சர்க்கரை நோய் உள்ள ஆண்கள் தங்களின் பாலியல் வாழ்க்கையை பாதுகாக்க என்ன செய்யணும் தெரியுமா?

உடலுறவுக்கு முன் உங்கள் சர்க்கரை அளவை பரிசோதித்து கொள்ளுங்கள்

உடலுறவு இன்சுலின் போல செயல்படலாம், இது உங்கள் இரத்த சர்க்கரையை குறைக்கிறது, எனவே உடலுறவுக்கு முன் உங்கள் இரத்த சர்க்கரையை சோதனை செய்து கொள்வது நல்லது. உங்கள் சர்க்கரை அளவு குறைவாக இருந்தால் உங்கள் இன்சுலின் அளவை சரிசெய்ய வேண்டும், உடலுறவுக்கு முன்னரோ அல்லது பின்னரோ ஏதாவது சாப்பிட வேண்டும். இது உங்களை ஹைப்போகிளைசெமிக் நிலைக்கு செல்வதைத் தவிர்க்கும்.

மது அருந்துதல்

மது அருந்திய பிறகு தாம்பத்யத்தில் ஈடுபடும் போது எச்சரிக்கையாக இருக்க வேண்டும். மது மற்றும் உடலுறவு இரண்டும் இரத்தத்தின் சர்க்கரை அளவை வேகமாக குறைக்கும். எனவே இரண்டையும் இணைப்பது இரத்த சர்க்கரையின் அளவில் ஆபத்தான வீழ்ச்சியை ஏற்படுத்தும். எனவே மது அருந்திவிட்டு தாம்பத்யத்தில் ஈடுபடும் போது உங்கள் குளுக்கோஸ் அளவை கவனியுங்கள்.

நரம்புக் கோளாறுகள்

இது மிகவும் அரிதானது சர்க்கரை நோய் சில சமயம் நரம்புக் கோளாறுகள் மற்றும் பிறப்புறுப்பில் உணர்திறன் இழப்பு போன்ற கோளாறுகளை ஏற்படுத்தும். சரியான இடங்களில் கூடுதல் மென்மையான தொடுதலுடன் இதை ஈடுசெய்யலாம்.

உடற்பயிற்சிகள்

உங்களை உடற்பயிற்சி செய்ய தூண்டுவதற்கு இந்த ஒரு காரணம் போதும். ஏனெனில் இது உங்கள் பாலியல் செயல்திறனை தூண்டும். உடற்பயிற்சி இரத்த ஓட்டத்தை மேம்படுத்துகிறது, இது பிறப்புறுப்பின் செயல்பாடு மற்றும் உணர்திறனை மேம்படுத்தும். குறைவான உடலுறவு கொண்ட ஆண்கள் மற்றும் பெண்கள் இருவரும் வழக்கமான உடற்பயிற்சியால் பயனடைவார்கள் என்று நிபுணர்கள் கூறுகின்றனர்.

பிறப்புறுப்பு பிரச்சினைகள்

உங்கள் பிறப்புறுப்பை சுற்றி என்ன நடக்கிறது என்பதில் கவனம் செலுத்துங்கள். உயர் இரத்த சர்க்கரை பாக்டீரியாவை தடுக்கும் உங்கள் உடலின் திறனை குறைக்கிறது. இதனால் உங்கள் பிறப்புறுப்பை சுற்றி தொற்றுநோய்கள் ஏற்படலாம். நீங்கள் உடலுறவின் போது வலியை உணர்ந்தால் (குறிப்பாக பெண்களுக்கு), இரத்த சிறுநீர் இருந்தால், நீங்கள் சிறுநீர் கழிக்கும்போது எரியும் உணர்வை அனுபவித்தால், அல்லது அடிக்கடி சிறுநீர் கழிக்க வேண்டிய அவசியத்தை உணர்ந்தால் மருத்துவரிடம் செல்ல வேண்டும். உடலுறவுக்கு முன்னும் பின்னும் (30 நிமிடங்களுக்குள்) சிறுநீர் கழிப்பது நல்லது. இது சிறுநீர்ப்பை தொற்றுநோய்களைத் தடுக்க உதவும்.

இயற்கை முறையில் இயலாமையை குணப்படுத்துங்கள்

பொதுவாக சர்க்கரை நோய் இருக்கும் ஆண்களுக்கு விறைப்புத்தன்மையில் பிரச்சினையில் இருக்கலாம். இதனை சரி செய்ய இயற்கையான சிகிச்சை முறையை கையாளவும். சில இயற்கை மூலிகைகள் இந்த பிரச்சினையை சரி செய்யும். ஆனால் அதனை செய்யும் முன் உங்கள் மருத்துவரை ஆலோசிப்பது நல்லது, ஏனெனில் இவை உங்களின் மற்ற மருந்துகளின் விளைவுகளில் தலையிடும்.

ஈஸ்ட் தொற்று

சர்க்கரை நோய் இருக்கும் பெண்களுக்கு அதிகளவு பிறப்புறுப்பு பிரச்சினைகள் ஏற்பட வாய்ப்புள்ளது. பிறப்புறுப்பை சுற்றி அதிக குளுக்கோஸ் அளவு, ஈரப்பதம் மற்றும் வெப்பம், பாக்டீரியா மற்றும் ஈஸ்ட் ஆகியவற்றின் வளர்ச்சிக்கு வழிவகுக்கும். மாதவிடாய் நின்ற வயதான பெண்கள் ஈஸ்ட்ரோஜன் வீழ்ச்சியால் இன்னும் அதிகமாக பாதிக்கப்படுகிறார்கள். உங்கள் இரத்த சர்க்கரை அளவை கட்டுக்குள் வைத்திருங்கள், தவறாமல் குளிக்கவும், யோனி பகுதியை வறட்சியாக வைத்துக்கொள்ளவும்.