மழைக்காலத்தில் சரும அழகை பராமரிக்க உதவும் ஃபேஸ் ஸ்கரப்கள்!!!

ஓட்ஸ்

இந்த ஸ்கரப்பானது வறட்சியான சருமம் உள்ளவர்களுக்கு மிகவும் சிறந்தது. இந்த ஸ்கரப் செய்வதால் சருமத்தில் உள்ள இறந்த செல்கள் நீங்குவதுடன், சருமத்துளைகளின் அளவும் குறையும். அதற்கு 1/2 கப் ஓட்ஸில் தயிர் மற்றும் 1 துளி எலுமிச்சை சாறு சேர்த்து நன்கு பேஸ்ட் செய்து, பின் சருமத்தில் தடவி, சில நிமிடங்கள் ஊற வைத்து பின் குளிர்ந்த நீரில் கழுவ வேண்டும்.

பப்பாளி ஸ்கரப்

பப்பாளியின் விதைகளை எடுத்து, அதில் சிறிது சர்க்கரை மற்றும் ஒட்ஸ் சேர்த்து அரைத்து பேஸ்ட் செய்து, வாரத்திற்கு இரண்டு முறை அதனைக் கொண்டு ஸ்கரப் செய்தால், சருமத்துளைகளின் அளவு குறையும்.

வால்நட் ஸ்கரப்

சிறிது வால்நட்ஸ் பருப்புக்களை எடுத்து, அதனை அரைத்து, அதில் தேன் மற்றும் ரோஸ் வாட்டர் சேர்த்து கலந்து, முகத்தில் தடவி சிறிது நேரம் மென்மையாக ஸ்கரப் செய்து பின் கழுவ வேண்டும்.

நாட்டுச்சர்க்கரை ஸ்கரப்

நாட்டுச்சர்க்கரையில், ஆலிவ் அல்லது தேங்காய் எண்ணெய் சேர்த்து கலந்து, முகத்தில் தடவி சில நிமிடங்கள் மென்மையாக மசாஜ் செய்து வெதுவெதுப்பான நீரில் கழுவ வேண்டும்.