உங்க முகப்பரு போகவே மட்டுதா அப்போ இந்த எல்லா எண்ணெயும் கலந்து தேய்ங்க

அத்தியாவசிய எண்ணெய்கள்

அத்தியாவசிய எண்ணெய் உங்கள் முகத்தில் உள்ள மூடப்பட்ட துளைகளைச் சுத்தம் செய்து அதனை ஹைட்ரேட் செய்கிறது. மேலும் இந்த அத்தியாவசிய எண்ணெய்கள் உங்களின் மன அழுத்தம் மற்றும் பதட்டத்தின் அளவையும் குறைக்கிறது. அத்துடன் தூக்கமின்மையைப் போக்கி, ஹார்மோன் அளவுகளில் ஏற்படும் ஏற்றத்தாழ்வு ஆகியவற்றை எதிர்த்துப் போராடுகிறது. இதனால் முகப்பரு வராமல் தடுத்து அதன் வடுக்களையும் போக்குகிறது.

டீ ட்ரீ ஆயில்

டீ ட்ரீ ஆயில் என்னும் தேயிலை மர எண்ணெயில் அழற்சி எதிர்ப்பு, கிருமி நாசினிகள், பாக்டீரியா எதிர்ப்பு மற்றும் பூஞ்சை காளான் பண்புகள் ஆகியவை நிறைந்துள்ளன. இது உங்களின் பரு மற்றும் பருக்களின் வடுக்களைச் சரி செய்வதற்கு மிகவும் ஏற்ற ஒன்று. இரண்டு தேக்கரண்டியளவு தேயிலை மர எண்ணெய் மற்றும் ஆலிவ் எண்ணெய் எடுத்து இரண்டையும் ஒன்றாகக் கலந்து பருக்கள் அல்லது வடுக்கள் உள்ள இடங்களில் தேயுங்கள். உங்களுக்கு எண்ணெய் சருமம் இருந்தால் அத்துடன் இரண்டு தேக்கரண்டியளவு கற்றாழை ஜெல் சேர்த்துக் கலந்து அப்ளை செய்யுங்கள். இது உங்கள் பருக்கள் மற்றும் வடுக்களை 2 வரங்களுக்குக்குள அகற்றி விடும்.

பெர்கமோட் எண்ணெய்

பெர்கமோட்டின் எண்ணெய் இது உங்கள் சருமத்தை ஒளிரச் செய்யும் தன்மையை பெற்றுள்ளது. உங்கள் சருமம் பாதிக்கப்பட்ட பகுதியில் தேங்காய் எண்ணெய் இரண்டு தேக்கரண்டியளவு மற்றும் பெர்கமோட் எண்ணெய் இரண்டு தேக்கரண்டியளவு இரண்டையும் ஒன்றாகக் கலந்து தேய்த்து வாருங்கள். விரைவிலேயே நீங்கள் முகப்பரு இல்லாத ஒளிரும் சருமத்தைப் பெறுவீர்கள்.

ஆர்கனோ எண்ணெய்

ஆர்கனோ எண்ணெய் இத்தாலிய உணவுகளின் சுவையை அதிகரிப்பதற்காகப் பயன்படுத்தப்படும் ஒரு வகையான மூலிகை எண்ணெயாகும். இந்த மூலிகை எண்ணெய் ஆண்டிசெப்டிக் மற்றும் பாக்டீரியா எதிர்ப்பு பண்புகளைக் கொண்டுள்ளது. எனவே இந்த எண்ணையை நீங்கள் முகப்பரு வடுவினை போக்கத் தாராளமாகப் பயன்படுத்தலாம். ஆர்கனோ எண்ணெயை ஜோஜோபா எண்ணெயுடன் கலந்து தினமும் தடவி வாருங்கள். முகப்பரு அற்ற தெளிவான சருமத்தை பெற்றிடுங்கள்.

கிராம்பு எண்ணெய்

கிராம்பு எண்ணெய் பாக்டீரியா எதிர்ப்புப் பண்புகள் மற்றும் சுத்திகரிப்பு குணங்களைக் கொண்டுள்ளது. ஒரு தேக்கரண்டியளவு திராட்சை விதைகள் அல்லது வைட்டமின் ஈ எண்ணெயுடன் நான்கு துளி கிராம்பு எண்ணெயைச் சேர்த்து முகப்பரு அல்லது வடுக்கள் இருக்கும் இடங்களில் தடவி வந்தால் விரைவிலேயே சரி ஆகிவிடும்.

லாவெண்டர் எண்ணெய்

லாவெண்டர் எண்ணெய் ஐந்து சொட்டுகள் மற்றும் பாதாம் எண்ணெய் ஒரு தேக்கரண்டியளவு சேர்த்துக் கலந்து முகப்பரு மற்றும் வடுக்கள் உள்ள இடங்களில் தடவுங்கள் இவை வடுக்களை மறைய வைத்து உங்கள் சருமத்தை மிருதுவாகவும் மென்மையாகவும் மாற்றும்.

அத்தியாவசிய எண்ணெய்களின் கலவை

உங்களுக்குத் தேவைப்பட்டால் அத்தியாவசிய எண்ணெய்களின் கலவையை நீங்கள் பயன்படுத்தலாம். இவை உங்கள் முகப்பருக்கு எதிராகச் சிறப்பான முறையில் போராடும்.

ஜோஜோபா எண்ணெய் ஒரு தேக்கரண்டியளவு.

லாவெண்டர் எண்ணெய் - ஐந்து சொட்டுகள்.

பிராங்கிசென்ஸ் எண்ணெய் - ஐந்து சொட்டுகள்.

எலுமிச்சை எண்ணெய் - ஐந்து சொட்டுகள்.

இவை எல்லாம் நன்றாகக் கலந்து சேகரித்து வைத்துக் கொள்ளுங்கள். தினமும் இந்த கலவையை உங்கள் சருமத்தில் பயன்படுத்துவதற்கு முன்பு சோப்பு வைத்து முகத்தினை நன்றாகக் கழுவி சுத்தம் செய்து விட்டுப் பயன்படுத்துங்கள்.