ஆண்களே! புரோஸ்டேட் புற்றுநோய் வரக்கூடாதா? அப்ப இந்த உணவுகளை அதிகம் சாப்பிடுங்க...

பீட்ரூட்

பீட்ரூட்டில் நைட்ரேட்டுகள் அதிகம் உள்ளன. இந்த நைட்ரேட்டுகள் உடலுக்கு ஸ்டாமினாவை வழங்குகிறது, இரத்த அழுத்தத்தைக் குறைக்கிறது, இதயத்தை பாதுகாக்கிறது. கூடுதலாக, இந்த பீட்ரூட்டில் பொட்டாசியம் அதிகம் உள்ளது. இந்த பொட்டாசியம் இரத்த அழுத்தத்தைக் கட்டுப்படுத்துகிறது மற்றும் அதிகப்படியான உப்பை வெளியேற்ற உதவுகிறது.

பூசணி விதைகள்

ஜிங்க் ஆண்களின் கருவளத்தை மேம்படுத்துவதோடு, புரோஸ்டேட் தொடர்பான பிரச்சனைகளை குறைப்பதாக ஆய்வுகள் கூறுகின்றன. புரோஸ்டேட் சுரப்பின் வழக்கமான செயல்பாட்டிற்கு போதுமான அளவு ஜிங்க் சத்து உடலில் இருக்க வேண்டும். இந்த ஜிங்க் பூசணி விதைகளில் அதிகம் உள்ளது. இது தவிர இந்த விதைகளில் நார்ச்சத்துக்களும் அதிகம் உள்ளன.

பெர்ரி பழங்கள்

பெர்ரி பழங்களில் ஆன்டி-ஆக்ஸிடன்ட்டுகள் அதிகம் உள்ளன. இவை உடலைத் தாக்கும் நோய்களை எதிர்த்துப் போராட உதவுகின்றன. குறிப்பாக ஸ்ட்ராப்பெர்ரி, ப்ளாக்பெர்ரி, ப்ளூபெர்ரி மற்றும் ராஸ்ப்பெர்ரி போன்றவற்றில் வைட்டமின் சி அதிகம் உள்ளன. இது சிறுநீர் கழிப்பது மற்றும் வீக்கத்தைக் கட்டுப்படுத்துவதன் மூலம், தீங்கற்ற புரோஸ்டேடிக் ஹைப்பர் பிளேசியாவின் அறிகுறிகளைக் குறைக்க உதவுகிறது.

கொழுப்புள்ள மீன்கள்

கொழுப்புள்ள மீன்களான டூனா, சால்மன் போன்றவற்றில் ஒமேகா-3 கொழுப்பு அமிலங்கள் உள்ளன. இந்த கொழுப்பு அமிலங்கள் புரோஸ்டேட் ஆரோக்கியத்தை மேம்படுத்த அவசியமான சத்தாகும். கொழுப்புள்ள மீன்களில் உடலினுள் உள்ள வீக்கத்தைக் குறைக்கும் நல்ல கொழுப்புக்கள் மற்றும் ஒமேகா-3 கொழுப்பு அமிலங்கள் ஏராளமான அளவில் உள்ளன.

முட்டைகள்

ஆண்களின் வயது அதிகரிக்கும் போது, அவர்களின் தசைகளின் அடர்த்தியும் குறையும். முட்டைகளில் புரோட்டீன் ஏராளமான அளவில் உள்ளன. இந்த புரோட்டீன்கள் தசைகளின் அடர்த்தியை தக்க வைக்கும். இது தவிர இதில் வைட்டமின் டி மற்றும் ஒமேகா-3 கொழுப்பு அமிலங்களும் உள்ளன. இந்த புரோட்டீனில் தான் கோலைனின் மூலமாகும். இது வயிற்றில் கொழுப்புக்கள் தேங்குவதை ஊக்குவிக்கும் மரபணுக்களை ஒழுங்குபடுத்த உதவுகிறது.

சோயா

சோயா உணவுகள் புரோஸ்டேட் புற்றுநோயின் அபாயத்தைக் குறைக்க உதவுவதாக தெரிய வந்துள்ளது. சோயாவில் காணப்படும் ஐசோஃப்ளேவோன்கள் புற்றுநோயின் அபாயத்தைக் குறைக்கலாம் என்று சமீபத்திய ஆய்வுகள் கூறுகின்றன. எனவே சோயா பொருட்களை உணவில் அடிக்கடி சேர்ப்பதன் மூலம் புரோஸ்டேட் புற்றுநோயின் அபாயத்தைக் குறைக்கலாம்.

குறிப்பு: வயது அதிகரிக்கும் போது புரோஸ்டேட் புற்றுநோயின் அபாயம் இருப்பதால், 40 வயதிற்கு மேல் ஆண்கள் வழக்கமான உடல் பரிசோதனையை செய்வதோடு, மது அருந்துவது, புகைப்பிடிப்பதை நிறுத்திவிட்டு, ஆரோக்கியமான வாழ்க்கை முறையை மேற்கொள்ள ஆரம்பித்தால், புரோஸ்டேட் புற்றுநோயின் அபாயத்தைக் குறைக்கலாம்.