இந்த 5 பிரச்சினைகளில் ஒன்னு உங்களுக்கு இருந்தா தெரியாம கூட நெய் சாப்பிட்ராதீங்க... இல்லனா ஆபத்துதான்...!

அனைத்து வீடுகளின் சமையலறையிலும் நெய் நிச்சயம் இருக்கும். நெய்யில் வைட்டமின்கள், ஒமேகா கொழுப்பு அமிலங்கள் மற்றும் ஆக்ஸிஜனேற்றங்கள் நிறைந்துள்ளன. பழங்காலத்திலிருந்தே இது சமையல் பொருளாகவும், மருத்துவத்திலும் பயன்படுத்தப்பட்டு வருகிறது.

நெய் பலவிதமான ஆரோக்கிய நன்மைகளைக் கொண்டுள்ளது என்பதை நாம் நன்கு அறிந்திருந்தாலும் எல்லோருக்கும் அது ஒரே மாதிரியான நன்மைகளை அளிக்காது என்பதை நாம் நினைவில் கொள்ள வேண்டியது அவசியம். உண்மைதான், சில ஆரோக்கிய பிரச்சினை இருப்பவர்கள் நெய்யை சாப்பிடக்கூடாது என்று பரிந்துரைக்கப்படுகிறது.

பெரும்பாலான நிறைவுற்ற விலங்கு கொழுப்புகளை விட நெய் ஆரோக்கியமானது. நிறைவுற்ற கொழுப்புகள் உங்கள் கொலஸ்ட்ராலை கட்டுக்குள் வைத்திருப்பதிலும் இதய ஆரோக்கியத்தை பராமரிப்பதிலும் நல்லது. ஆனால் சிலர் நெய்யில் அதிக கொழுப்புகள் இருப்பதால் அது ஆரோக்கியமற்றது என்று நம்புகிறார்கள். துரதிர்ஷ்டவசமாக அது பாதி உண்மைதான்.

இந்த பதிவில் எந்தெந்த ஆரோக்கிய பிரச்சினை உள்ளவர்கள் நெய் சாப்பிடுவதைத் தவிர்க்க வேண்டும் என்று தெரிந்து கொள்ளலாம்.

பால் அலர்ஜி உள்ளவர்கள்

நெய் ஒரு பால் பொருள் என்பதால், பால் ஒவ்வாமை உள்ளவர்கள் அதை உட்கொள்ளக் கூடாது அல்லது மிதமாக மட்டுமே உட்கொள்ள வேண்டும். இதனால் படை நோய், வாந்தி அல்லது வயிற்றுப்போக்கு போன்ற அறிகுறிகள் தோன்றலாம்.

லாக்டோஸ் சகிப்புத்தன்மையுடன் நெய்யை பொறுத்துக்கொள்ளும் சிலர் உள்ளனர். எனவே, உங்களுக்கு பால் ஒவ்வாமை அல்லது லாக்டோஸ் சகிப்புத்தன்மை இருந்தால், உங்கள் மருத்துவரை அணுகவும்.

இதய நோயாளிகள் சாப்பிடக்கூடாது

நெய்யில் உள்ள ஆக்ஸிஜனேற்றப்பட்ட கொலஸ்ட்ரால் இதய நோய்கள் உட்பட பல்வேறு நோய்களின் அபாயத்தை அதிகரிக்கும். கொழுப்பு அமிலங்கள் இருப்பதால், இது மாரடைப்பு அபாயத்தை அதிகரிக்கிறது. அமெரிக்கன் ஹார்ட் அசோசியேஷன் நிறைவுற்ற கொழுப்புகளின் நுகர்வு 7 சதவிகிதத்திற்கும் குறைவாக இருக்க பரிந்துரைக்கிறது.

கல்லீரல் தொடர்பான பிரச்சினைகள்

கல்லீரல் பிரச்சினைகளுக்கு நெய் காரணம் அல்ல, ஆனால் உங்களுக்கு ஏற்கனவே மஞ்சள் காமாலை, கொழுப்பு கல்லீரல், இரைப்பை குடல் வலி போன்ற கல்லீரல் தொடர்பான நோய்கள் இருந்தால், நீங்கள் நெய்யை தவிர்க்க வேண்டும், ஏனெனில் இது தீவிர உறுப்பு பிரச்சினைகளை ஏற்படுத்தும். இருப்பினும், கண்டிப்பான அளவோடு நெய்யை உட்கொள்வது கல்லீரலுக்கு பிரச்சனையை உருவாக்காது.

உடல் பருமன் உள்ளவர்கள்

நீங்கள் உடல் எடையைக் குறைக்கும் டயட்டில் இருந்தால், ஒரு நாளைக்கு இரண்டு டீஸ்பூன் நெய்யை உட்கொள்வது நல்லது. ஆனால் நீங்கள் இந்த அளவை அதிகரித்தால், அது எடையை அதிகரிக்க வழிவகுக்கும்.

நிபுணர்களின் கருத்துப்படி, நெய்யில் கான்ஜுகேட்டட் லினோலிக் அமிலம் (சிஎல்ஏ) உள்ளது, இது உடல் எடையை குறைக்க உதவுகிறது, ஆனால் இது இன்னும் கலோரி அடர்த்தியான உணவுப் பொருளாக உள்ளது மற்றும் அதை அதிகமாக உட்கொள்வது உடல் பருமனை ஏற்படுத்தும். எனவே, பருமனானவர்கள் இதனை முடிந்த அளவிற்கு தவிர்ப்பது நல்லது.

செரிமான பிரச்சினை உள்ள கர்ப்பிணி பெண்கள்

சிலர் நெய்யை மலமிளக்கியாகக் கருதினாலும், அது ஜீரணிக்க கடினமாக இருக்கும். எனவே, அஜீரணம், வீக்கம் அல்லது மலச்சிக்கல் போன்ற செரிமான பிரச்சனைகளை நீங்கள் தொடர்ந்து அனுபவித்தால், நீங்கள் அதை தவிர்க்க வேண்டும் அல்லது எச்சரிக்கையுடன் உட்கொள்ள வேண்டும். கர்ப்பிணிப் பெண்கள் நெய் உட்கொள்வதைக் குறைப்பது நல்லது, ஏனெனில் அவர்களுக்கு அடிக்கடி அஜீரணம் மற்றும் வீக்கம் ஏற்பட வாய்ப்புள்ளது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.