தூசியால் ஏற்படும் அலர்ஜிக்கான அறிகுறிகள் மற்றும் குணப்படுத்தும் முறைகள்!!!

சளிக் காய்ச்சல்

அறிகுறிகள்

சளிக் காய்ச்சல் பொதுவாக ஏற்படும் ஒரு பிரச்சனை. கண்களில் எரிச்சல், கண்களில் நீர் வடிதல், தும்மல், மூக்கில் தண்ணீர் வடிதல், இருமல் மற்றும் தொண்டையில் எரிச்சல் ஆகியவை இதற்கான அறிகுறிகள்.

சளிக் காய்ச்சல்

குணப்படுத்துதல்

மருந்து கடைகளில் இதற்கென்று மாத்திரைகள் பல உள்ளன. அவைகளை உங்கள் மருத்துவரின் ஆலோசனை பெற்று எடுத்துக் கொள்ளலாம். அலர்ஜியை ஏற்படுத்தும் ஹிஸ்டமைன் என்னும் வேதி பொருள் உடலில் சுரப்பதை தடுக்க, ஹிஸ்டமைன் எதிர்ப்பு மாத்திரைகளை மருத்தவரின் ஆலோசனை பெற்று எடுத்துக் கொள்ள வேண்டும்.

ஆஸ்துமா

காரணம் மற்றும் அறிகுறிகள்

சாலையில் உள்ள தூசிகள், மகரந்த தூள்கள், செதில், இறகு, ஒட்டுண்ணிகள், போன்றவை ஆஸ்துமாவுக்கு காரணமாக விளங்குகின்றன. ஆஸ்துமா என்னும் கொடிய நோய் சுவாசிப்பதில் சிரமம் ஏற்படுத்தி, இருமல் வரவழைத்து, மூச்சு திணறலுக்கு வழிவகுக்கும். கவனிக்காவிடில் தோல் நீல நிறத்திற்கு மாறலாம், அல்லது, மயக்கத்துக்கு தள்ளலாம்.

ஆஸ்துமா

குணப்படுத்துதல்

தூசியில் பல மணி நேரம் செலவிட கூடாது. நாம் இருக்கும் இடத்தை சுத்தமாகவும் காற்றோட்டமாகவும் வைத்து கொள்ள வேண்டும். ஆஸ்துமாவில் இருந்து விடுபட உடனடி வலி நிவாரணிகள் அல்லது ஆஸ்துமா தடுப்பு முறைகளை கையாள வேண்டும். உடனடி வலி நிவாரணிகள் மருத்துவரின் ஆலோசனை பெற்று எடுத்து கொள்ளவேண்டும்.

படைநோய்

காரணம் மற்றும் அறிகுறிகள்

படைநோய் என்பது தோலில் ஏற்படும் நாள்பட்ட தடிமனான தழும்பு போன்ற அடையாளம். அந்த இடத்தில் தோலானது உலர்ந்து,சிவந்து பட்டையாக காணப்படும். இந்த நோயானது பெரும்பாலும் குழந்தைகளையும், நாற்பது வயதுக்கு மேற்பட்டவர்களையும் பாதிக்கும். இந்த நோயானது சுற்று மாசுகளாலும், தூசிகளாலும் ஏற்படுகிறது.

படைநோய்

குணப்படுத்தல்

படை நோயை எளிய மருத்துவ முறைகள் மூலம் எளிதில் குணப்படுத்தலாம். ஆனால் நாள்பட்ட நோயை குணப்படுத்துவது கடினம். முறைப்படி பராமரித்தால் இந்த நோயை எளிதில் குணப்படுத்தலாம். பொதுவாக படை நோய் குணப்படுத்தகூடிய ஒரு நோயாகும்.