காளான் சாப்பிட உங்களுக்கு ரொம்ப புடிக்குமா? இந்த விஷயங்களை அப்புறமா தெரிஞ்சிக்கிட்டு சாப்பிடுங்க...!

காளான்கள் பூஞ்சை ஒவ்வாமை கொண்ட சில நபர்களுக்கு சில பக்க விளைவுகளையும் ஏற்படுத்தக்கூடும், ஏனெனில் அவை பூஞ்சைக் குழுவைச் சேர்ந்தவை.

Updated: Tuesday, February 2, 2021, 17:30 [IST]

காளான்கள் என்றாலே நமக்கு நினைவிற்கு வருவது சுவையான உணவுகள்தான். அவை கலோரிகளில் குறைவாகவும், வைட்டமின்கள் மற்றும் தாதுக்கள் நிறைந்ததாகவும் உள்ளன. உலகெங்கிலும் உள்ள பல உணவுகளில் காளான்கள் அதன் சுவை மற்றும் அதிக ஊட்டச்சத்து உள்ளடக்கங்களுக்காக பயன்படுத்தப்படுகின்றன. ஆனால் பல நச்சு காளான் வகைகளும் உள்ளன, அவை உங்கள் ஆரோக்கியத்திற்கு கடுமையான ஆபத்துக்களை ஏற்படுத்துகின்றன.

Side Effects Of Mushrooms On Your Health

காளான்கள் அவற்றின் மருத்துவ குணங்கள் மற்றும் அவற்றில் உள்ள ஊட்டச்சத்துக்களுக்காக நுகரப்படுகின்றன. உண்ணக்கூடிய காளான்கள் பூஞ்சை ஒவ்வாமை கொண்ட சில நபர்களுக்கு சில பக்க விளைவுகளையும் ஏற்படுத்தக்கூடும், ஏனெனில் அவை பூஞ்சைக் குழுவைச் சேர்ந்தவை. எனவே ஒவ்வாமை இருந்தால் காளான் சாப்பிடுவதைத் தவிர்க்கவும். காளானால் ஏற்படக்கூடிய பக்க விளைவுகள் என்னென்ன என்று இந்த பதிவில் பார்க்கலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

சோர்வு

சிலருக்கு காளான் சாப்பிட்ட பிறகு சோர்வு ஏற்படலாம். அவர்கள் அசௌகரியம் மற்றும் பலவீனத்தை உணரலாம். இந்த பக்க விளைவு பெரும்பாலானவர்களுக்கு ஏற்படலாம். இவ்வாறு உணர்பவர்கள் அடிக்கடி காளான் சாப்பிடுவதைத் தவிர்க்கவும்.

வயிறு கோளாறுகள்

சில காளான்களின் பக்க விளைவுகளும் பலரிடையே வயிற்றுப் பிரச்சினைகளை உருவாக்குகின்றன. சிலருக்கு, காளான்களை சாப்பிடுவதால் வயிற்றுப்போக்கு ஒரு பிரச்சினையாக உள்ளது. இதனால் ஒருவர் வாந்தி, தசைப்பிடிப்பு மற்றும் குமட்டல் போன்ற பிரச்சினைகளுக்கு ஆளாகலாம்.

சரும அலர்ஜிகள்

காளான்கள் நோயெதிர்ப்பு சக்தியை வலிமையாக்குவதாக அறியப்படுகின்றன. சிலருக்கு காளான்கள் தோல் வெடிப்பு மற்றும் தோல் எரிச்சலையும் ஏற்படுத்துகின்றன. சிலர் மூக்கில் இரத்தப்போக்கு, உலர்ந்த மூக்கு மற்றும் வறண்ட தொண்டை மற்றும் அதிக அளவு எடுத்துக் கொள்ளும்போது பிற பிரச்சினைகளையும் அனுபவிக்கின்றனர்.

கூச்ச உணர்வு

காளான்களை 20 முதல் 30 நிமிடங்கள் உட்கொண்ட பிறகு, சிலர் மகிழ்ச்சியாகவும் உற்சாகமாகவும் இருக்கிறார்கள். பின்னர், உற்சாகமாக இருப்பது போன்ற உணர்வோடு, அவர்கள் முழு உடலிலும் ஒரு கூச்ச உணர்வை அனுபவிக்கிறார்கள். சிறிது நேரம் கழித்து மக்கள் மனச்சோர்வையும் அனுபவிக்கிறார்கள். வெகுசிலரே இந்த பக்கவிளைவுக்கு ஆளாகிறார்கள்.

கர்ப்ப காலத்தில் தவிர்ப்பது நல்லது

சில மருத்துவர்கள் தாய்ப்பால் மற்றும் கர்ப்ப காலத்தில் பெண்கள் காளான்களை உட்கொள்வதைத் தவிர்க்குமாறு பரிந்துரைக்கின்றனர். கடுமையான பக்க விளைவுகள் எதுவும் தெரிவிக்கப்படவில்லை என்றாலும், அவற்றைத் தவிர்ப்பதன் மூலம் பாதுகாப்பாக இருப்பது நல்லது.

தலைவலி

தலைவலியை ஏற்படுத்தும் சில மருந்துகள் மற்றும் பொருட்கள் உள்ளன, ஆனால் இது சிறிது நேரத்தில் குணமாகும். ஆனால் சிலர் காளான்களை உட்கொண்ட பிறகு, ஒரு நாளுக்கு மேல் இதுபோன்ற தலைவலியை அனுபவித்ததாக கூறியுள்ளனர்.

பதட்டம்

காளான்கள் சில நபர்களிடமும் பதட்டத்தை ஏற்படுத்துகின்றன, இது லேசானது முதல் தீவிர நிலை வரை இருக்கும். காளான்களை அதிக அளவுகளில் எடுத்துக் கொள்ளும்போது இந்த பக்க விளைவுகள் மோசமடைகின்றன.

மன நோய்

சில நபர்களுக்கு காளான்களால் ஏற்படும் மிக மோசமான பக்க விளைவு மன நோய். அபரிமிதமான பயம், பீதி தாக்குதல்கள் போன்ற மனநல கோளாறுகள் காளான்களை எடுத்துக் கொண்ட பிறகு அனுபவித்ததாக ஆய்வில் கூறியுள்ளனர்.

தலைச்சுற்றல்

சிலர் சில மணிநேர நுகர்வுக்குப் பிறகு கடுமையான தலைச்சுற்றல் இருப்பதாகவும் தெரிவித்துள்ளனர். காளான்கள் அதிக அளவு உட்கொள்ளும்போது குழப்பத்தையும் ஏற்படுத்துகின்றன. குறைந்த இரத்த அழுத்தம் உள்ளவர்கள் காளான் சாப்பிடும்போது மயக்கம் கூட ஏற்படலாம்.