தீபிகா படுகோன் இப்படி சிக்குனு இருக்கறதுக்கு இந்த மேட்டரு தான் காரணமாம்...

உடற்பயிற்சியாளர்கள் பாராட்டு

சமீபத்தில், பிரபல உடற்பயிற்சி பயிற்சியாளரான யாஸ்மின் கராச்சிவாலா, இன்ஸ்டாகிராமில் ஒரு வீடியோவைப் பகிர்ந்தார், அதில் தீபிகா படுகோனாவைச் பற்றி" உங்கள் முதுகெலும்பை அழகாக வளைக்கிறீர்கள், இதுவே உங்களை என்றென்றும் இளமையாக வைத்திருக்கும்" என்று அவர் கூறியுள்ளார். ஜோசப் பைலேட்ஸ் அவர்களும் # நீங்கள் ஒரு உற்சாகமான நபர், இந்த லகுவான முதுகெலும்பு வளைவே நீங்கள் என்றும் இளமையாக இருக்க உதவும் "என்று வாழ்த்தியுள்ளார்.

இன்ஸ்ட்டாகிராம் வீடியோ

இந்த வீடியோவில் இளம் குயின் தீபிகா படுகோனா காடிலாக் மீது நின்று பைலேட் பிரிட்ஜ் உடற்பயிற்சியை எளிதாக செய்வதை காணலாம். இந்த பைலேட் பிரிட்ஜ் உடற்பயிற்சி செய்யும் போது முதுகெலும்பு இயக்கம் மேம்படுத்தப்படுகிறது, கோர் மற்றும் பிட்ட தசைகள் வலுவடைகின்றன. அதுமட்டுமல்லாமல் இடுப்பு நெகிழ்வுகளையும், முன் உடல் பாகத்தையும் பலப்படுத்துகின்றன. பின்பக்க பாகங்களுக்கு வலிமையை கொடுக்கிறது. அதாவது முதுகெலும்பு, தொடை எலும்புகள் மற்றும் குளூட்ஸ் போன்ற பகுதிகளில் உள்ள தசைகளை தூண்டி தளர்வுறச் செய்கிறது. இதன் மூலம் உடம்பு எளிதாக ரிலாக்ஸ் அடையும்.

முதுகெலும்பு

நமது உடல் வலுவாக ஆரோக்கியமாக இருக்க வேண்டும் என்றால் முதுகெலும்பு முக்கியம். நிலையான நெகிழ்வான முதுகெலும்பே சிறந்தது. நகரும் இந்த செயல்பாடுகள் முதுகெலும்புகளில் ஏற்படும் காயங்கள், முதுகெலும்பில் ஏற்படும் பிரச்சினைகளை சரி செய்கிறது. ஒட்டுமொத்தமாக இந்த பிரிட்ஜ் உடற்பயிற்சி ஒரே நேரத்தில் உடலை தளர்த்துகிறது, பலப்படுத்துகிறது, உறுதிப்படுத்துகிறது மற்றும் ஒருங்கிணைக்கிறது . இந்த உடற்பயிற்சியை உங்கள் உடம்பு வாகிற்கு ஏற்றவாறு கூட நீங்கள் மாற்றி அமைக்க முடியும். .

பைலேட் பிரிட்ஜ் உடற்பயிற்சி

உங்களது பின் பகுதி தரையை நோக்கி இருக்க வேண்டும், இரண்டு கைகளையும் பக்கவாட்டில் வைத்துக் கொள்ளுங்கள். முழங்கால்களை மடக்கி கொள்ளுங்கள், பாதங்கள் தரையில் பட வேண்டும். அடிவயிற்று மற்றும் பிட்ட தசைகளை இறுகச் செய்ய வேண்டும். மெதுவாக உங்கள் இடுப்பை உயர்த்தி, முழங்காலையும், தோள்பட்டையும் நேராக ஒரே கோட்டில் வைக்க வேண்டும். கோர் மற்றும் தொப்புளை முதுகெலும்பை நோக்கி இழுக்க வேண்டும். இதே நிலையில் 20-30 விநாடிகள் இருந்து விட்டு பிறகு பழைய நிலைக்கு வாருங்கள். இதை 10 தடவை செய்து வாருங்கள்.

நீங்களும் தீபிகா படுகோனா மாதிரி கட்டுடல் மேனியுடன் வலம் வரலாம்.

குறிப்பு

எந்தவொரு உடற்பயிற்சியையும் செய்வதற்கு முன் உங்கள் மருத்துவரிடம் ஆலோசனை பெற்றுக் கொள்வது நல்லது.