India Heatwave Alert: இந்தியாவில் வெயில் உச்சத்தில் இருக்கும் டாப் 10 நகரங்கள் என்னென்ன தெரியுமா?

India Heatwave Alert: மக்களை வாட்டி வதைக்கும் வெயில் காலம் தொடங்கி விட்டது. இந்தியாவில் இந்த வருடம் கோடைகாலம் மிகவும் கொடூரமாக உள்ளது. ஒவ்வொரு நாளும் வெயிலின் தாக்கம் தங்கம் விலை அதிகரித்துக் கொண்டே செல்கிறது. இன்னும் அக்னி நட்சத்திரமே தொடங்காத நிலையில் வரப்போகிற காலம் மக்களுக்கு இன்னும் சோதனையான காலமாகவே இருக்கப்போகிறது.

கோடைக்காலத்தின் உச்சம் தொடங்குவதற்குச் சில வாரங்கள் உள்ள நிலையில், இந்தியாவின் பல பகுதிகளில் வெப்பநிலை ஏற்கனவே 42 முதல் 45 டிகிரி செல்சியஸ் வரை எட்டியுள்ளதால், நாடு முழுவதும் கடும் வெப்ப அலை வீசி வருவதாக இந்திய வானிலை ஆய்வு மையம் எச்சரித்துள்ளது.

வழக்கத்திற்கு மாறாக மிகக் கடுமையான வெப்பம் முன்கூட்டியே தொடங்கியிருப்பதால், வடக்கு, மத்திய மற்றும் மேற்கு இந்தியாவின் பல நகரங்கள் தீவிர வெப்ப அலையை எதிர்கொள்ளும் நிலைக்குத் தள்ளப்பட்டுள்ளன. இதிலிருந்து உடனடி நிவாரணம் கிடைப்பதற்கான அறிகுறி எதுவும் இதுவரை எதுவும் தென்படவில்லை.

வெப்ப அலை எப்படி பல மாநிலங்களுக்குப் பரவுகிறது?

இந்த வருடத்தில் டெல்லி-NCR, பஞ்சாப் மற்றும் ஹரியானா உள்ளிட்ட வட இந்தியப் பகுதிகளில் வெப்பநிலை 42 முதல் 45 டிகிரி செல்சியஸ் வரம்பில் பதிவாகி வருகிறது. இப்பகுதிகளில் கடுமையான வெப்ப அலை நிலவும் என இந்திய வானிலை ஆய்வுத் துறை எச்சரித்துள்ளது.

இந்த பிராந்தியங்கள் மட்டுமின்றி மகாராஷ்டிரா, குஜராத் மற்றும் மத்தியப் பிரதேசம் போன்ற மேற்கு மற்றும் மத்தியப் பிராந்தியங்களிலும் கடும் வெப்பம் நிலவி வருகிறது. அக்னி வெயில் தொடங்குவதற்கு முன்பே உள்ள பல மாவட்டங்களில் வெப்பநிலை 44 டிகிரி செல்சியஸைத் தாண்டியுள்ளது.

வழக்கத்திற்கு மாறாக மலைகள் நிறைந்த மாநிலங்களும் இந்த வெப்பத்திலிருந்து தப்பவில்லை. இமாச்சலப் பிரதேசத்தின் சில பகுதிகளில் வழக்கத்திற்கு மாறாக 41 டிகிரி செல்சியஸுக்கும் அதிகமான வெப்பநிலை பதிவாகியுள்ளதால், அங்கு வெப்ப எச்சரிக்கைகள் விடுக்கப்பட்டுள்ளன.

2026-ல் இந்தியாவில் வெப்பநிலை அதிகமாக உள்ள டாப் 10 நகரங்கள்:

1. அகோலா, மகாராஷ்டிரா: 45.6°C
2. அமராவதி, மகாராஷ்டிரா: 45.6°C
3. வார்தா, மகாராஷ்டிரா: 45.5°C
4. ஃபரித்கோட், பஞ்சாப்: 45.2°C
5. ரோஹ்தக், ஹரியானா: 44.6°C
6. ஜார்சுகுடா, ஒடிசா: 44.6°C
7. சுரேந்திரநகர், குஜராத்: 44.4°C
8. அகமதாபாத், குஜராத்: 43.8°C
9. நாக்பூர், மகாராஷ்டிரா: 44.2°C
10. இந்தூர், மத்தியப் பிரதேசம்: 42.2°C

நிபுணர்களின் கூற்றுப்படி, அளவிற்கதிகமான வெப்பநிலையைக் கொண்ட ஒரு உலகளாவிய மையமாக இந்தியா மாறி வருகிறது. உலகின் அதிக வெப்பம் மிகுந்த நகரங்களில் பல நகரங்கள் தற்போது இந்நாட்டிலேயே அமைந்துள்ளன. வரும் நாட்களில் வட, மத்திய மற்றும் கிழக்கு இந்தியாவின் பல பகுதிகளில் வெப்ப அலைச் சூழல் நீடிக்கக்கூடும் என்றும், வெப்பக் காற்றும் வெப்பம் மிகுந்த இரவுகளும் சேர்ந்து மக்களுக்கு மேலும் அசௌகரியத்தை ஏற்படுத்தும் என்றும் இந்திய வானிலை ஆய்வுத் துறை (IMD) எச்சரித்துள்ளது.

அதிகரித்து வரும் வெப்பநிலை மக்களின் அன்றாட வாழ்க்கையை எவ்வாறு பாதிக்கிறது?

வெப்பம் ஏற்கனவே மக்களின் இயல்பு வாழ்க்கையைப் பாதிக்கத் தொடங்கியுள்ளது. சில நகரங்களில் பள்ளிகள் கோடை விடுமுறையை முன்கூட்டியே அறிவித்துள்ளன, மேலும் மக்கள் மதிய நேரத்தில் வெளியில் செல்வதைத் தவிர்த்து வருகின்றனர். மக்கள் போதுமான அளவு நீர் அருந்தவும், நேரடி சூரிய ஒளியைத் தவிர்க்கவும், வெயிலால் ஏற்படும் நோய்களிலிருந்து தங்களைப் பாதுகாத்துக்கொள்ள முன்னெச்சரிக்கை நடவடிக்கைகளை மேற்கொள்ளவும் அதிகாரிகள் அறிவுறுத்தியுள்ளனர்.

வெப்ப அலையில் எச்சரிக்கையாக இருப்பது எப்படி?

வெப்பநிலை தீவிரமடைந்து வருவதால், நண்பகல் வேளையில் வெளியே செல்வதைத் தவிர்க்குமாறும், அடிக்கடி தண்ணீர் அருந்தி உடலை நீர்ச்சத்துடன் வைத்துக்கொள்ளுமாறும் அதிகாரிகள் அறிவுறுத்தியுள்ளனர். எடை குறைந்த, காற்றோட்டமான ஆடைகளை அணிவதுடன், வெயிலில் நீண்ட நேரம் வெளியிலிருப்பதைத் தவிர்க்குமாறும் அறிவுறுத்தப்பட்டுள்ளனர். குழந்தைகள் மற்றும் வயதானவர்கள் போன்ற எளிதில் பாதிக்கப்படக்கூடியவர்கள் கடும் வெயிலில் கூடுதல் கவனத்துடன் இருக்க வேண்டும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.