நீங்கள் அடிக்கடி சாப்பிடும் இந்த காய் உங்களுக்கு தைராய்டு பிரச்சினையை ஏற்படுத்தும் தெரியுமா?

வாயுக்கோளாறு

முட்டைகோஸால் வாயுக்கோளாறு ஏற்படும் எனது பலரும் அறியாத ஒரு தகவலாகும். ஆனால் அதுதான் உண்மை. ப்ரோக்கோலி, காலிப்ளவர், பீன்ஸ் போன்ற உணவுகளை போலவே முட்டைகோஸும் உங்கள் சிறுகுடலில் உள்ள என்சைம்களால் எளிதில் செரிக்கக்கூடிய காய் அல்ல. அவை உங்கள் பெருங்குடலை அடைந்தவுடன் அவற்றின் மீது ஏற்படும் பாக்டீரியா தாக்குதல் வாயுவை உண்டாக்கும். உங்கள் வயிற்றில் வீக்கமோ அல்லது அடிக்கடி வாயுவெளியேறும் பிரச்சினையோ இருந்தால் அதற்கு காரணம் முட்டைக்கோஸாகத்தான் இருக்கும். இந்த கையை சாப்பிடாமல் தவிர்ப்பதே இதிலிருந்து தப்பிக்க ஒரே வழியாகும்.

தைராய்டு பிரச்சினை

அதிகளவு முட்டைகோஸ் சாப்பிடுவது உங்கள் தைராய்டு சுரப்பியின் இயல்பான செயல்பாட்டில் தலையிடக்கூடும். இதற்கு காரணம் முட்டைகோஸ் உங்கள் தைராய்டு சுரப்பி போதுமான அளவு அயோடின் சத்தை எடுத்துக்கொள்ள விடாமல் தடுக்கிறது. அப்படி இருக்கும்போது அதிகளவு முட்டைகோஸ் சாப்பிடுவது உங்களுக்கு அயோடின் பற்றாக்குறையை ஏற்படுத்தும், இதனால் உங்களுக்கு ஹைப்போதைராய்டு ஏற்பட அதிக வாய்ப்புள்ளது. இதனை எப்போதாவது சாப்பிடுவது பாதிப்பை ஏற்படுத்தாது ஆனால் அதிகம் சாப்பிடுவதை தவிர்க்கவும். குறிப்பாக காலிப்ளவர், கீரை, பருப்புகள், ப்ரோக்கோலி போன்ற உணவுகள் சாப்பிடும்போது இதனை சாப்பிடுவதை தவிர்ப்பது நல்லது. ஏனெனில் இது தைராய்டு சுரப்பியில் பிரச்சினையை ஏற்படுத்தும்.

வயிற்றுப்போக்கு

செரிமான மண்டல கோளாறுகள் மற்றும் வயிற்றெரிச்சல் போன்ற பிரச்சினைகள் இருப்பவர்கள் முட்டைகோஸ் சாப்பிடுவதை தவிர்ப்பது நல்லது. இதற்கு காரணம் இதிலுள்ள ரெபினோஸ் என்னும் பொருளாகும், இது எளிதில் செரிக்காது. முட்டைகோஸில் அதிகளவு எளிதில் கரையாத நார்ச்சத்துக்கள் உள்ளது, 100 கிராம் முட்டைகோஸில் 2.5 கிராம் நார்ச்சத்துக்கள் உள்ளது. பொதுவாக நார்ச்சத்துக்கள் உங்கள் செரிமான மண்டலத்திற்கு அதிக நன்மைகளை வழங்கக்கூடியது, ஆனால் அதிகளவு நார்ச்சத்து நிச்சயம் பிரச்சினைதான்.

இரத்த சர்க்கரை அளவை குறைப்பது

இரத்த சர்க்கரை அளவை கட்டுப்படுத்த வேண்டும் என்னும்போது முட்டைகோஸ் எவ்வளவு நன்மைகளை வழங்குகிறதோ அதே அளவு தீங்கையும் ஏற்படுத்தக்கூடியது. இரத்தத்தில் இருக்கும் குளுக்கோஸ் அளவை குறைக்கும் தன்மை இருப்பதால், அதிகமாக சாப்பிடும்போது அது இரத்தத்தில் உள்ள சர்க்கரையின் அளவை மிகவும் குறைக்கக்கூடும். நீங்கள் எச்சரிக்கையாக இல்லையென்றால் இது ஹைபோக்லேசமியா குறைபாட்டை ஏற்படுத்தக்கூடும்.

குழந்தைகளுக்கு ஏற்றதல்ல

பெரியவர்களுக்கு முட்டைகோஸ் எப்படி வீக்கத்தையும், வாயுக்கோளாறையும் ஏற்படுத்துகிறது என்பதை முன்னரே பார்த்தோம். நீங்கள் பாலூட்டும் தாயாக இருந்தால் நீங்கள் சாப்பிடும் உணவுகள் உங்கள் குழந்தையின் மீதும் பாதிப்பை ஏற்படுத்தும். பொதுவாகவே குறிப்பிட்ட காலம் வரை குழந்தைக்கு பாதிப்பை ஏற்படுத்தும் உணவுகளிடம் இருந்து விலகி இருக்க வேண்டும் என்று அம்மாக்களுக்கு பரிந்துரைக்கப்படுகிறது. நீங்கள் இரவு நேரத்தில் முட்டைகோஸ் சாப்பிட்டால் அது குழந்தைகளை இரவு முழுவதும் அழவைக்கும்.

மருந்துகள் மீது குறுக்கீடு

இரத்தத்தை உறையவைக்க வைட்டமின் கே என்பது அத்தியாவசியமான ஊட்டச்சத்தாகும். முட்டைகோஸில் உள்ள வைட்டமின் கே இதற்கு சிறந்த தேர்வாக உள்ளது ஆனால் அதேசமயம் இரத்தம் உறைய சில மருந்துகள் எடுத்துக்கொள்பவர்கள் இதனை தவிர்ப்பது நல்லது. ஒரு கப் முட்டைகோஸில் 53 மைக்ரோகிராம் வைட்டமின் கே உள்ளது. ஊட்டச்சத்து நிபுனர்களின் கூற்றுப்படி ஆண்கள் ஒருநாளைக்கு 120 மைக்ரோகிராமும், பெண்கள் ஒரு நாளைக்கு 87 மைக்ரோகிராம் வைட்டமின் கே எடுத்துக்கொள்ள வேண்டும். இந்த அளவு அதிகரிக்கும்போது அது பல பக்கவிளைவுகளை ஏற்படுத்தும்.