பெண்களே! உடலுறவில் ஆர்வம் குறையுதா? இந்த உணவுகளை சாப்பிடுங்க.. படுக்கையில் சிறப்பா செயல்படுவீங்க...

நட்ஸ்

நட்ஸ்கள் பெண்களின் பாலியல் ஆசையை மட்டுமின்றி, ஆண்களின் பாலுணர்ச்சியையும் அதிகரிக்கும். நட்ஸில் உள்ள அமினோ அமிலமான எல்-அர்ஜினைன், உடலில் நைட்ரிக் ஆக்ஸைடு அளவை கணிசமாக அதிகரித்து, பிறப்புறுப்பில் இரத்த ஓட்டத்தை அதிகரித்து, உடலுறவில் சிறப்பாக ஈடுபட உதவுகிறது. எனவே பாலுணர்ச்சி அதிகரிக்க வேண்டுமானால் தினமும் ஒரு கையளவு முந்திரி, வால்நட்ஸ் மற்றும் பிஸ்தா போன்றவற்றை சாப்பிடுங்கள்.

அவகேடோ

அவகேடோ பழம் நல்ல சுவையான பழம் மட்டுமின்றி, பெண்களுக்கு பாலுணர்ச்சியை அதிகரிக்க உதவும் அற்புதமான பழமும் கூட. இந்த பழத்தில் உள்ள வைட்டமின் பி6 மற்றும் ஃபோலிக் அமிலம் பெண்களின் பாலுணர்ச்சியை மேம்படுத்தி, உடலுறவின் போது சிறப்பாக செயல்படத் தேவையான ஆற்றலையும் வழங்குகிறது. எனவே படுக்கையில் சிறப்பாக செயல்பட விரும்பினால் ஒரு டம்ளர் அவகேடோ மில்க் ஷேக்கைக் குடியுங்கள்.

டார்க் சாக்லேட்

பெண்கள் விரும்பி சாப்பிடும் ஒரு உணவுப் பொருள் தான் சாக்லேட். அதுவும் டார்க் சாக்லேட்டை உட்கொண்டால், அது உடலில் பாலுணர்ச்சியை அதிகரிக்கும் ஃபைனிலெதிலமைன் மற்றும் செரோடோனினை அதிகம் வெளியிடச் செய்கிறது. அதோடு டார்க் சாக்லேட்டில் ட்ரிப்டோபேன் வளமான அளவில் உள்ளது. இந்த ட்ரிப்டோபேன் தான் செரடோனினாக மாற்றப்பட்டு பாலுணர்ச்சியை மேம்படுத்தி, படுக்கையில் சிறப்பாக செயல்பட உதவுகிறது.

ப்ராக்கோலி

ப்ராக்கோலி ஆரோக்கியமான காய்கறி மட்டுமின்றி, பெண்களின் பாலுணர்ச்சியை அதிகரிக்கும் அற்புதமான காய்கறியும் கூட. இதில் உள்ள வைட்டமின் சி, பெண்களின் பாலுணர்ச்சியை அதிகரிப்பதுடன் இணைக்கப்பட்டுள்ளது மற்றும் இது பிறப்புறுப்புகளில் இரத்த ஓட்டத்தை அதிகரிக்கவும் செய்கின்றன. எனவே செக்ஸில் ஆர்வம் குறைந்த பெண்கள் ப்ராக்கோலியை சாப்பிட, அப்பிரச்சனையில் இருந்து விடுபடலாம்.

அத்திப்பழம்

உடலுறவில் ஆர்வம் குறைந்த பெண்கள், உலர்ந்த அத்திப்பழத்தை தினசரி உணவில் சேர்த்து வந்தால், பாலுணர்ச்சி அதிகரித்து, படுக்கையில் துணையுடன் சிறப்பாக செயல்பட முடியும். ஏனெனில் இந்த பழத்தில் பாலுணர்ச்சியை மேம்படுத்தும் அமினோ அமிலங்கள் உள்ளன. மேலும் இது கருவளத்தை மேம்படுத்தவும் உதவுகிறது. முக்கியமாக இந்த அத்திப்பழத்தை ஸ்நாக்ஸாக சாப்பிடலாம்.

வெந்தயம்

வெந்தயம் உடலில் ஹார்மோன் சமநிலையை உருவாக்குவதன் மூலமும், பாலுணர்ச்சியை அதிகரிப்பதன் மூலமும் பெண்களின் பாலியல் ஆரோக்கியத்தை மேம்படுத்துகிறது. கூடுதலாக, இது மாதவிடாய் கால பிடிப்புகளில் இந்து நிவாரணம் அளிக்கிறது மற்றும் தாய்ப்பால் உற்பத்தியை அதிகரிக்கிறது. இருப்பினும், அளவுக்கு அதிகமாக வெந்தயத்தை சாப்பிடுவதைத் தவிர்க்க வேண்டும். இல்லாவிட்டால் அது இரத்த சர்க்கரை அளவை குறைத்துவிடும் மற்றும் வயிற்றுப்போக்கு மற்றும் குமட்டலை உண்டாக்கும்.

குங்குமப்பூ

குங்குமப்பூ சருமத்தின் நிறத்தை அதிகரிக்க உதவும் ஒரு பொருளாக மட்டுமே நிறைய பேருக்கு தெரியும். ஆனால் குங்குமப்பூ பாலியல் ஆரோக்கியத்தை மேம்படுத்தும் மற்றும் பாலுணர்ச்சியை அதிகரிக்கும் ஒரு அற்புதமான பொருளாக குயெல்ஃப் பல்கலைக்கழகத்தின் ஆய்வில் தெரிய வந்துள்ளது. அதற்கு குங்குமப்பூவை துணையுடன் உடலுறவில் ஈடுபடுவதற்கு 15-20 நிமிடங்களுக்கு முன் பால் அல்லது நீரில் போட்டு கொதிக்க வைத்து குடிக்க வேண்டும்.