மன அழுத்தம் இவ்வளவு சரும பிரச்சனைகளை உண்டாக்கும் என்பது தெரியுமா?

லிச்சென் சிம்ப்ளெக்ஸ் கிரோனிக்கஸ்

மன அழுத்தம் மற்றும் நரம்பு பதற்றம் அதிகரிக்கும் போது, தோல் நிலையான லிச்சென் சிம்ப்ளெக்ஸ் கிரோனிக்கஸ் என்னும் சரும அரிப்பு பிரச்சனையை சந்திக்க நேரிடும். ஆனால் மன அழுத்தத்தைக் குறைப்பதன் மூலம், இந்த நிலையை கட்டுப்படுத்தலாம்.

சொரியாசிஸ்

மன அழுத்தத்தால் சொரியாசிஸ் வராது. ஆனால் சொரியாசிஸ் பிரச்சனை இருக்கும் போது மன அழுத்தத்தினால் கஷ்டப்பட்டால், நிலைமை மோசமாகும். ஏனெனில் மென அழுத்தம் உடலின் நோயெதிர்ப்பு சக்தியைக் குறைத்து மோசமாக்கும்.

வறட்சியான சருமம்

மன அழுத்தத்தின் போது வெளியிடப்படும் ஹார்மோன் இரத்த நாளங்களை சுருக்கி, உடலில் இரத்த ஓட்டத்தை மோசமாக்கும். உடலில் இரத்த ஓட்டம் குறைவாக இருக்கும் போது, சருமம் வறட்சியடையும்.

ரோஸாசியா

மன அழுத்தம் ரோஸாசியாவை தூண்டும். மேலும் இந்த நிலை காரமான மற்றும் சூடான உணவுகளை உட்கொண்டால், அதிகப்படியான வெப்பநிலை மற்றும் கடுமையான உடற்பயிற்சியை செய்வதனாலும் ஏற்படும்.

முகப்பரு

வேண்டுமானால் கவனித்துப் பாருங்கள். நீங்கள் அதிகமாக டென்சனாகி மன அழுத்தத்தில் இருக்கும் போது, முகத்தில் பருக்கள் வருவதை நீங்கள் நன்கு காணலாம். இதற்கு காரணம் மன அழுத்த ஹார்மோனான கார்டிசோல் சருமத்தில் எண்ணெய் பசையை அதிகம் உற்பத்தி செய்வது தான்.

கருவளையம்

மன அழுத்தம் அதிகரிக்கும் போது, தூக்கமின்மை ஏற்பட்டு, அதன் காரணமாக கருவளையங்கள் ஏற்படும். மன அழுத்தம் அதிகரிக்கும் போது, முகத்தில் இரத்த ஓட்டம் குறைந்து, அதனால் கண்களைச் சுற்றி கருவளையங்கள் ஏற்படும்.