தொப்பையை குறைக்க வேணுமா? இந்த யோகாவை செய்யுங்க!!

யோகா :

தொப்பை மறைய உங்களுக்கு தீர்வு காண யோகாவில் நிறைய ஆசனங்கள் உண்டு என்றாலும் இந்த ஆசனம் சிறப்பானது.

வயிற்றுபகுதியில் அழுத்தம் தரப்பட்டு செய்யப்படும் இந்த யோகா மிகவும் பயனளிக்கும்.

பவன்முக்தாசனா :

பவன் என்றால் சமஸ்கிருதத்தில் காற்று என்று அர்த்தம். முக்தா என்றால் விடுதலை. இந்த ஆசனத்தால் வயிற்றிற்கு அழுத்தம் தரப்படுவதால் காலியான இடங்களில் அடைபட்டிருக்கும் காற்றை விடுவித்து தொப்பை குறைய ஏதுவாகிறது.

செய்முறை-1 :

முதலில் கால் நீட்டி நேராக படுங்கள். கால்களை நேராக நீட்டி உடலை தளர்த்துங்கள். ஆழ்ந்து மூச்சை விட்டபடி வலது காலின் முட்டியை மடக்கி உயர்த்துங்கள்.

செய்முறை-2 :

உங்கள் இருகைகளால் முட்டியை பிடித்துக் கொண்டு மார்பு வரைக்கும் முட்டியை கொண்டு செல்லவும். உள்ளங்கைகளை ஒன்றாக இணைத்து முட்டியை பிடித்துக் கொள்ள வேண்டும்.

செய்முறை-3 :

இப்போது மெதுவாய் முட்டியை இன்னும் உயர்த்தி உங்கள் தாடைக்கு அருகே கொண்டு செல்லுங்கள். இப்போது ஆழ்ந்து மூச்சை இழுத்துவிடுங்கள். சில நொடிகளில் இதே நிலையில் இருந்த பின்னர் இயல்பு நிலைக்கு வரவும். இதேபோல் இடது காலுக்கும் செய்யவும்.

பலன்கள் :

இது அடிவயிற்றிலுள்ள உறுப்புகளை பலப்படுத்துகிறது, கால்களை உறுதியாக்கும். இடுப்பு பகுதியில் ரத்த ஓட்டத்தை அதிகரிக்கச் செய்யும். வயிற்றிலுள்ள கொழுப்புகளை கரைய மிகச்சிறந்த முறையில் பலன் அளிக்கக் கூடிய யோகாவாகும்.

குறிப்பு :

இந்த யோகாவை கர்ப்பிணிகள், உயர் ரத்த அழுத்தம் உள்ளவர்கள், முதுகு தண்டுவட பாதிப்பு இருப்பவர்கள் செய்ய வேண்டாம்.