ஆண், பெண் மத்தியில் வேறுபடும் மாரடைப்பு அறிகுறிகள்!

நான்கில் ஒருவர்

நான்கில் ஒரு அமெரிக்கர் இதய நோய் பாதிப்புகள் மூலம் மரணமடைகின்றனர். ஒவ்வொரு வருடமும் 6,10,000 பேர் இதன் காரணமாய் உயிரிழக்கின்றனர் என அமெரிக்க நோய் பாதுகாப்பு மற்றும் தடுப்பு மையம் தகவல் தெரிவித்துள்ளது.

மூன்றில் இரண்டு

இதய நோய் பாதிப்பு ஏற்படும் மூன்றில் இரண்டு பெண்களுக்கு மேம்பட்ட அறிகுறிகள் தென்படாமலே இருதய அடைப்பு ஏற்பட்டு மரணமடைந்துவிடுகிறார்கள் என மருத்துவ நிபுணர்கள் தெரிவிக்கிறார்கள்.

இதய வலி

இந்த மூன்றில் இரண்டு பெண்களுக்கு இறக்கும் போது அதிகப்படியான நெஞ்சு வலியும், நெஞ்சை கசக்குவது போல அழுத்தமோ ஏற்படுவதில்லை எனவும் அவர்கள் தெரிவித்துள்ளனர்.

காரணம் என்ன?

உடற்கூறு ரீதியாக ஆண், பெண் ஹார்மோன்களில் நிறைய வேறுபாடுகள் இருக்கின்றன. இரத்த நாளங்கள் ஹார்மோன்களுக்கு ஏற்ப தான் பதிலளிக்கும். பெண்களுக்கு மாதவிடாய், கர்ப்பம் போன்ற சுழற்சி ஹார்மோன்களும் இருக்கின்றன.

இரத்த அழுத்தம்

பெண்களின் இந்த சுழற்சி முறை ஹார்மோன்களால் அவர்களுக்கு அதிகமாக இரத்த அழுத்தம் ஏற்படுகிறது. இதனால் பொதுவாகவே அவர்கள் அசௌகரியமாக உணர்கிறார்கள்.

வலிகள்

இந்த இரத்த அழுத்தத்தின் காரணமாக அவர்களுக்கு தாடை, தோள்பட்டை, கழுத்து போன்ற இடங்களில் வலிகள் ஏற்படுகின்றன என அனபெல்லா எனும் மருத்துவ பேராசிரியர் கூறியிருக்கிறார்.

தெளிவற்ற அறிகுறிகள்

மாதவிடாய் காலத்திலும் இதுப் போன்ற வலிகள் ஏற்படுவதால், இவை மாரடைப்பிற்கான அறிகுறிகள் என பெண்களுக்கு தெளிவற்று போககிறது. இதனாலேயே, பெண்கள் தொடக்க காலத்திலேயே இதய நலன் சீர்கேடு பற்றி அறியாமல் போகின்றனர். இதனால் தான் பெண்கள் மத்தியில் இதய நோய் சார்ந்த மரணம் அதிகரித்து வருகிறது.