For Quick Alerts
ALLOW NOTIFICATIONS  
For Daily Alerts

மழைக்காலத்தில் சருமம் அழகா இருக்கணுமா? அப்ப இந்த ஃபேஸ் பேக்கை போடுங்க...

|

மழைக்காலத்தில் பல சரும பிரச்சனைகளை சந்திக்கக்கூடும். அதில் வெள்ளைப்புள்ளிகள் மற்றும் கரும்புள்ளிகள், பாக்டீரியா மற்றும் பூஞ்சை தொற்றுகள், சரும அரிப்புகள், எரிச்சல் மற்றும் தடிப்புகள் போன்றவை அடங்கும். என்ன தான் மழைக்காலமாக இருந்தாலும், பருவ காலத்திற்கு ஏற்ப சருமத்தில் பிரச்சனைகள் எழுந்து, சரும ஆரோக்கியம் பாதிக்கப்படும். ஆனால் சரும ஆரோக்கியத்தை மேம்படுத்த பல இயற்கை வழிகள் உள்ளன. குறிப்பாக வீட்டில் உள்ள சில பொருட்களைக் கொண்டே சருமத்திற்கு பராமரிப்புக்களைக் கொடுத்து மேம்படுத்தலாம்.

இயற்கை பொருட்கள் பாதுகாப்பானவை, எவ்வித பக்கவிளைவுகளும் இல்லாததால், அனைத்து வயதினரும் சற்றும் அச்சம் கொள்ளாமல் பயன்படுத்தலாம். மழைக்காலத்தில் குறைபாடற்ற அழகான சருமத்தைப் பெற உதவும் சில நேச்சுரல் ஃபேஸ் பேக்குகள் கீழே கொடுக்கப்பட்டுள்ளன.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
ஃபேஸ் பேக் #1

ஃபேஸ் பேக் #1

* முதலில் ஒரு பௌலில் ரோஸ் வாட்டர் சிறிது எடுத்துக் கொள்ள வேண்டும்.

* பின் அதில் சிறிது ஆரஞ்சு தோல் பவுடர், துவரம் பருப்பு பவுடர் மற்றும் ஓட்ஸ் பவுடரை சேர்த்து கலந்து பேஸ்ட் செய்து கொள்ள வேண்டும்.

* பின்பு அந்த பேஸ்ட்டை முகத்தில் தடவி நன்கு காய வைக்க வேண்டும்.

* இறுதியாக குளிர்ந்த நீரால் முகத்தைக் கழுவ வேண்டும்.

ஃபேஸ் பேக் #2

ஃபேஸ் பேக் #2

உங்கள் முகத்தில் குழிகள் அதிகம் உள்ளதா? அப்படியானால் திறந்துள்ள சருமத் துளைகளை சுருக்குவதற்கு ஒரு அற்புதமான ஃபேஸ் பேக் உள்ளது. அது பின்வருமாறு:

* தக்காளியை துண்டுகளாக்கி ஃப்ரிட்ஜில் உள்ள ப்ரீசரில் வைக்க வேண்டும்.

* பின் அந்த உறைய வைக்கப்பட்ட தக்காளி துண்டுகளால் தினமும் சருமத்தை மசாஜ் செய்து, பின் குளிர்ந்த நீரால் கழுவ வேண்டும்.

* இப்படி ஒரு வாரம் தொடர்ந்து செய்து வந்தால், ஒரு நல்ல மாற்றத்தைக் காணலாம்.

ஃபேஸ் பேக் #3

ஃபேஸ் பேக் #3

உங்களுக்கு முகப்பரு அதிகம் இருந்தால், இந்த ஃபேஸ் பேக்கை போடுங்கள்.

* ஒரு பௌலில் 2 டேபிள் ஸ்பூன் தேன் மற்றும் 4 டேபிள் ஸ்பூன் லாவெண்டர் எண்ணெய் மற்றும் சில துளிகள் டீ-ட்ரீ ஆயில் சேர்த்து கலந்து கொள்ள வேண்டும்.

* பின் அந்த கலவையை முகத்தில் தடவி குறைந்தது 10 நிமிடம் ஊற வைக்க வேண்டும்.

* பின்பு குளிர்ந்த நீரால் முகத்தைக் கழுவ வேண்டும். இப்படி செய்வதால, சருமத்துளைகள் மூடுவதோடு, முகப்பரு பிரச்சனையும் குறையும்.

ஃபேஸ் பேக் #4

ஃபேஸ் பேக் #4

உங்கள் சருமத்தை மென்மையாக்க விரும்பினால் இந்த ஃபேஸ் பேக் பெரிதும் உதவியாக இருக்கும்.

* ஒரு பௌலில் 1 டேபிள் ஸ்பூன் சந்தன பவுடரை எடுத்துக் கொள்ள வேண்டும்.

* பின் அதில் 1/2 டேபிள் ஸ்பூன் மஞ்சள் தூள் சேர்த்துக் கொள்ள வேண்டும்.

* பிறகு ரோஸ் வாட்டர் சேர்த்து கெட்டியாக பேஸ்ட் செய்து கொள்ள வேண்டும்.

* அதன் பின் அந்த பேஸ்ட்டை முகம் மற்றும் கழுத்துப் பகுதியில் தடவி நன்கு காய வைக்க வேண்டும்.

* இறுதியாக வெதுவெதுப்பான நீரால் முகத்தைக் கழுவ வேண்டும்.

ஃபேஸ் பேக் #5

ஃபேஸ் பேக் #5

* நன்கு கனிந்த ஒரு வாழைப்பழத்தை துண்டுகளாக்கி மிக்சர் ஜாரில் போட்டுக் கொள்ள வேண்டும்.

* பின் அதில் சிறிது ஆப்பிள் மற்றும் பீச் துண்டுகளை சேர்த்து அரைத்துக் கொள்ள வேண்டும்.

* பின்பு அரைத்ததை ஒரு பௌலில் ஊற்றி, அத்துடன் 1 டேபிள் ஸ்பூன் தேன் சேர்த்து கலந்து, முகத்தில் தடவி சிறிது நேரம் ஊற வைக்க வேண்டும்.

* இறுதியாக குளிர்ந்த நீரால் முகத்தைக் கழுவ வேண்டும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
English summary

Homemade Packs for Flawless Skin in Monsoon In Tamil

Here are some homemade packs for flawless skin in monsoon. Read on to know more...
Story first published: Friday, August 5, 2022, 21:03 [IST]
Desktop Bottom Promotion