தினமும் டர்ர்ர்ர், புர்ர்ர்ரர் பிரச்சனையா? இதோ சில எளிய டிப்ஸ்!!!

உணவுத் தேர்வு

நிறைய உணவுகளில் வாயுத்தொல்லையை ஏற்படுத்தும் தன்மை இருக்கிறது. இவை மலச்சிக்கல் பிரச்சனையையும் ஏற்படுத்தும். முள்ளங்கி, வறுத்த உணவுகள், பீன்ஸ், முட்டைகோஸ், வெங்காயம் என நிறைய உணவுகள் வாயுத்தொல்லையை ஏற்படுத்தும். எனவே, இந்த உணவுகளை அளவாக எடுத்துக் கொள்ள வேண்டும். மேலும் இந்த உணவுகளை உண்ட பிறகு 10 நிமிடங்கள் வாக்கிங் சென்று வர மறக்க வேண்டாம்.

உணவு உட்கொள்ளும் முறை

சமையலை போலவே, உணவை உட்கொள்வதும் கூட ஒருவகையான கலை தான். உணவை நன்கு மென்று சாப்பிட வேண்டுமே தவிர விழுங்க கூடாது. அப்படியே விழுங்குவதால் கூட வாயுத்தொல்லை ஏற்படலாம்.

இஞ்சியை சேர்க்கவும்

செரிமானம் மற்றும் வாயுத்தொல்லை சார்ந்த பிரச்சனைக்கு ஓர் சிறந்த நிவாரணி இஞ்சி. உங்கள் உணவில் சிறிதளவு இஞ்சியை சேர்த்துக் கொள்வதால் வாயுத்தொல்லைக்கு நல்ல தீர்வுக் காண முடியும்.

யோகா

நீண்ட நாள் வாயுத்தொல்லை பிரச்சனை இருந்து வந்தால் யோகா பயிற்சியின் மூலமாக கூட தீர்வுக் காண முடியும். பவன் முக்தாசனா மற்றும் வீராசனம் போன்ற ஆசனங்கள் வாயுவை வெளியேற்றி வயிற்றை நன்கு உணர வைக்க உதவுகிறது.

செரிமானக் கோளாறுகள்

செரிமானக் கோளாறின் காரணமாக கூட வாயுத்தொல்லை அதிகம் ஏற்படலாம். உணவு உட்கொண்ட பிறகு சிறிது நேரம் நடைப்பயிற்சி, சூடாக ஒரு கப் டீ அல்லது கொஞ்சம் சுடுநீர் அல்லது ஒரு வெற்றிலையை வாயில் போட்டு மெல்லுதல் போன்றவை நல்ல தீர்வுக் காண உதவும்.

காற்றையும் சேர்த்து விழுங்க வேண்டாம்

சிலர் நன்கு வாயை திறந்து அள்ளி எடுத்து சாப்பிடும் பழக்கம் கொண்டிருப்பார்கள். இவர்கள் காற்றையும் சேர்த்து விழுங்குவதால் கூட வாயுத்தொல்லை ஏற்படலாம். எனவே, நாம் முன்பு கூறியது போல உணவை நன்கு மென்று உண்ணுதல் நல்லது.

எலுமிச்சை நீர், பேக்கிங்பவுடர்

எலுமிச்சை நீரில் சிறிதளவு பேக்கிங்பவுடர் சேர்த்து நன்கு காந்து குடித்தால் வாயுத்தொல்லைக்கு நல்ல தீர்வுக் காண முடியும்.