்தில் பயப்படத் தேவையில்லை.

குணநலன்கள் :

ஏ வகை ரத்தம் இருப்பவர்கள் குழு செயல்பாடுகளில் அதிக ஈடுபாடு காட்டுவர், கூட்டத்தை வழிநடத்திச் செல்லும் ஆற்றல் உண்டு.

பி வகை ரத்தம் இருப்பவர்கள் நிறைய நட்புணர்வு பாராட்டுவார்கள், அனுசரித்து செல்லக்கூடிய ஆற்றல் இருக்கும்.

ஒ வகை ரத்தப் பிரிவு இருப்பவர்கள் செயலில் அதிக ஆர்வம் காட்டுவார்கள். எதிலும் சட்டென கவனத்தை செலுத்து ஆற்றல் உண்டு.இதுவே இவர்களுக்கு நெகட்டிவாகவும் முடியும் வாய்ப்புண்டு.

ஏபி வகையினர் அமைதியாகவும்,புதிது புதிதான சிந்தனைகளை உருவாக்குபவர்களாகவும் இருப்பார்கள்.

ஸ்ட்ரஸ் லெவல் :

ஏ வகையினர் :

இவர்கள் தங்களின் மனக் குமுறல்களை கையாளமுடியாமல் தவிப்பர். எதையும் அமைதியாக அணுகத் தெரியாமல் பிரச்சனையை பெரிதாக்குவர்.

பி வகையினர் :

இவர்கள் கொஞ்சம் அமைதியாக இருப்பர். ஆனால் அவர்களது மனம் சட்டென மாறிக்கொண்டேயிருக்கும். நிலையான ஒரு முடிவை எடுக்க முடியாமல் தவிப்பர்.இவர்கள் மூச்சுப் பயிற்சி செய்வது நல்லது

ஓ வகையினர் :

அதிகமாக கோபப்படுவர். நினைத்தது சட்டேன நடக்க வேண்டும். நிறைவேற வேண்டும் என்று எதிர்ப்பார்ப்புடனே எல்லா விஷயத்தையும் அணுகுவதால் சிக்கல் உண்டாகும்.

ஏபி வகையினர் :

தங்களுடைய மனதை சரியாக கையாளத் தெரிந்தவர்கள். சட்டென கோபம் உண்டாவதும் பின்னர் திருந்துவதும் அடிக்கடி நடக்கும்.சின்ன சின்ன விஷயங்களுகெல்லாம் டென்சன் ஆவார்கள்.

உடல் எடை :

இன்றைக்கு பலருடைய முக்கிய கேள்வியாக மனதில் ஓடிக்கொண்டிருக்கிறது இது தான். உடல் எடையைப் பற்றியது. உங்களின் ரத்த வகையைக் கொண்டு உங்களின் உடல் எடை எப்படி கூடுகிறது என்பதை தெரிந்து கொள்ளலாம்.

ஏ வகையினர் :

அதிக கொழுப்புள்ள உணவுகளை உட்கொண்டால் உடல் எடை கூடும்.

பி வகையினர் :

எண்ணெயில் பொறித்த உணவுகள், பாக்கெட் உணவுகளை உட்கொண்டால் உடல் எடையில் உடனடி வேறுபாட்டினை உணர முடியும்.

ஒ வகையினர் :

உணவுப்பழக்கத்தில் மாற்றங்கள் உண்டானால் எடையில் மாற்றம் தெரியும்.

ஏபி வகையினர் :

பெரும்பாலும் இவர்கள் உணவினால் அல்லாது, உடல் உழைப்பு இல்லாததால் தான் வருகிறது.

ரத்தம் தேவை :

ஏபி பிரிவனர் எல்லாவகை ரத்தத்தையும் பெறலாம். ஆனால் ரத்தம் கொடுக்கும் போது ஏபி பிரிவனருக்கு மட்டும் கொடுக்க வேண்டும்.

ஏ பிரிவினர் ஏ அல்லது ஓ வகையினரிடமிருந்து பெறலாம். கொடுப்பதற்கு ஏ அல்லது ஏபியிடம் கொடுக்க வேண்டும்.

பி பிரிவனர் பி அல்லது ஒ பிரிவுகளிடமிருந்து பெறுவர்.கொடுப்பதற்கு பி அல்லது ஏபி உண்டு.

ஒ பிரிவினர் ஒ பிரிவில் இருந்து மட்டும் ரத்தம் பெற முடியும். ஆனால் எல்லா வகை ரத்த பிரிவினருக்கும் கொடுக்கலாம்.

ப்ளாஸ்மா :

ஏபி பிரிவனர் ஏபி பிரிவினரிடமிருந்து மட்டுமே ப்ளாஸ்மா பெற முடியும். ஆனால் மற்ற எல்லா பிரிவினருக்கும் கொடுக்கலாம்.

ஏ பிரிவினர் ஏவிடமிருந்தும் ஏபி விடமிருந்தும் பெற முடியும். ஆனால் ஏ அல்லது ஒ பிரிவினருக்கு கொடுக்கலாம்.

பி பிரிவினர் பி அல்லது ஏபி இருந்து பெற முடியும். இவர்கள் பி அல்லது ஒவிற்கு கொடுக்க முடியும்.

ஒ பிரிவனர் யாரிடமிருந்து வேண்டுமானாலும் பெறலாம். ஆனால் ஒ பிரிவினருக்கு மட்டுமே ப்ளாஸ்மா கொடுக்க முடியும்.