முகத்தில் உள்ள கருமையைப் போக்கணுமா? அப்ப கடலை மாவு வெச்சு இப்படி ஃபேஸ் பேக் போடுங்க..

Skin Care Tips In Tamil: உங்கள் முகம் கருப்பா இருக்கா? இந்த கருமையைப் போக்க கடைகளில் விற்கப்படும் விலை உயர்ந்த எத்தனையோ க்ரீம்கள், ஃபேஸ் பேக்குகளை வாங்கி பயன்படுத்துகிறீர்களா? இருப்பினும் எந்த ஒரு பலனும் கிடைக்கவில்லையா? அப்படியானால் நம் வீட்டின் சமையலறையில் உள்ள பொருட்களைக் கொண்டு பராமரிப்பு கொடுங்கள். அதுவும் பாரம்பரியமாக நம் முன்னோர்கள் சரும அழகை மேம்படுத்த பயன்படுத்தி வந்த ஒரு பொருளைக் கொண்டு ஃபேஸ் பேக் போடும் போது ஒரு நல்ல மாற்றத்தைக் காணலாம். அது தான் கடலை மாவு.

இந்த கடலை மாவு சருமத்தில் உள்ள அதிகப்படியான எண்ணெயை உறிஞ்சுவது, சருமத் துளைகளை ஆழமாக சுத்தம் செய்வது, சருமத்தில் உள்ள இறந்த செல்களை அகற்றுவது, சருமத்தில் உள்ள கருமையைப் போக்கி சரும நிறத்தை அதிகரிப்பது போன்ற பல நன்மைகளை வழங்கும். இப்படிப்பட்ட கடலை மாவு கொண்டு ஃபேஸ் பேக் போடும் போது இன்னும் சிறப்பான பலன் கிடைக்கும். இப்போது சரும நிறத்தை அதிகரிக்க உதவும் டாப் 5 கடலை மாவு ஃபேஸ் பேக்குகள் கொடுக்கப்பட்டுள்ளன.

1. கடலை மாவு மற்றும் பால் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் கடலை மாவை எடுத்துக் கொள்ள வேண்டும்.
* பின் அதில் பால் சேர்த்து பேஸ்ட் செய்து கொள்ள வேண்டும்.
* பின்பு அதை முகத்தில் தடவி 10-15 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.

2. கடலை மாவு மற்றும் மஞ்சள் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் கடலை மாவை எடுத்துக் கொள்ள வேண்டும்.
* பின் அதில் 1 சிட்டிகை மஞ்சள் தூளை சேர்த்து, பால் அல்லது ரோஸ் வாட்டர் சேர்த்து பேஸ்ட் செய்து கொள்ள வேண்டும்.
* பிறகு அதை முகத்தில் தடவி 10-15 நிமிடம் ஊற வைக்க வேண்டும்.
* பின்பு குளிர்ந்த நீரால் கழுவ வேண்டும்.

3. கடலை மாவு மற்றும் தயிர் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் கடலை மாவை எடுத்துக் கொள்ள வேண்டும்.
* பின் அதில் தயிர் சேர்த்து பேஸ்ட் செய்து கொள்ள வேண்டும்.
* பின்பு அதை முகத்தில் தடவி 10 நிமிடம் ஊற வைக்க வேண்டும்.
* அதன் பின் குளிர்ந்த நீரால் முகத்தை மென்மையாக தேய்த்து கழுவ வேண்டும்.

4. கடலை மாவு மற்றும் தக்காளி ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் கடலை மாவை எடுத்து, அத்துடன் அரைத்த தக்காளி விழுதை சேர்த்து பேஸ்ட் செய்து கொள்ள வேண்டும்.
* பின்பு அதை முகத்தில் தடவி 15-20 நிமிடம் ஊற வைக்க வேண்டும்.
* அதன் பின் குளிர்ந்த நீரால் மென்மையாக தேய்த்து கழுவ வேண்டும்.

5. கடலை மாவு மற்றும் முல்தானி மெட்டி ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் கடலை மாவை எடுத்து, அத்துடன் 1 டேபிள் ஸ்பூன் முல்தானி மெட்டி பொடியை சேர்த்துக் கொள்ள வேண்டும்.
* பின் அதில் பால் அல்லது ரோஸ் வாட்டர் சேர்த்து பேஸ்ட் செய்து கொள்ள வேண்டும்.
* பின்பு அதை முகத்தில் தடவி, 15-20 நிமிடம் ஊற வைத்து, குளிர்ந்த நீரால் கழுவ வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை இக்கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)