உடல் எடை குறைப்புக்கான உணவுப் பழக்கத்தைக் கடைப்பிடிப்பது எப்படி...?

ஊக்கமளிக்கும் பேச்சு

உங்களுக்கு ஊக்கமளிக்க வெளியில் இருந்து யாரும் குருநாதர் தேவையில்லை. உங்களுக்கு நீங்களே ஏன் ஊக்கமளிக்க கூடாது? உங்களை பற்றி உங்களுக்கு பிடித்த அனைத்தையும், மாற வேண்டிய அனைத்தையும், உங்களுக்கு நீங்களே சொல்லுங்கள் அல்லது ஒரு பேப்பரில் எழுதுங்கள். உங்கள் குறிக்கோள்கள் எழுதுங்கள். இல்லையென்றால் அதனை உரக்க கூறுங்கள். நேர்மறையான வார்த்தைகளால் உங்களை நீங்களே ஊக்கமளியுங்கள். கேட்பதற்கு சிறுபிள்ளை தனமாக இருந்தாலும் கூட, நாளடைவில் இது நல்ல பயனை அளிக்கும்.

வலைதளங்களின் உதவி

பல சமுதாய வலைத்தளங்களில், உடல் எடை குறைப்புக்கான சமுதாயங்கள் உள்ளது. இந்த அனைத்து தளங்களிலும் ஒரே பிரச்சனையைப் பற்றி தான் அலசுகிறார்கள். அது ஊக்கமளிக்கும் வகையில் கூட சில நேரம் இருப்பதில்லை. அவர்களின் உதவியையும் நீங்கள் நாடிடலாம். உங்கள் பிரச்சனைகளை பேசுங்கள், அவர்களின் பிரச்சனைகளையும் கேளுங்கள். அவர்களும் நீங்களும் ஒரே இலக்கை நோக்கி பயணிப்பதால், இணையதளம் மூலம் அறிமுகமாகும் இவ்வகை நண்பர்களால் ஒருவருக்கு ஒருவர் ஊக்கமளித்து நன்மையை பெறலாம். சின்ன சின்ன சாதனைகளை கூட அவர்களிடம் பகிர்ந்து கொள்ளலாம். அவர்களின் ஊக்கம் உங்களை இன்னும் சாதிக்க வைக்கும்.

உங்கள் சாதனைகளை நீங்களே பாராட்டுங்கள்

உங்கள் சாதனைகளை நீங்களே பாராட்டுவது எப்போதும் நல்லது. அது உங்கள் தன்னம்பிக்கையை உயர்த்தியே வைக்கும். நீங்கள் விதித்த அந்த இலக்கை அடைந்து விட்டீர்கள் என்றால், அந்த சாதனை தேதியை பொன்னால் பொறிக்கப்பட்டால் எப்படி இருக்கும்? உங்கள் இலக்கை அடையும் போதெல்லாம், உங்கள் முதுகில் நீங்களே தட்டி கொடுத்து, உங்களை நீங்களே பாராட்டி கொள்ளுங்கள்.

சின்ன சின்ன சவால்கள்

சவால்கள் நிறைந்த இந்த உலகை நாம் வெல்ல வேண்டாமா? நீங்கள் உடல் எடை குறைப்புக்கான இலக்கை நோக்கி பயணிக்கும் அதே பாதையில் வேறு யாராவதும் பயணிப்பார்கள். அவர்களுடன் சேர்ந்து ஏன் ஒரு சவாலை ஏற்றுக் கொள்ளக் கூடாது? ஒரு வாரத்திற்கான டயட் திட்டத்தில் ஒருவருக்கொருவர் சவாலிட்டு கொள்ளலாம். இதனால் எப்போதும் பிரகாசத்துடனும் ஊக்கத்துடனும் செயல்படுவீர்கள்.

உங்கள் செல்லப்பிராணிகளே உங்கள் துணை

உங்கள் செல்லப்பிராணிகளை நடை கொடுக்க அழைத்து சென்றால் அது உங்களை கண்டிப்பாக ஊக்கமளிக்கும். செல்லப்பிராணிகள் சவாலானவர்கள். அவர்கள் உடற்பயிற்சி அல்லது நடைபயிற்சியை தொடங்கி விட்டால், நீங்கள் உடற்பயிற்சி செய்ய தானாகவே ஊக்கமளிக்கப்படுவீர்கள். அதனால் உங்களுக்கு ஊக்கமளிப்பதில் சிறந்த துணையாக உங்கள் செல்லப்பிராணிகள் விளங்கும்.

சொந்த பந்தங்களின் வருகையும் நன்மையை தரும்

நீங்கள் உடல் எடை குறைப்புக்கான டயட் திட்டத்தை கடைப்பிடிப்பதை போலவே உங்கள் குடும்ப உறுப்பினர் அல்லது உறவினர் யாரேனும் அதை கடைப்பிடிக்கலாம் அல்லவா? அவர்களை வாரம் ஒரு முறை உங்கள் வீட்டிற்கு அழைத்து தற்போதைய முன்னேற்றத்தை கேட்டு தெரிந்து கொள்ளுங்கள். உங்கள் நிலையையும் அவர்களிடம் பகிர்ந்து கொள்ளலாம். இப்படி வாரம் ஒரு முறை அவர்களை வர வைப்பதால், நீங்கள் ஆரோக்கியத்துடன் இருக்கலாம்.

உங்கள் இலக்கை பதிவு செய்யுங்கள்

உங்கள் இலக்குகள் அனைத்தையும் பதிவு செய்யுங்கள். அதனை ஏன் அடைய முடியவில்லை, உங்கள் பலவீனம் என்ன, எப்படி அதனை சாதித்தீர்கள், நல்லது கெட்டது என அனைத்தையும் எழுதுங்கள். அப்படி அதனை ஒரு பதிவாக எழுதும் போது, அது உங்களுக்கு ஊக்கமளித்து கடினமான உங்கள் இலக்கை அடைய உதவும்.