ஆண்களே! நீங்க எப்பவும் சோர்வா இருக்கீங்களா? அப்படின்னா இந்த உணவுகளை அதிகமா சாப்பிடுங்க...

வாழைப்பழம்

வாழைப்பழம் உடலுக்கு உடனடி ஆற்றலை வழங்கும் அற்புதமான பழம். மேலும் இதில் வைட்டமின் பி6, பொட்டாசியம், கார்போஹைட்ரேட் போன்ற சத்துக்கள் வளமான அளவில் உள்ளன. எனவே மிகுந்த களைப்பை சந்திப்போர் தினமும் வாழைப்பழத்தை சாப்பிடுவது நல்லது. அதுவும் வாழைப்பழத்தைக் கொண்டு மில்க் ஷேக் தயாரித்து குடித்தால், இன்னும் சிறப்பான பலன் கிடைக்கும்.

தேன்

டெஸ்டோஸ்டிரோன் அளவு குறைவால் உடல் சோர்வை சந்திக்கும் ஆண்கள், டெஸ்டோஸ்டிரோன் அளவை அதிகரிக்கவும், உடலின் ஆற்றலை மேம்படுத்தவும் தேனை தினமும் சாப்பிடுவது நல்லது. ஏனெனில் தேனில் போரான் உள்ளது. இது டெஸ்டோஸ்டிரோன் அளவை மேம்படுத்த உதவுவதோடு, எலும்புகள் மற்றும் தசைகளை வலுவாக்கவும் உதவுகிறது.

கொழுப்புள்ள மீன்

உடல் சோர்வை சந்திப்பவர்கள் தங்களின் உணவில் மீனை சேர்ப்பது நல்லது. மீனில் வைட்டமின் பி12 மற்றும் ஒமேகா-3 கொழுப்பு அமிலங்கள் உள்ளன. அதோடு, மீனில் உள்ள ஃபோலிக் அமிலம், வைட்டமின் பி12 உடன் இணைந்து, உடலில் இரும்புச்சத்து செய்யும் வேலையை மேம்படுத்துகிறது. மறுபுறம், அதில் உள்ள ஒமேகா-3 கொழுப்பு அமிலங்கள் உடல் சோர்வை ஏற்படுத்தும் உடலினுள் உள்ள வீக்கத்தை கணிசமாக குறைக்கிறது. எனவே சால்மன், டுனா போன்ற கொழுப்பு நிறைந்த மீன்களை அடிக்கடி உணவில் சேர்த்து வாருங்கள்.

பாதாம்

பாதாமில் பயோடின் உள்ளது. இது தான் வைட்டமின் பி3 சத்தாகும். இந்த வைட்டமின் உடலின் மெட்டபாலிசத்தை அதிகரிக்க உதவுகிறது. இது உணவில் இருந்து ஆற்றலை உருவாக்க அவசியமான ஒன்றாகும். எனவே உடல் சோர்வை போக்க தினமும் ஒரு கையளவு பாதாமை சாப்பிடுங்கள்.

பூண்டு

பூண்டில் உள்ள அல்லிசின் என்னும் பொருள், ஒருவரது கார்டிசோல் அளவைக் குறைக்கும் திறனைக் கொண்டது. இந்த கார்டிசோலை சுரக்கும் சுரப்பி தான் டெஸ்டோஸ்டிரோனை உற்பத்தி செய்கிறது. எனவே ஒருவர் மன அழுத்தமாக இருக்கும் போது, அது டெஸ்டோஸ்டிரோன் உற்பத்தி உட்பட உடலின் பிற செயல்பாடுகளையும் மோசமாக பாதித்து, உடல் சோர்வை உண்டாக்குகின்றன. ஆனால் பூண்டை உணவில் அதிகம் சேர்ப்பதன் மூலம், உடலில் டெஸ்டோஸ்டிரோன் அளவு மற்றும் மெட்டபாலிச அளவு சீராக இருக்கும்.

ஓட்ஸ்

ஓட்ஸில் நார்ச்சத்து, புரோட்டீன் மற்றும் கால்சியம் போன்றவை அதிகம் உள்ளன. இவை அனைத்தும் உடலின் ஆற்றல் அளவை மேம்படுத்த அவசியமான சத்துக்களாகும். இன்னும் சிறப்பான பலன்களைப் பெற ஓட்ஸை தயிருடன் அல்லது பாலுடன் சேர்த்து சாப்பிடலாம். இது உடலுக்கு ஆற்றலைத் தருவதோடு மட்டுமின்றி, நீண்ட நேரம் வயிற்றை நிரப்பி வைத்திருக்கும்.

முட்டை

ஆண்கள் தினமும் முட்டையை தங்களின் உணவில் சேர்த்து வந்தால், உடலுக்கு வேண்டிய புரோட்டீன் கிடைப்பதோடு, அத்தியாவசிய சத்துக்களும் கிடைத்து, உடல் ஆற்றலுடன் இருக்கும். எனவே உடல் சோர்வை சந்திக்கும் ஆண்கள் முட்டையை தினமும் உட்கொள்ள அறிவுறுத்தப்படுகிறது.