வீட்டிலேயே தயாரிக்கும் 'இந்த' 5 சரும தயாரிப்பு கலவைகள் உங்க சருமத்தை ஜொலிக்க வைக்குமாம் தெரியுமா?

இயற்கையான வீட்டில் அஸ்ட்ரிஜென்ட்கள்

வீட்டிலையே இயற்கையான அழகு சாதன பொருட்களைத் தயாரிப்பது மிகவும் எளிது. சிறந்த அம்சம் என்னவென்றால், வீட்டில் தயாரிக்கப்பட்ட அழகு சாதன தயாரிப்புகள் கடையில் வாங்குவதை விட அதிக பயனுள்ளதாக இருக்கும். ஏனெனில், இவை இயற்கையான பொருட்களைப் பயன்படுத்தி தயாரிக்கப்படுகின்றன. வீட்டிலேயே தயாரிக்கப்படும் அஸ்ட்ரிஜென்ட்களை எப்படி தயார் செய்வது என்று இங்கு காணலாம்.

வெள்ளரிக்காய்

வெள்ளரிக்காய் ஆரோக்கியமான உணவு. உடலுக்கும், சருமத்திற்கும் மிகுந்த ஆரோக்கிய நன்மைகளை தருகிறது. இயற்கையான துவர்ப்பானாகச் செயல்பட்டு சருமத்தை சுத்தப்படுத்தவும், ஒளிரச் செய்யவும் உதவுகிறது.

எப்படி செய்வது: புதிதாக வெட்டப்பட்ட வெள்ளரிக்காய் துண்டுகளை உங்கள் தோலில் தேய்த்து, தண்ணீரில் கழுவும். இது கரும்புள்ளிகளை குறைக்க உதவுகிறது.

எலுமிச்சை

எலுமிச்சையில் காணப்படும் அஸ்கார்பிக் அமிலம், தோல் துளைகளை சுருக்க உதவும் ஒரு இயற்கை அஸ்ட்ரிஜென்டாக செயல்படுகிறது. இதன் விளைவாக, இது அதிகப்படியான எண்ணெய் உற்பத்தி சிவப்பைக் குறைத்து, சருமத்தை பிரகாசமாக்குகிறது. மேலும், ஆரோக்கியமான பொலிவான சருமத்தை உருவாக்குகிறது.

எப்படி செய்வது: நேர்மறையான முடிவுகளைக் காண, நீங்கள் எலுமிச்சை சாற்றை தண்ணீரில் கலந்து உங்கள் முகத்தில் தடவ வேண்டும்.

ரோஸ்வாட்டர்

இயற்கையான அஸ்ட்ரிஜென்ட், ரோஸ் வாட்டர் சரும துளைகளை சுத்தப்படுத்தவும், சருமத்தை மெதுவாக பிரகாசமாக்கவும் உதவுகிறது. உங்கள் சருமத்தின் ஆரோக்கியத்தை பராமரிக்க, வீட்டில் தயாரிக்கப்பட்ட ரோஸ் வாட்டரை தினமும் தடவவும்.

எப்படி செய்வது: நீங்கள் ஒரு கப் தண்ணீரை மட்டும் கொதிக்க வைத்து, அதில் ரோஜா இதழ்களைச் சேர்க்கவும். ரோஜா பூவின் நிறத்தை உறிஞ்சும் வரை தண்ணீரை கொதிக்க வைக்கவும். ரோஸ் கலந்த தண்ணீரில் சில துளிகள் எலுமிச்சை எண்ணெயை நன்கு கலக்கவும். படுக்கைக்குச் செல்வதற்கு முன் தினமும் முகத்தில் இதை பயன்படுத்துங்கள்.

ஆப்பிள் சாறு வினிகர்

மூல மற்றும் கரிம ஆப்பிள் சைடர் வினிகர் எப்போதும் தோலுக்கு ஒரு நன்மை பயக்கும் பொருளாகக் கூறப்படுகிறது. சருமத் துளைகளை சுருக்குவதோடு, சருமத்தில் உள்ள அதிகப்படியான எண்ணெயையும் உறிஞ்சி, இன்னும் கூடுதலான நிறத்திற்கு பங்களிக்கிறது.

எப்படி செய்வது: ஒரு கிண்ணத்தில், 25 மில்லி ஆப்பிள் சைடர் வினிகரை 100 மில்லி காய்ச்சி வடிகட்டிய தண்ணீருடன் சேர்க்கவும். நன்கு கலக்கி அதில், எலுமிச்சை எண்ணெயை சில துளிகள் சேர்க்கவும். பின்னர், நன்றாக கலந்து, உங்கள் முகம் மற்றும் கழுத்தில் தொடர்ந்து தடவவும்.

கெமோமில்

கெமோமில் சரும துளைகளை சுருக்குவதோடு மட்டுமல்லாமல் சருமத்தில் உள்ள அழுக்குகளை நீக்குகிறது மற்றும் எண்ணெய் சுரப்பைக் கட்டுப்படுத்துகிறது. இதனால் சருமம் ஆரோக்கியமாக இருக்கும்.

எப்படி செய்வது: இரண்டு காய்ந்த கெமோமில் பூக்கள் மற்றும் உலர்ந்த புதினாவுடன் இரண்டு கப் தண்ணீர் சேர்த்து கொதிக்க வைக்கவும். கலவை குளிர்ந்ததும், அதை ஒரு வெற்று கொள்கலனில் ஊற்றவும். சருமத்திற்கு புத்துணர்ச்சி அளிக்க இந்த கலவையை தினமும் முகத்தில் பயன்படுத்தவும்.

இறுதிகுறிப்பு

உங்களுக்கு சருமத்தில் ஒவ்வாமை பிரச்சனை இருந்தால் எச்சரிக்கையாக இருங்கள். வறண்ட சருமத்திற்கு இந்த இயற்கையான அஸ்ட்ரிஜென்ட்களை அதிகமாகப் பயன்படுத்துவதைத் தவிர்க்கவும். இல்லையெனில், உங்கள் சருமம் மேலும் வறண்டு போகும். எப்போதும் பேட்ச் டெஸ்ட் செய்யுங்கள்.