சணல்ல கயிறு திரிச்சு பாத்திருப்பீங்க!! சாப்பிட்டு பாத்திருக்கீங்களா? இதப் படிச்சா சாப்பிட செய்வீங்க!

இதய நோய்களை துரத்தும் :

நீங்கள் ஒமேகா-3 கொழுப்பு அமிலம் பற்றி கேள்விப்பட்டிருப்பீர்கள். ஒமேகா-3 மற்றும் ஒமேகா-6 என இரு நல்ல கொழுப்புகளும் சமமாம அமையப் பெற்ற ஒரே தாவரம் சணல் விதைதான். ஆத்ரோஸ்கெலரோஸிஸ், மாரடைப்பு, பக்கவாதம் போன்றவற்றை தடுக்கின்றன.

ஜீரண மண்டலம் :

உடலுக்கு மிகவும் தேவையான மிகச் சிறந்த நார்சத்தைப் பெற்றுள்ளது. இதிலுள்ள நார்சத்து மலச்சிக்கலை குணப்படுத்தும். அதுபோல் பைல் அமிலத்தை சுரக்கச் செய்வதால் உடலுக்கு தீங்குவிளைவிக்கும் LDL கொழுப்பை குறைக்கிறது.

தூக்கமின்மை :

இன்றைய காலத்தில் தூக்கமின்மை என்ற பெரிய வியாதியால் பலரும் பாதிக்கப்பட்டிருக்கிறார்கள். சணல் விதைகளிலுள்ள மெக்னீசியம் தூக்க ஹார்மோனான மெலடோனினை சுரக்க உதவி செய்கிறது. இதனால் தூக்கம் இல்லாமல் அவதிப்படுபவர்களுக்கு அருமையான மருந்தாகவும் சணல் விதைகள் பயன்படுகிறது.

ரத்த சோகை :

சணல் விதைகளில் அதிக இரும்புச் சத்து உள்லது,. ரத்த சோகைக்கு மிக முக்கிய காரணமான இரும்புச் சத்து குறைப்பாட்டை சணல் விதைகளை சாப்பிடுவதன் மூலம் நிவர்த்தி செய்யலாம்.

உடல் எடை :

சணல் விதைகள் முழுவதும் புரதத்தால் ஆனது. அதுபோல் குறைந்த சோடியம் கொண்டது. உடலுக்கு தேவையான அமினோ அமிலங்கள் இருப்பதான் கொழுப்பு உறிஞ்சபடாமல் தடுக்கப்படுகிறது, கொழுப்பு கரைக்கப்பட்டு உடல் பருமன் ஏற்படாதவாறு காக்கிறது.

தசை வலிமை :

6 பேக், ஜிம் பாடி மெயின்டெயின் பண்ண வேண்டும் என்று நினைப்பவர்களுக்கு எல்லாம் சணல் விதைகள் வரப்பிரசாதம். இது உடலில் தசைகளுக்கு வேகமாக வலிமை சேர்க்கிறது. தசைகளுக்கு தேவையான புதிய திசு வளர்ச்சியை உண்டாக்குவதால் வேகமாக தசைக் கட்டுகள் உருவாகின்றன.

புற்று நோய் :

சணல் விதை மற்றும் எண்ணெயில் நிறைய ஃபீனாலிக் அமிலம் இருப்பதால் அவை ஃப்ரீ ரேடிகல்ஸை அழித்து பலவித புற்று நோய்களிலிருந்து நம்மை காக்கின்றன.