உடல் எடையை உடனே குறைக்க எளிய வழி இந்த தேங்காய் வினிகர் தான்! எப்படினு தெரிஞ்சிக்கோங்க!

தேங்காய் வினிகர்

இது வரை இப்படி ஒரு வினிகரை கேள்விபட்டிருக்க மாட்டீர்கள். ஆனால் இந்த வினிகர் தான் உங்களது பல பிரச்சினைகளுக்கு தீர்வை தர கூடும்.

இதில் உள்ள அற்புத திறன் தான் உடல் எடையை குறைக்க உதவுகிறது. இதை உணவில் சிறிதளவு சேர்த்து சாப்பிட்டு வந்தாலே முழு உடலுக்கு நன்மை கிடைக்கும்.

செரிமான கோளாறுகள்

உடல் எடை கூடுவதற்கு செரிமான கோளாறுகளும் ஒரு முக்கிய காரணம். தேங்காய் வினிகரின் தன்மை உணவை மிக விரைவிலே செரிமானம் அடைய செய்து விடும். ஆதலால், உடல் எடை கூடும் பிரச்சினையில் இருந்து உங்களை காத்து கொள்ளலாம்.

உடல் எடை

தேங்காய் வினிகரை உணவில் சேர்த்து கொள்வதால் பசியை அதிகரிக்காமல் பார்த்து கொள்ளும். மேலும், அடிக்கடி சாப்பிட்டு கொண்டே இருக்க வேண்டும் என்கிற எண்ணத்தை இது தடுத்து விடும். கூடவே எதிர்ப்பு சக்தியையும் இது அதிகரிக்கும்.

இரத்த அழுத்தம்

பொட்டாசியம் போன்ற தாதுக்கள் இதில் அதிக அளவில் இருப்பதால் இரத்த அழுத்தத்தை சீரான அளவில் வைத்து கொள்ளும். மேலும், இதய ஆரோக்கியத்தை அதிகரிக்க தேங்காய் வினிகர் உதவும். இரத்தத்தில் உள்ள கொழுப்பை குறைக்கவும் இந்த வினிகர் பயன்படும்.

சர்க்கரை அளவு

தேங்காய் வினிகரில் உள்ள அசிட்டிக் அமிலம் இரத்தத்தில் உள்ள சர்க்கரையின் அளவை குறைக்க உதவும். மேலும், இன்சுலின் உற்பத்தியை அதிகரிக்கவும் இந்த தேங்காய் வினிகர் உதவுகிறது. உணவில் இதை சேர்த்து சமைத்து சாப்பிட்டு வந்தாலே போதும்.

தேவையான பொருட்கள்

தேங்காய் வினிகரை வீட்டிலே தயார் செய்ய சில பொருட்களை முதலில் எடுத்து கொள்வோம்.

வினிகர் 1 டேபிள்ஸ்பூன்

1/4 கப் சர்க்கரை

தேங்காய் நீர் 1 லிட்டர்

தயாரிப்பு முறை

முதலில் தேங்காய் நீரை ஒரு பாத்திரத்தில் ஊற்றி சர்க்கரை சேர்த்து சூடு செய்யவும். நன்றாக கலக்கி சர்க்கரை கரைந்த பின்னர் அதை இறக்கி ஆற விடவும்.

குளிர்ந்த பிறகு இதனை கண்ணாடி ஜாரில் மாற்றி கொள்ளவும்.அடுத்து இதனை 1 வாரத்திற்கு சூரிய ஒளி படாத இடத்தில் வைக்கவும்.

தயாரிப்பு முறை

அதன் பின் இதனுடன் வினிகர் சேர்த்து நன்றாக கலக்கி கொள்ளவும். இதனை 4 முதல் 12 வாரங்கள் அப்படியே வைத்து விட்டு அதன் பின்னர் பயன்படுத்தலாம். சமைக்கும் உணவில் இதை தண்ணீருடன் கலந்து சாப்பிடலாம்.

இது ஒவ்வொருவர் உணவிற்கும் மாறுபடும். மேலும், அதிக உடல் பருமன் கொண்டோர் தங்களது மருத்துவரை அணுகுவது நல்லது.