இந்தியா பிரைடல் ஃபேஷன் வீக் 2013: அஷிமா மற்றும் லீனா கலெக்ஷன்கள்!!!

By Babu

Published: Tuesday, December 3, 2013, 15:40 [IST]

இந்தியா பிரைடல் ஃபேஷன் வீக்கின் நான்காம் நாளில் அஷிமா மற்றும் லீனா என்னும் டிசைனர்களின் 'ஆளாப்' கலெக்ஷன்கள் வெளிவந்தன. இந்த டிசைனர்களின் கலெக்ஷன்களில் நிறைய நிறங்கள் பயன்படுத்தப்பட்டுள்ளன. மேலும் இவர்கள் வடிவமைத்த லெஹெங்கா முதல் சுடிதார் பேண்ட் வரை அனைத்துமே பளிச்சென்று அழகாக ஜொலிக்கும் வகையில் இருக்கும்.

அதுவும் பாரம்பரிய தோற்றத்தைக் கொடுக்கும் வகையிலான லெஹெங்காக்களை வடிவமைத்து வெளியிட்டுள்ளனர். அதுமட்டுமின்றி, அஷிமா மற்றும் லீனா அவர்கள், பில்லா 2 படத்தின் நாயகியான ஹூமா குரேஷி என்னும் மும்பை மாடலை ஷோஸ்டாப்பராக கொண்டு வந்துள்ளார்.

ஹூமா குரேஷி மிகவும் அழகான பலவண்ணம் கொண்ட லெஹெங்கா உடையில் ராம்ப் வாக் நடந்தார். சரி, இப்போது அஷிமா மற்றும் லீனா அவர்களின் கலெக்ஷன்களைப் பார்ப்போமா!!!

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

ஷோஸ்டாப்பர்

ஹூமா குரேஷி, பாரம்பரிய தோற்றத்தைக் கொடுக்கும் பலவண்ணம் கொண்ட ப்ரில் லெஹெங்காவை அணிந்து, அஷிமா மற்றும் லீனா அவர்களுக்கு ஷோஸ்டாப்பராக ராம்ப் வாக் நடந்து வந்தார்.

ப்ரில் லெஹெங்கா

ஹூமா அதிக மடிப்புக்கள் கொண்ட, பல்வேறு நிறங்கள் கலந்த ப்ரில் லெஹெங்காவை அணிந்து வந்திருந்தார்.

ஜாக்கெட்

ஹூமா, அதிக கோல்டன் நூல் வேலைப்பாடுகள் செய்யப்பட்ட பிங்க் நிற சில்க் ஜாக்கெட் அணிந்து வந்திருந்தார்.

பிங்க் துப்பட்டா

ஹூமா குரேஷி அணிந்திருந்த பல வண்ணம் கொண்ட லெஹெங்காவானது, பார்டரில் கோல்டன் கற்கள் தொங்கவிடப்பட்ட பிங்க் நிற ஷீர் துப்பட்டாவைக் கொண்டது.

மேக் அப்

ஹூமா பிங்க் நிற லெஹெங்காவிற்கு பொருத்தமான மேக் அப்பை போட்டு க்யூட்டாக வந்திருந்தார்.

ஆபரணங்கள்

ஹூமா குரேஷி, ஆடைக்கு பொருத்தமாக கழுத்தில் அதிகப்படியான லேயர் கொண்ட நகையையும், காதுகளுக்கு தோடு மற்றும் கைகளுக்கு கோல்டன் காப்பு அணிந்து வந்திருந்தார்.

டிசைனர்களுடன் ஹூமா

இது ஹூமா குரேஷி, அவர் அணிந்திருக்கும் ஆடையை வடிவமைத்த டிசைனர்களான அஷிமா மற்றும் லீனாவுடன் ராம்ப் வந்த போது எடுத்தது.

பூ எம்பிராய்டரி

அஷிமா மற்றும் லீனா பூ எம்பிராய்டரி செய்யப்பட்ட நிறைய ஆடைகளை வெளியிட்டனர். அதில் ஒன்று தான் இது.

சுடிதார்

டிசைனர்கள் வடிவமைத்த கற்கள் பதிக்கப்பட்ட சுடிதார் பேண்ட் ஸ்டைலான தோற்றத்தைக் கொடுப்பதோடு, மேலே பூ எம்பிராய்டரி செய்யப்பட்ட குட்டையான அனார்கலி சூட் அழகான தோற்றத்தைக் கொடுக்கிறது.