2023 லேக்மீ ஃபேஷன் வீக்கில் அட்டகாசமான உடையில் முதலில் ராம்ப் வாக் செய்த பிரபலம் யார் தெரியுமா?

லேக்மீ ஃபேஷன் ஷோ

லேக்மீ ஃபேஷன் வீக் இன்று மார்ச் 9 அன்று மதியம் 12 மணிக்கு தொடங்கியது. ஃபேஷன் டிசைன் கவுன்சில் ஆஃப் இந்தியாவுடன் இணைந்து நடத்தப்படும் இந்த ஃபேஷன் நிகழ்ச்சி மார்ச் 12ஆம் தேதியுடன் நிறைவடைகிறது. நான்கு நாட்கள் கோலாகலமாக நடைபெற இருக்கும் இந்த ஃபேஷன் மற்றும் லைஃப்ஸ்டைல் ​​நிகழ்வு மும்பையில் உள்ள ஜியோ வேர்ல்ட் கார்டனில் நடைபெறுகிறது. மார்ச் 12 அன்று, மனீஷ் மல்ஹோத்ராவின் 'டிஃப்யூஸ்' பிரீட் கலெக்‌ஷன் மூலம் இந்த ஃபேஷன் ஷோ நிறைவடையும் தெரிவிக்கப்பட்டுள்ளது.

ஃபேஷன் உலகின் திறமைகளை காணலாம்

அட்டகாசமான கவர்ச்சியான ஆடைகளுடன் வரும் பிரபலங்களையும் மாடல்களையும் காண ஃபேஷன் உலகம் காத்துக்கொண்டிருக்கிறது. வடிவமைப்பாளர்கள் தங்கள் படைப்பாற்றலை வெளிப்படுத்தவும் இந்தத் துறையில் மேலும் சாதிக்கவும் இந்த ஃபேஷன் வீக் நிகழ்வு ஏற்பாடு செய்யப்பட்டுள்ளது. ஃபேஷன் டிசைன் கவுன்சில் ஆஃப் இந்தியா(FDCI) தனக்கென்று ஒரு தனித்துவமான இடத்தைக் கொண்டுள்ளது. மேலும் அது லேக்மீ ஃபேஷன் வீக் மூலம் தன்னை நிலைநிறுத்துகிறது. இந்த ஃபேஷன் நிகழ்ச்சியில் நூற்றுக்கணக்கான பிராண்டுகள், வடிவமைப்பாளர்கள் மற்றும் பிஸ்னஸ் மேன்கள் ஒன்றிணைவதால், ஃபேஷன் குறித்து பல விஷயங்களை தெரிந்துகொள்ளலாம். லேக்மீ ஃபேஷன் வீக் ஆனது வளரும் பேஷன் திறமைகளை வெளிப்படுத்தும் ஒரு தளமாக உள்ளது.

புகழ்பெற்ற ஆடை வடிவமைப்பாளர்கள்

ராகுல் மிஸ்ரா, பெரோவின் அனீத் அரோரா, கல்லோல் தத்தா, கிருதி துலா, ருத்ராக்ஷ் த்விவேதி, ஹீரோ, சுதிர் ராஜ்பார், மசாபா குப்தா மற்றும் பவ்யா கோயங்கா உள்ளிட்ட பல புகழ்பெற்ற ஆடை வடிவமைப்பாளர்கள் லேக்மீ பேஷன் வீக்கில் தங்கள் திறமையை வெளிப்படுத்தினர். இந்த நான்கு நாட்களில் பேஷன் உலகில் நிகழும் அதிசயங்களை நாம் தினமும் கண்டுகளிக்கலாம். ஒவ்வொரு வடிவமைப்பாளரும் இந்த மேடையில் தங்களின் தனித்துவமான பிராண்டை வழங்க இருக்கிறார்கள்.

நேஹா தூபியாவுடன் தொடங்கிய நிகழ்வு

பிரபல நட்சத்திரமான நேஹா தூபியாவுடன் இந்த ஃபேஷன் வீக் தொடங்கப்பட்டது. லேக்மீ ஃபேஷன் வீக்கின் முதல் நாளிலேயே தன் அழகாலும் ஆடையாலும் தனக்கான ரசிகர்கள் பட்டாளத்தை உருவாக்கியுள்ளார் நேஹா தூபியா. நேஹாவின் அட்டகாசமான ஆடை புகைப்படங்கள் தற்போது சமூக வலைதளங்களில் வைரலாகி வருகிறது.

நேஹா ஆடை

வெளிர் மஞ்சள் நிற கவுன் அணிந்து அழகாக ரேம்ப் வாக் செய்தார் நேஹா. பிரகாசமான மஞ்சள் நிற கவுன் உடையில் கொஞ்சம் பச்சை, வெள்ளை மற்றும் கருப்பு நிறம் கலந்த பெல்ட் அணிந்திருந்தார். இந்த ஆடை மிக நேர்த்தியாக வடிவமைக்கப்பட்டிருந்தது. எளிமையான தோற்றத்தில் அனைவரின் கவனத்தையும் ஈர்த்த நேஹா, ஆடைக்கேற்ற அணிகலன் மற்றும் காலணிகளை கச்சிதமாக அணிந்திருந்தார்.