MRI ஸ்கேனிங்கால் மீண்டும் ஒரு உயிர் போயுள்ளது... இந்த அலட்சியத்தால் இன்னும் எத்தனை உயிர் போகப்போகுதோ?

பிரேசிலைச் சேர்ந்த வழக்கறிஞர் ஒருவர் காந்த அதிர்வு இமேஜிங் (MRI) அறையில் லோட் செய்யப்பட்ட துப்பாக்கியைக் கொண்டு வந்ததால் பரிதாபமாக இறந்தார். Jam Press அறிக்கையின்படி, ஜனவரி 16 அன்று வழக்கறிஞர் தனது லோட் செய்யப்பட்ட உரிமம் பெற்ற ஆயுதத்தை Laboratorio Cura மருத்துவமனையின் MRI ஸ்கேனிங் அறைக்கு கொண்டு வந்தபோது இந்த மோசமான விபத்து ஏற்பட்டது.

Leandro Mathias de Novaes என அடையாளம் காணப்பட்ட, 40 வயதான இந்த வழக்கறிஞர், தனது தாயாருடன் செக்கப்-காக மருத்துவமனைக்குச் சென்றபோது, மறைத்து வைக்கப்பட்ட துப்பாக்கியை எடுத்துச் சென்றார். அறிக்கைகளின்படி, அந்த வழக்கறிஞர் இடுப்பின் கீழ் மறைத்து வைக்கப்பட்டிருந்த உரிமம் பெற்ற துப்பாக்கி எம்ஆர்ஐ இயந்திரத்திலிருந்து காந்த சக்திகளால் அதன் இடத்தில் இருந்து வெளியே எடுக்கப்பட்டது. சக்தி வாய்ந்த காந்தம் அவரது வயிற்றை உடலிலிருந்து வெளியே இழுக்கும் அளவுக்கு வலுவாக இருந்தது.

இந்த துரதிர்ஷ்டவசமான நிகழ்வைத் தொடர்ந்து, Laboratorio Cura மருத்துவமனை அதிகாரப்பூர்வ அறிக்கையை வெளியிட்டது. மியாமி ஹெரால்டு அறிக்கையின்படி, "நோயாளி மற்றும் அவருடைய துணை இருவரும் பரிசோதனை அறையை அணுகுவதற்கான நடைமுறைகள் குறித்து முறையாக அறிவுறுத்தப்பட்டனர் மற்றும் அனைத்து உலோகப் பொருட்களையும் அகற்றுவது குறித்து முன்னரே எச்சரிக்கப்பட்டனர்."

மருத்துவமனை நிர்வாகத்தின் உத்தியோகபூர்வ அறிக்கையானது, "துப்பாக்கியை பற்றி அவருடன் வந்தவரிடம் அவர் குறிப்பிடவில்லை, அவர் தனது முடிவின் மூலம் அந்தப் பொருளுடன் பரிசோதனை அறைக்குள் நுழைந்தார்." என்று கூறுகிறது.

விபத்தைத் தொடர்ந்து, வழக்கறிஞர் நோவாஸ் சாவோ லூயிஸ் மொரும்பி மருத்துவமனைக்கு அழைத்துச் செல்லப்பட்டார், அங்கு அவருக்கு பல வாரங்களுக்கு மருத்துவ உதவி வழங்கப்பட்டது. இருப்பினும், பிப்ரவரி 6 ஆம் தேதி, வழக்கறிஞர் அவரது மோசமான காயங்களால் இறந்தார்.

நோவாஸின் மரணத்திற்குப் பிறகு, கோடியாவில் உள்ள Order of Attorneys of Brazil செய்தித் தொடர்பாளர் கூறுகையில், "எங்கள் அன்பான நண்பரும் வழக்கறிஞருமான டாக்டர் லியாண்ட்ரோ மத்தியாஸ் டியின் எதிர்பாராத இழப்பை OAB கோடியா அனைத்து சக வழக்கறிஞர்களிடமும் தெரிவித்தது ஆழ்ந்த வருத்தத்துடன் உள்ளது." அந்த அறிக்கையில், "இழப்பிற்காக நாங்கள் வருந்துகிறோம், இந்த வலியின் தருணத்தில் அவரது குடும்பத்தினருக்கு நாங்கள் அனுதாபப்படுகிறோம்" என்று நியூயார்க் போஸ்ட் தெரிவித்துள்ளது.

இறந்த வழக்கறிஞர் தனது டிக்டாக் அக்கவுண்ட்டில் துப்பாக்கி உள்ள வீடியோக்களை அடிக்கடி பதிவிட்டதாக கூறப்படுகிறது. அவருக்கு தற்போது 8,000 க்கும் மேற்பட்ட பின்தொடர்பவர்கள் உள்ளனர் என்று நியூயார்க் போஸ்ட் தெரிவித்துள்ளது.

எம்ஆர்ஐ விபத்தில் ஒருவர் இறப்பது இது முதல் முறை அல்ல. 2018 ஆம் ஆண்டில், 32 வயதான இந்தியர் ஒருவர் அறையில் உலோக ஆக்ஸிஜன் சிலிண்டரை வைத்திருந்ததால் MRI ஸ்கேனிங் அறையில் இறந்தார்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.